رايكم يهمني جدا

[Abdullah55]

والله يا اخوان عجزت انام بسبب موضوع شاغل بالي و مضيق صدري و ابي رايكم لا هنتم

انا و واحد من أعز الأصدقاء لنى صديق من الجنسية الألمانية يعمل بالسفارة و عندة برادو 2013 فل الفل ماشي حول 23 الف كيلو ماخذة من عبداللطيف جميل بنظام التأجير المنتهي بالتمليك و باقي على أقساطة 106 آلاف و سعرة بالسوق بال125 الرجال الالماني تنتهي مهمتة بعد فترة بسيطة و مبتلش بباقي الأقساط فأنا شرت على خويي أننا نكمل باقي الأقساط و نتكسب كل واحد يجيلة حول ال10 آلاف. جاني قبل اسبوع و قال ان السيارة بتطلع علينا ب114 و ان اسعارة نازلة ولا تسوى التعب عاد قلتلة خلاص اتركة اجل.
عاد اليوم جا طاري الالماني و سألتة وش صار على البرادو جا قالي أن الموضوع تم و أنه باع السيارة ب122 ألف و صفالة 16 الف و أنه يبي يعطيني 4 آلاف على اساس ان الفكرة فكرتي
انا بصراحة تنازلت عنها و قلتلة حلال عليك و مابيها
الرجال قالي هذا حقك ولا ابي احط شي بذمتك

انا فيني قهر بداخلي خصوصا أنة عزيز علي جدا

ابي رايكم بكل صراحة

[Abdullah55]

انتظر ردودكم يا اخوان

[AL-OTAIBI]

والله من حقك تنقهر خصوصاً إذا كانت هالحركة من شخص عزيز عليك, لكن خلها و احتسبها عند ربك.
وما يمنع إنك تسأل صاحبك ليش سوا معك كذا بكل أريحية, من حقك أنك تطلب منه تفسير.

لكن الواحد أولاَ و أخيراً يحسن النية و يلتمس العذر حتى لو ما كان فيه عذر, خصوصاً مع المقربين منك.

تحياتي

[Abdullah55]

شكرا على تفاعلك مع الموضوع

ووالله الواحد يحسن النية بس فيه أمور ما تسلك يعني تحاول تمشيها بس ما تمشي

[شاق النفد]

هذا من العينة اللي تفضل الريال على الرجال

حاول انك تتحاشاه وتخليها سلام ورده

[المميـز]

:

والله انها حركه غريبه .. الله يعينك .. سامحه بهذا الشهر الفضيل
ويبي يحس بغلطته وماينساها طول عمره والله المستعان

:

[تركي1]

وجهة نظري
أنت تذكر تاريخ صداقتك معه هل هناك مواقف حصلت منه تدل على اللؤم أو البخل

يعني هل سبق وسامحته

الشاهد إذا له مواقف عموما زينة ومواقف كويسة معك فعاتبه عتاب اﻷحباب ولاتخليها في نفسك وفي نفس الوقت أكمل صداقتك معه
فمن تركه الزمان بلازله تركه الزمان بلا صاحب


ولازم نتازل في الحياة مثل ما الكل عارف