ماهي افضل سيارة استعملتها

[ماثل]

اخونا بر وعزبه حط سؤال عن اسوأ سياره وانا بحط عن افضل سياره

[قناص الوعول]

التيوتا لا تبعد عنه كفو في الاستعمال و قطع الغيار وفي البيع والمشترى ولا يغريك الي ارخص منه

[ابوخلف..]

كامري 2002 6 سلندر

امشي عليها شبه اسبوعي وغالبا اسبوعيا 600 كيلو
ذهاب واياب 1200 مدة 4 سنوات
زيت بانزين قماشات كفرات فقط هذا الي غيرته
والحمدلله على السلامه

[ابونبيل]

الهايلكس استعمال حول 6 سنوات ماشاء الله اتكلم عن ٢٠٠٦ وفوق
وبختصار نصيحتي للجميع التويوتا افضل شي للي يبي راحة راسة

[SAS2]

افضل سيارة من ناحية الاعتمادية التويوتا ومن ناحية الراحة والمتعة بالسواقه النيسان

[ذيب ذهلان]

ارجو عدم تكرار المواضيع

[ابوراكان تبوك]

السيارات حسب الماركه واللي انا استخدمته
1- تويوتا بانواعه الشعبيه ربع وشاص وصالون من 2006 ونازل
2- فورد استخدمت الماركيز موديل 97 8 سنوات استخدام
3- سوزوكي <<<< مايموت

[وطن العزة]

1_ باترول 98 له عشر سنين معي ومع الوالد يعيبه عزمه دمار خصوصا مع المكيف و لهط البنزين داخل البلد لكن شهادة حق إنه حمار مكده ولا يطلب شيء يكفي إن عضلاته ومحركاته وكالة..

2_ كامري 97 باختصار اللي ما جرب ال97 ما جرب كامري :D موتر كد و مد لكن راحت تشليح والله ستر على راعيها ..

3_ ددسن 93 فاكينها وكالة وإلى الآن ما شاء الله

4_ سييرا 2006 له أربع سنين معي ولا حطيت فيه قماش أمامي ومساعدات وربلة طرمبه و لله الحمد..

5_ كامري 2001 لها سنتين معي حليوه لكن أخذت سمعه أكبر من حجمها ولا هي عادية


باختصار السيارات حظوظ و بنفس الوقت إهتمام ومحافظة لكن لا تعطي الموتر وجه وتغير كل شي من باب الصيانة لأن ما راح تحصل مثل قطع شد البلد بالجودة والتحمل حتى لو تأخذ قطع من الوكالة مستحيل تعيش مثل الشد بلد وراح تدخل بدوامة التغيير بشكل دوري :mad:

[الفنطاس]

اول وأفضل سيارة تويوتا رويال كراون
والآن الكزس أفضل سيارة

[الجنوبيييي]

عندي كراسيدا 92 زي اللوز ماتطلب غير زيت وكفرات

[أبو حمد]

استخدمت التويوتا الهايلوكس والكامري والكرسيدا والكورلا والجيب كلها تحطها على يمناك سيارات تطرب

لكن ما تصدقون اني استخدمت اكسبلور ٢٠٠٥ لمدة عشر سنوات قطعت فيه ٤٦٠ الف كم
داخل المدينه وسفر وبر طعوس وحره وبطناج والله مالقيت احسن منه

بس حولته للتقاعد بحثاً عن الموديل الجديد لكن للأسف فورد تخلت عن ذاك القالب

[aklubiam]

استخدمت ددسن وهايلكس واثنينهم حمير مكده.

[ابوتركي1010]

لمبرقيني الفراري

[hammoudi]

��حراج اليوم ��haraj102في الانستقرام.
لعرض اعلاناتكم بآنواعها
للتواصل عبر الواتس اب 0508656102

[انا العربي]

باترول 97 موتر اللي تركبه فيه تـــنـــــســـــاه
واعطاله تمشي فيها ولاعندك اخلاف ولايرده شيء موتر بمعنى الكلمه

ددسن 2005 موتر مايطلب خير شر ينفع للطفران انسى الورش واي عطال تصلحه بنفسك
وكل شي واضح فيها

فكتوريا مستحيل يصنع مثلها بالكرف والتحمل والراحه والقطع رخيصه ومتوسطه

[الحربي 591]

أفضل موتر ومازال تاهو ٢٠٠٨ ممشاه في اليوم ما يقل عن ٤٠٠كيلو ماشاء الله لمده ٨ سنوات وداخل في التاسع :D

واول موتر يجلس معي اكثر من سنتين ،،كنت أقول الناس تجلس بسياراتها ١٠ سنين وانا كل شوي ناقز في الوكالة اطلع موتر وابيع وأعذب نفسي بالشموس :)

[البيطار3]

تويوتا
جيب اوهيلكس وبس

[تمنيتك لي]

الجيب الربع تويوتا وبس ..