النجدة يا اصحاب الكمرات سوني

[adas]

ارجو ممن يعرف مواصفات الكمرة سوني DSC –p73/p93 camera Sony digital still

التصوير عندي غير واضح وش احسن الاعدادت لها للقريب والبعيد والصحراء والثابت والمتحرك ارجوالافادة مع الشكر للمنتدى ومن فيه . وكم سعرها بالسوق الان .

[عيناوي]

لا ترتاع يا اخوي ههههههههه
قبل كل شي عشان اتأكد..هذي الكاميرا الي تقصد؟
http://www.portelligent.com/images/products/Sony_DSC-P73_200.jpgلاني بحثت عنها وطلعت لي نتايج كثيره ..فاحترت

على كل حال
اخوي ..حط القائمه لغة عربيه بعدين اطلع من القائمه وحط الكاميرا على وضعية التصوير بعدين اضغط زر القائمه(في الغالب على اليمين) بتطلع لك لوائح وعند كل وحده رمز..اضغط على الي رمزها كاميرا..بتطلع لك قائمه بوضعيات تصوير:مثلا لو كنت بالبر اضغط على وضعية مناظر طبيعيه..واذا بغرفه او مجلس حط صوره واضحه واذا كنت في ظلام نسبيا حط شمعه اوة شفق...الخ
تراني للحين ما عرفت كاميرتك وانا احاكيك بحكم خبرتي بكاميرتي الي هي سوني بعد واعتقد السوفت وير لجميع منتجاتهم واحد تقريبا

انت اقعد عليها فتره ورح تعرف كل وضعيه تناسب لايش..
وعندك الفلاش..كل وضعية لها تقريبا حالة فلاش معينه

بالنسبه لسعرها ما عندي علم يالطيب..بس اذا انت بالرياض وحاب تتمكن منها ..رح لمركز المملكه فرع سوني بالطابق الارضي بعد البوابة الرئيسيه يمين وانشد عن صبحي..هذا لبناني ماعلى خبرته غبار ورح ينفعك ان شاء الله

وسامحني ع القصور :)

[adas]

مشكووووور...........يالغالي ياعيناوي واضح انك فاهم في الكمرات والسوني بالذات
لكن صورت انا في البر ولم تعجبني الصور لعدم الوضوح وخاصة المتحرك منها واذا نزلتها على جهاز الكمبيوترايضا تكون غير واضحة ..
شفت صور بالجوال عندي اوضح منها
هل لها وضعيات تصير مثل القزاز .
مع جزيل الشكرلمن اجاب او زار الموضوع .
الموقع الي فيه الكمرة ما فتح لي

[عيناوي]

صبحك بالخير حبيبي
الرابط الي فوق اعذرني ما انتبهت للخلل الي فيه
وهذا رابط افضل منه
http://www.portelligent.com/channels/imaging/Sony_DSC-P73_Cybershot.aspx

بالنسبه للي ذكرت..صحيح احيانا نصور جوال وتكون افضل من كاميرات احترافيه وهذا يدل على عدم حسن تصرف صاحب الكاميرا
وانا الي ذكرته فوق جربه وعطني خبر وش يطلع معك
طيب؟!
:)

[adas]

مشكور كتير عيناوي
الموقع الي ذكرته هي نفس الكمرة الي معي( عين حميدة )
لكن اهم شئ عندي وضوح الصورة واستخدام مانع الاهتزاز الي يضبط الصورة
وقالي صاحبها قيمتها فوق الاف مادري هو صادق
وبعدين سمعت في قناة المجد ان فيه مشكلة في كمرات السوني هل هذي منهم اروح للوكيل

[عيناوي]

يالطيب
بالنسبه للاسعار ما عندي علم للاسف
وبخصوص الاهتزاز والي ذكرت..قلت لك انت اشتغل ع الوضعيات لين تضبط معاك وتعرف كل مكان تصور فيه ايش يناسبه
واذا انت من الرياض رح لمركز المملكه فرع سوني هناك وانشد عن لبناني اسمه صبحي
وان شاء الله بيفيدك وبيعلمك كل الي تبيه ونفس الرجال خفيفه وينتخاه به..انا مااتعامل الا معاه