صرفية بنزين باترول se

[hail_ksa]

السلام عليكم ورحمة الله وبركاته ..
وش الحل مع صرفية البنزين للباترول se 2012

توي شاريه واشوفه يشرب بزيادة


هل فيه حل مثلا تغيير البواجي .. او تغيير طرمبة البنزين بنوع آخر

[aso0oL]

البواجي لها دخل بالصرفيه بس مو واجد

وشيك على موترك لا يكون الحساس اللي بالقزوز خربان

لان اذا خربان مايقرا كمية الكربون اللي تطلع ويعطي الكمبيوتر امر للطرمبه انه تضخ بانزين اكثر

بس افحصه كمبيوتر وشف وش السبب

[المميـز]

:

صفاية البنزين لها دور بالصرفيه .. غيرها

لكن الاهم .. عطنا كم يمشيك الموتر بالديره وكم يمشيك بالخط واذكرلنا نوع البنزين المستخدم ٩١ او ٩٥
بعد هذي المعلومات يبي يفيدونك ملاك بطل الدروب بنوع الصرفيه اللي عندك يمكن طبيعيه
والله يعطيك خيره ويكفيك شره

:

[ابوسليمان77]

الباترول شي طبيعي معروف عنه صرفيه البنزين بزياده

واذا كان معك سياره صغيره قبل هالسياره اكيد راح يصير غير طبيعي

والسياره لو فيها تقطيع او ضعف عزم كان يكون من البواجي وصفايه البنزين بس هذا شي معروف بالباترول يصرف

[سفاري فتك]

البترول معروف بزيادة صرفية البنزين بأختلاف عن السيارات الاخرى

[hail_ksa]

مشكورين أخواني على التجاوب

- البواجي قديمة وماشي حول 100 ألف
- عداد البنزين مخرف أعبيه فل امشي فيه مشوار وتولع لمبة البنزين وفجأة يرتفع للثلاث أرباع وبعدها يرجع فل طبيعي ؟؟!!
- لا يوجد ريحة كربون .
- عبيته 95 يمشي حدود 500 بالمدينة وهلحين غيرت إلى 91
- من القصيم لحايل 250كم استهلك ثلاث أرباع التانكي تقريباً ؟؟!!

[ابوسند9]

وعليكم السلام
الباترول الجديد صرفيته ممتازه اذا تمشي 140 يمشيك 900 كيلو والبنزين 91
اما التخريف المشكله من العوامه
طبعا هو فيه تانكيين تانكي 100 لتر وتانكي 40 لتر
والربع الاول مسئول عنه عوامة 40 لتر أي ربع الفل العلوي
والتلاث ارباع الباقي مسئول عنه عوامة التانكي الكبير 100 لتر
يعني اول ما تعبئ فل يقوم يخرف العداد فا المشكله من عوامة الصغير
اما اذا خلص الربع الاول وثبت العداد على الثلاث ارباع فعوامة الكبير سليمة ,,,والعكس صحيح
والمشكله عندك من العداد واللى هو ما يصرف ابدا وافضل من الموديلات السابقه

[كاتم الشكوى]

الباترول تانكيه اصغر
اذا قارنته بسيارة قارنه بنفس نوع سيارتك

[hail_ksa]

وعليكم السلام
الباترول الجديد صرفيته ممتازه اذا تمشي 140 يمشيك 900 كيلو والبنزين 91
اما التخريف المشكله من العوامه
طبعا هو فيه تانكيين تانكي 100 لتر وتانكي 40 لتر
والربع الاول مسئول عنه عوامة 40 لتر أي ربع الفل العلوي
والتلاث ارباع الباقي مسئول عنه عوامة التانكي الكبير 100 لتر
يعني اول ما تعبئ فل يقوم يخرف العداد فا المشكله من عوامة الصغير
اما اذا خلص الربع الاول وثبت العداد على الثلاث ارباع فعوامة الكبير سليمة ,,,والعكس صحيح
والمشكله عندك من العداد واللى هو ما يصرف ابدا وافضل من الموديلات السابقه

مشكور الغالي ابو سند
امس كانت اللمبه والعه وعبيته 96 لتر فل ووقفته عند البيت
اليوم رحت مشوار بسيط ونزل ربع !! مدري هو استهلاك والا مخرف

[تميم2222]

الموتر بيمشيك فوق 700 ك دامه جديد وللمعلومه الشركه معطيه احتياطي اذا ولعت اللمبه 170 كليو يمشيك وابشر في الخطوط بموتر يوفر اهم شي عب 95 وتوكل على الله من واقع تجربه

[ابن كديميس]

الباترول الجديد على حجم مكينته صرفيته ممتازه
وموترك عبه فل واحسب بالكيلو كم يستهلك.
وزي مقال الاخ ابو سند وتميم

[ابشرو بالسيل]

السلام عليكم
اخوي هناك برمجه للكويلات اذا تم تغيير سابق للبواجي
ويتم في الوكاله
وبتلاحظ بعده هدوء في صوت المحرك وكذلك توفير للبنزين

[ابوسند9]

العداد عندك مخرف 100 %
انت عبئ فل ,وبعدين راقب العداد
اذا تشوف العداد يخرف , وبعد ما تحس ان الربع الاول خلص ,وبعده ضبط العداد فمعناه من عوامة التانكي الصغير
اما اذا شفت العداد يخرف بين فتره واخر ومثلا التانكي فيه النص او الربع فا المشكله من عوامة التانكي الاساسي
موقع عوامة التانكي الصغير ,لازم تفك المراتب الاخيره وترفع الفرش وراح تحصل صاجه دائريه فيها 4 مسامير فكه وراح تشوف العوامه وطبعا التانكي الصغير لايوجد فيه طرمبه فقط عوامه
اما عوامة التانكي الكبير ,ارفع المرتبه اللي خلف السائق والفرش
والعوامه على العموم لو تحصل كهربائي جيد راح يصلحها لك بدون تغيير , ومشكلتها دائما ان ابرة القراءه تبتعد عن ملامسة خارطة القراءه وبكذا تكون اللخبطه با العداد , واصلاحها عمليه ربط الابره بجرم العوامه

[hail_ksa]

مشكورين أخواني ومشكور خبيرنا المميز أبو سند وعافاك الله

ابقول لك وش صار بالتفصيل
قبل 3 أيام عبيته فل ووقفته عند البيت
قبل أمس رحت مشوار بسيط ونزل الربع الأول
أمس رحت مشوار بسيط 4 كيلو رايح و 4 كيلو جاي وصل البنزين للنص ؟

بهالحالة الخلل من عوامة الصغير وألا الكبير يالغالي ؟ وأدري تعبناك معنا بكثر الأسئلة لكن تحملنا شوي

[hail_ksa]

اليوم وصل للربع الأخير وأحيانا النص
آخر شيء ثبت تحت الـ E

وعبيته بنزين فل 42 لتر

[تميم2222]

مشكورين أخواني ومشكور خبيرنا المميز أبو سند وعافاك الله

ابقول لك وش صار بالتفصيل
قبل 3 أيام عبيته فل ووقفته عند البيت
قبل أمس رحت مشوار بسيط ونزل الربع الأول
أمس رحت مشوار بسيط 4 كيلو رايح و 4 كيلو جاي وصل البنزين للنص ؟

بهالحالة الخلل من عوامة الصغير وألا الكبير يالغالي ؟ وأدري تعبناك معنا بكثر الأسئلة لكن تحملنا شوي



اخوي الفاضل الموتر مافيه الا عوامه واحده فقط موجوده تحت كرسي الراكب الخلف السواق ومشكلتك اذا هي على شرحك هذي العوامه عندك تحتاج تغير وفيها الحساس سعرها كامله بحساسها 650 عند شبيب وبن ماضي وتركيبها سهل جدا اتمنئ لك التوفيق

[hail_ksa]

الله يجزاك خير اخي تميم ..

اعتقد ان الباترول له عوامتين .. وحده بالأساسي ووحده بالاضافي ومكانها تحت الكرسي الثالث
والطرمبه فقط في الأساسي

وشكراااااااا لك على الاضافه

[تميم2222]

[QUOTE=hail_ksa;10509312]الله يجزاك خير اخي تميم ..

اعتقد ان الباترول له عوامتين .. وحده بالأساسي ووحده بالاضافي ومكانها تحت الكرسي الثالث
والطرمبه فقط في الأساسي

وشكراااااااا لك على الاضافه[/QUOTE


الموتر معي من 5 سنوات ومشكله انبير البنزين كانت معي من قبل وصلحت عالضمان الموتر مافيه الا واحده متاكد التانكي الصغير يفرغ على الكبير دايركت

[ابوسند9]

اليوم وصل للربع الأخير وأحيانا النص
آخر شيء ثبت تحت الـ E

وعبيته بنزين فل 42 لتر
شوف يا الغالي
دامك معبيه 42 لتر معناه ان التانكي الصغير باقي ما خلص
ومشاويرك هذه قصيره ما تبين وصعب الحكم على اي العوامتين عطلانه
انت فلل السياره وشوف عندك المقياس با الطبلون با الكيلو مترات
واذا ما عندك مقياس صفر عداد الزيت واذا مشت السيارة 300 كيلو هنا نقدر نحكم

[ابوسند9]

اخوي تميم
نعم كلامك سليم الصغير يفرغ على الكبير
لكن الصغير له عوامه وهو مسئول عن قراءة الربع الاول من الفل

[تميم2222]

اخوي تميم
نعم كلامك سليم الصغير يفرغ على الكبير
لكن الصغير له عوامه وهو مسئول عن قراءة الربع الاول من الفل


طيب جزاك الله خير نبي نستفيد اذا فيه شرح مفصل عن مكانها بالضبط وياليت تزودنا بالصور لاهنت

[hail_ksa]

يعطيكم العافيه اخواني الافاضل
بشتري عوامة التانكي الصغير لموديلات 2014 او 2015
واجرب وارد لكم خبر بإذن الله

شاكر ومقدر لكم تعاونكم معي

[سفاري959]

عزيزي قبل تغير العوامه احتمال كبير يكون الخلل بالعداد نفسه وكثير تحصل في الفتك الفل عشان العداد

ليزر شوف فيه ناس مختصين بالباترول في القصيم والشغله سهله يفكون الطبلون ويلحمون الايسيات

ويرجع الوضع عادي

[ابوسند9]

طيب جزاك الله خير نبي نستفيد اذا فيه شرح مفصل عن مكانها بالضبط وياليت تزودنا بالصور لاهنت
اخوي تميم
مكانها لازم تفك مقاعد الصف الاخير ,وترفع الفرش وراح تحصل صاجه دائريه فيها 4 مسامير فكها وراح تظهر لك العوامه

[ابوسند9]

يعطيكم العافيه اخواني الافاضل
بشتري عوامة التانكي الصغير لموديلات 2014 او 2015
واجرب وارد لكم خبر بإذن الله

شاكر ومقدر لكم تعاونكم معي
يا غالي لا تستعجل وتشتري وتخسر
طبق ما ذكرته لك وبعدين تقدر تقرر من وين العطل
وانا اقول لو تجرب وتروح لكهربائي وتخليه يفك عوامة التانكي الكبير بما ان فكها سهل ,ويكشف عليها ,فهي تتصلح ,فممكن انها منفكه من مكان المكبس ,واول ما تفكها راح تحصل ذراع العوامه الحديد فيه ابره تلامس قطعه نحاس للقراءه ,اذا تشوف ان الابره مبتعده عن النحاس ,الكهربائي راح يشدها بواير صغير ,وانا متاكد ان الكهربائي راح يصلحها
وموقعه العوامه ارفع المرتبه اللي خلف السائق بعدين ارفع الفرش وراح تحصل الصاجه