المساعد الشخصي الرقمي

مشاهدة النسخة كاملة : من يعرف لثلاجة ايكو 11 لتر اللي تجي مكان التكاية


كاريرا
30/06/2015, 05:30 AM
السلام عليكم

الحمدلله شريت ثلاجة ايكو 11 لتر ب 1600 من السنيدي
اللي تجي مكان التكاية وشبكتها على طول مع البطارية عندي بطارتين

لكن المشكلة انها تثلج الماء مع اني حاط رقم 10 عادي وليس سالب

والزرار اللي تحت الاحمر مرتفع فوق

اضطريت افتح طباقت الثلاجة عشان ماتجمد وهي فريون وليست كهرب

هل من حل من اجل ان تبرد الماء وليس التثليج

عندي مشكلة ثانية اذا ضغت على زر اغلاق الثلاجة الارقام تختفي بس المروحة والكمبرسن يشتغلن
لازم افصل السلك
هل هي عندي ولا عندكم ياهل الخبرة
المميـز
30/06/2015, 07:38 AM
:

وعليكم السلام

لو ترجع للسنيدي يشوفونها ولعل عندهم طريقه او وزنيه لها
او يفيدك احد الاخوان ان شاء الله تعالى
وش نوع السياره اللي حطيت فيها الثلاجه لاهنت ؟

:
شنطة عده
30/06/2015, 08:38 AM
اقراء الكتلوج وطريقة الاستخدام
يالبى الهلا
30/06/2015, 06:33 PM
فية عطل بالثرومستات لابد م̷ـــِْن اصلاحة او استبدالها
كاريرا
02/07/2015, 05:28 AM
السلام عليكم

انا بعنيزة والضمان ببريدة بعيده مافيه حل وسط

ركبتها بفورشنر بنزل تقرير اذا فضيت لانها سبب مشاكل

الكتاتلوك مافيه شي يفيد

ابي اهل الخبره
أبوصالح9
02/07/2015, 05:49 AM
رح لابو راكان ببريدة عنده صيانة ثلاجات وخبرة طويلة ماشاء الله تبارك الله ويعطيك العلم -
النو
03/07/2015, 01:50 AM
بريدة بعيده عنيزة وهي 25 كيلوووو
والناس تجي من اخر الدنياا

شد حيل وانا اخوك وخلك شقردي وصل التراويح بالمسجد اللي عندهم وخلهم يشوفون وش المشكلة
top-talal
04/07/2015, 10:49 AM
وعليكم السلام ورحمه الله وبركاته

الحل بسيط وانا اخوك رجع الزر الاحمر الى تحت لان هذا هو وضع التشغيل العادي

وضع الطوارى يكون الزر فوق وهو يشغل الثلاجه الى التجمد وماعليه من درجه الحراره اللي انت حاطها وهو يخلي الثلاجه تشتغل مع انك مطفي الازرار و الوضع هذا تستخدمه اذا كانت اللوحه حقت الازرار متعطله
كاريرا
04/07/2015, 11:22 PM
توب طلال صحيح كلامك الله يسعدك
الهندي قال خلها كذا تبريد سريع
طلع اذا تعطل اللوحة رجع الزر تحت وتقدر تتحكم بالارقام
ولاقصرو بقية الاعضا الف شكر