استفسار عن كيفية دخول الصقور الي السعوديه

[العمده.]

السلام عليكم ورحمة الله وبركاته
استفسر عن كيفية دخةل الصقور الي السعوديه من السودان
بل الطرق الرسميع
وشكرا

[تميم2222]

واسطه للاسف

[ابوخالد13]

اصطاد لك عشرة اوخمسة طيور شرياص اوبكة وادخل بها على السودان وانت راجع بدلها بصقورطيبة وادخل فيها مرة ثانية وانحلت المشكلة يعني دخلت بطيورك ورجعت بطيورك .. الكل يسويها ويجيب طيور كثيرة من السودان وبطريقة نظامية خاصة الوكريات .. وبالتوفيق انشالله

[كايد]

تهريب بالتخدير أو دخولها عن طريق المنافذ ب فلوس .

[العمده.]

شكرا علي المرور الحقيقه كل الخيارات المطروحه صعبه

[شمالي 44]

وعليكم السلام ورحمة الله وبركاته
بخصوص استفسارك عن كيفية دخول الصقور للسعودية بالطرق الرسميه :

الاجراءات عند الهيئة السعودية للحياة الفطريه بالرياض.
عند إدارة التراخيص الأمر (الورقه الخضراء) اللي هي اتفاقية الإتجار الدولي بأنواع الحيوانات (سايتس ).
تصريح استيراد دخول للسعودية .
طبعآ التصريح صالح لغاية ست اشهر .
ومن الدولة المرسله لها إجراءات بعد وأوراق لازم يخلصها الشخص المرسل أو انت اذا بتروح تسنعها .
هل الموضوع ينطبق على طلبك أو غايتك الله أعلم.
لكن موضوعك عند الهيئة السعودية للحياة الفطريه بالرياض وقبلها تكون ماخذ الموافقه من الدوله اللي تبي ترسل منها يعني ماعندهم مشكله بإرسالها.
بعد ماتاخذ التصريح تروح للجمارك وتعطيهم اوراقك لأجل يعطونك رقم البوليصه .
لأن الدوله المرسله للسعوديه ماترسلك طيورك إلا بعد ماتعطيهم رقم البوليصه.
واستلام الطيور من الجمارك سالفه طويله بعد .
تشوف طيورك عندهم وماتقدر تستلمها إلا بعد ماتخلص إجراءاتها يبيلها دوام يوم كامل .
من نظري انها شغله متعبه من استخراج التصريح وحتى إستلام الطيور إذا كنت تبي الطريقه الرسميه .

أتمنى اني افدتك على استفسارك ولو بجزء بسيط.
والسلام عليكم ،،،