تفصيل توانكي الونيتات ؟؟

[أيمن]

أيها الإخوة الأعزاء ..
السلام عليكم ورحمة الله وبركاته
استفساري هو عن تفصيل العزب في الونيتات والتوانكي - سواء كانت في صندوق الونيت أو في أسفله - ..
أين أجد من يتقن عمله في صنعها، وهو متخصص فيها سواء كان في الرياض أو في القصيم أو كان في الدمام، بشرط أن يكون ممن يستاهل العنوة ..
آمل ممن كانت لديه تجربة أو خبرة إفادتي .. ولكم جزيل الشكر.

تحيتي

[الخبير]

السلام عليكم ورحمة اله وبركاته
انا اعرف واحد ممتاز مرة صلح لي حنايا الشاص و ضبط لي تانكي ممتاز في الصندوق.
الرجال في الصناعية القديمة اذا جيت من عند طريق الامير سلمان وطبعاً جاك البنك البريطاني على يمينك ابتل لين تاصل اول اشارة ، لف يمين ابتل ما اذكر كم ملف لكن تلقى ملف يمين على زاويته ورشة اسمها العلمين لف يمين تلقى المحل على يمينك اسمه الشقير .
و الله يوفقنا وإياك

[أيمن]

بيض الله وجهك يا "الخبير"
وعز الله إنك ما قصرت .. إجابة سريعة وواضحة ..
ومن كانت لديه تجربة مع محل آخر، أو كانت لديه فكرة جديدة لهذا الأمر فليتقدم به، وأنا له من الشاكرين ..
وللمعلومية .. فإن الموتر الذي سوف يعمل له هذا التانكي أو العزبة هو وانيت من نوع هايلوكس، غمارتين ..

تحيتي

[الخبير]

السلام عليكم
يا ايمن تقدر تروح لمحلات ثانيه مثل المواهب و المميز لكن شفت شغلهم مهوب بالحيل الاول غالي و مهوب بالحيل و الثاني حول السعر و حول الدعوة.

[راعي كيف]

أخوي أيمن ولا يهون اخوي الخبير لقد شهد الجميع قي الحقيقه على إتقان التوانك أو العزب أواي شي يخص البر في محافضة الرس أقولها ليسى إني من الرس ولاكن بشهاده من الأمراء واهالى الشمال والرياض والشرقيه والحدود الشماليه الذين عنوا من ما مستفسرت عنه
بيلا منافس
بيلا منازع
بشرط والضمان يصل الى عــــ10شر سنوات
وسوفى إرفق لك صور على ذلك وفي الحقيقه سيارتي هايلكس

وانا مستعد أخوي ايمن أجهزهن لك تجي تركب وتمشي على طول (والله يحييك بيتك الثاني )بس تبي ستيل وقيمته تتراوح مابين 1000-1200
أو حديد صاج العادي ياباني أصلى قيمته مابين 400-550 حسب الطلب

المواصفات تبغى مجرى الطبق مخفي أو خارجي
تبغى مخبى سلاح
تبغى توانك تخفي العكفه حقت الكفر أو لا
تبغى شنطه أو طبق
أي شي من أي نوع من السيارات شاص صالون جيب دادسن أو هايلوكس جمس
تبغى سله
تبغى معلاق حق الذبائح
تبغى تحط صاجه تحت بدال البلاستك
تبغى قاعدة ونش
تبغى هنقلين مفرغ أو مواصير
تبغى شراع انواع الشرع ومبطن بسدو

وسوفى إرفق لك صور اوضح في القريب العاجل
http://www.mekshat.com/pix/upload/images/twanek2.jpg

[أيمن]

العزيز : راعي كيف ..
شكرا لك على هذه الاستجابة، وفي الحقيقة، كل ما أود فعله هو تركيب التوانكي ..
لكن الشيء المزعج في الأمر أن الهايلوكس الغمارتين بمجرد وضع العزبة والتوانكي على يمين وشمال، انتهى الصندوق يعني قضت مساحته .. ):
لكن أنا كنت أعرف أناس وفي القصيم يضعون توانكي للهايلوكسات في أسفله يعني فيما بعد الصدام الخلفي، بشرط عدم نزوله عن الصدام، ويذكرون أنه طيب بالحيل، فما رأيك ..
أما بالنسبة للعروض الأخرى، فياليت توضحها أكثر مما يختص بالتوانكي أو الشرع، وكذا نوعية التانكي، والأفضل ومميزاته.

وأنا بانتظار الصور، إن كانت هناك صور موضحة الله لا يهينك

ولك خالص تحيتي

[أيمن]

الأخ راعي كيف أرجو التكرم بسرعة الرد، لاستعجالي بأمره ..

تحيتي

[راعي كيف]

في الحقيقه ياابوحمد بذلت قصار جهدي حتى أنني سوفى أذهب غداً الى بريدة لعلا وعسى أن اجد سيارة فصل التانكي اسفل( خلف الستبنه ) وأصوره لك لأن نحن في الرس نفصل التانكي في الصندوق ونضع في الغالب الهنقلين (حنايا)ويكون هناك صندوق اوسع من قيل وتكون الطبق عازل بين العزبه والحطب والخيمه والمطر والشمس بحيث إنك إذا بغيت تفل الحجاج ما تحوس نفسك زين.
اسسسسسسسسسسسسسسسسسسسسف جداً
لإني تأخرت تعرف جت العطله وجت الطلعات والله إني تقريباً اطلع يومياً ماأرجع إلا متأخر ومطر والجو زين وفله حجاج مانقصناء إلا جيك وبعد المطر مشت بعض الشعبان والنفود مايحتاج زفلت مو رمل أجي متأخر وانام واقومبعدين اطلع على هل موال كل يوم
على العموم غداً إن شاء الله ارسلك كل شي وأفصلك كل شي حتى عيوني اقلعهن وارسلهن لك

http://www.mekshat.com/pix/upload/images2/helx1-10 n.jpg

http://www.mekshat.com/pix/upload/images2/nar ------helx1-5.jpg

http://www.mekshat.com/pix/upload/images2/sahss---helx1-4.jpg

http://www.mekshat.com/pix/upload/images2/sahss---helx1-9.jpg

http://www.mekshat.com/pix/upload/images2/shas2001-1.jpg

http://www.mekshat.com/pix/upload/images2/thep20.jpg

http://www.mekshat.com/pix/upload/images2/walid--------helx1-6.jpg


تحياتي وأشواقي

[أيمن]

تسلم عزيزي الغالي الكريم أبو ناصر ..
وليس المقصد إزعاجك، ولا إشغال حتى بالك .. وما أريد منك أن تتعب نفسك ..
ما على المحسنين من سبيل ..

فأشكر لك روحك الطيبة والخفيفة، والتي إن دلت فإنما تدل على الروح الإيجابية التي تسعى لخدمة الغير، فكثر الله من أمثالك، وزادك ربي تقى وبرا ..
ومع هالخيرات والله معذور، الله يرزقنا ويرزقكم إنشاء الله ..

بالنسبة لهذا الأمر في الحقيقة أنا مستعجل عليه نوعًا ما .. فأنا أريده لابد قبل العيد، يعني هاليومين أو الثلاثة أيام الجاية ..
وإن لم تجد من يفصل في أسفل الهايلوكسات، فلا بأس من طريقتك لكن إذا وضحتها لي أكثر إن أردت في هذا الموضوع أو على بريدي:
HILUX_GLX@yahoo.com
وكذا توضيح المميزات التي ذكرتها في أول رد لك حتى يتسنى لي إرسال أحد الزملاء إلى موقعك لتركيب المطلوب، لعدم استطاعتي مفارقة الرياض؛ لارتباطاتي .. والجايات أكثر

تقبل خالص تحيتي

[راعي عنيزة]

مشاركه مصيفه نوعا ما :)

بالنسبه للتانكي تحت الموتر سمعت والله اعلم انه خطر جدا وقد يتسبب بانقلاب السياره ، لانه يكون محمل وثقيل ومع الوقت تنطلق مساميره ويطيح وانت مسرع ويختل توازن الموتر

[najd]

الاخ ايمن ولا يهونون الاخوان
فيه هندي في شارع الخبوب في بريده مقابل حديقة العقيلات من شرق تفصيله مضبوط وسعره رخيص وانا معي جيب ربع وفصلت تانكي اسفل تانكي البنزين وكل من شافه اعجبه
وازودك من الشعر بيت على دقته وكثرة حروفه وتعقيده بـ 120 ريال والله انه ارخص من تبن المذنب تكرمووووووون
اسم المحل البحر الاحمر كان مانب واهم ولوحة المحل صاده ماهي بينه

[فرد حمزة]

يرفع للفائدة ...

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[أبرق الضيان]

لا يفوتك ورشة الضويان بالرس بس إنهم غالين ، يسوون اللي تبي
http://www.defrrass.com/facto/

[الباهي]

الاخ ابرق الضيان
مشكور وماقصرت شي تشكر عليه:good:

[akhan]

مشكوووووووووووووووووووووووووور

[النقا]

في محل في الرس يجونه أمراء وأنصحك بتانكي راس

[عروان]

الاخوان

أنا عندي هايلكس غمارتين دفرنشين.

و خاطري أركب صندوق معاميل و اغراض خلف الغمارة من النوع اللي يجي بالعرض وله قفل مفتاح.

وبعد خاطري أركب خزان ماء تحت الصندوق ولو اضطريت اني ارفع كفر السبير فوق بالصندوق.

هل فيه مكان مناسب لخزان الماء غير تحت الصندوق؟؟

من عنده تجربه او يعرف محلات تركيبها بالرياض او الشرقية

وكم اسعارهن.


الاخ أيمن شنهي نتائج تجربتك السابقة اللي فوق؟؟

تحياتي

[أيمن]

هلا عمي عروان ..
تجربتي سلمك الله ..
أولا مافيه مثل شغل حدادين الرس وهذا ما يختلف فيه اثنان ولا يتناطح فيه عنزان :) ..
ثانيًا لا تفكر تحط حديد أبد لو ما تحط تانكي أسلم .. ولا تقول أرخص ..
عليك بالألمنيوم أو الستيل ويكون لحامه لحام نحاس وليس حديد ..
أفضل التوانك للونيت هي تانكي الراس، لأني جربت توانك الجوانب، وجربت تانكي الأسفل وما وجدت مثل تانكي الراس، مع أن اللي معي غمارتين ..
يعني لو غمارة فأفضل وأفضل ..
التوانكي اللي على الجنوب تثقل على الموتر وتاخذ مساحة مهيب سهلة .. ومع الزمن تخلي السست منبسطة ..
التانكي أسف الموتر ما يشيل مثل ما يشيل التانكي في العلى .. يعني يحدك بمساحة معينة .. إلا إن كان استعمالك له خفيف جدا ولا تعتمد عليه .. فهو مريح ..
هذه تجربتي وأنت الخصم والحكم ..

تحيتي

[عروان]

السلام عليكم ورحمة الله وبركاته

أخوي أيمن

ياهلا والله بك......حطيتني عم الله يسامحك كبرتني بالحيل. :D


خالي ......... بردها لك. :D


الله يحفظك عندي بعض الاستفسارات:

وش تقصد بتانكي الرأس.؟ هل هو اللي يجي ورى الغمارة بالضبط.

بعدين وش رايك لو رفعت كفر الاستبنة "السبير" فوق بالحوض وحطيت محله

خزان ماء يشيل تقريباً 100 لتر على الاقل.

أنا ما افكر احط خزان بالجنوب أبد ودي بمساحة فاضية بالحوض احتاجها للتحميل.

سؤالي الاخير هو عن صندوق يفصلونه خلف الغمارة و يجي جاهز بالسوق.؟ كم اسعارة

و من وكيله.؟

غرضي صندوق و خزان ماء للهايلكس الدفرنشين.


شاكر لك حرصك على مساعدتي.


تحياتي

[أيمن]

هلا بك والله خالي :) ..

أقصد بتانكي الراس هو بالضبط ما فهمته ..
وبالإمكان تفصيله بحيث يكون شنطة وتانكي في تفس الوقت، وهذا هو الدارج حاليًّا، ويسع التانكي على حسب عرضه، لكنه دائمًا مابين 120 -150 لتر . هذا بالشنطة، أما بدون الشنطة فتزود السعة بلاشك .. وإذا كان الموتر من دون فيبر فتزداد السعة أيضا ..
التانكي في الأسفل - ممتاز أيضا لكن إذا وجدت من يتقن عمله فيه ..

ما أدري وش تقصد بالشنطة الخلفية الجاهزة ..
هل تقصد الشنطة الفيبر اللي تباع عند السليماني بقيمة 1200 ريال، ويجي لونها أسود ؟

تحيتي

[عروان]

السليمان يبيعها أجل!!

بروح لم فرهم بالدمام اشوفها.


أخوي أيمن

ممكن صورة او رسمة للتصميم اللي تقول عنه. اللي هو تانكي و صندوق مع بعض.

هل التانكي يجدي تحت الصندوق "صندوق المعاميل" أو خلف الصندوق بين الغمارة والصندوق.

ياليت لو صورة علشان أخذا للورشة.

فيه عندنا ورشة ممتازة أسمها مصنع النفيسي.

عندهم شغل ممتاز بالحيل.

لكنهم غالين حبتين.









تحياتي يالغالي واشكر اهتمامك

[أيمن]

الله يحييك أخوي العزيز ..
وأبشر بسعدك، لكن كونك تروح لورشة ما سبق وعمل هذه الطريقة أكيد بيتعلم عليك، وبالتالي النتائج ليست جيدة حتى ولو كان متقن شغلة اللحام، وبيرفع عليك السعر ..
فيه محلات يعرفونها ويعطونك أفكار ثانية أيضا، بل شغلتهم هي توانك السيارات كما هو الحاصل في الرياض والقصيم ..

تحيتي

[عروان]

طيب وين الورش الزينة اللي بالرياض تفصل توانك وصناديق.


تحياتي

[المربد]

استاذ ايمن ما جاوبت ؟ وين الورشة بالرياض اللي توصينا بها؟؟
انا ايضا عندي نيسان غمارتين !!

[أيمن]

الله يحييكم يا اخوان ..

بالنسبة لورش الرياض ما سبق وأن عملت توانك عند أحدها ..
مع العلم أن الشباب في هالمنتدى يذكرون ورشة الزايدي في الصناعية القديمة بالرياض ويمدحونها بخير ..

تحيتي

[عروان]

مشكور اخوي أيمن

يالربع من يعرف تلفون لورشة الزايدي اللي يذكرة اخونا أيمن.؟؟


تكفون عجلو علينا.

[Ra7aL]

السلام عليكم ورحمة الله وبركاته

يا اخوان أنا ابغى اركب تانكي ماء ودي اعرف أذا كان في ورش تركب بالدمام أو المناطق الي حولها؟ وشو النوع المناسب والحجم والمكان المناسب في السيارة انا عندي بليزر 86.

ويعطيكم الف عافيه

[الدبل الثقيل]

عندك مصنع القاضي في الدمام

[Ra7aL]

الله يعطيك العافيه وماقصرت يالغالي

[الوفي]

بسم الله الرحمن الرحيم

السلام عليكم ورحمة الله وبركاته

الأخ الكريم أيمن اسمح لي أخي بالتطفل عليك ببعض الأسئلة لطمعي بسعة بالك وطيبة قلبك

ذكرت في أحد ردودك هذه الكلمات

((أقصد بتانكي الراس هو بالضبط ما فهمته ..
وبالإمكان تفصيله بحيث يكون شنطة وتانكي في تفس الوقت، وهذا هو الدارج حاليًّا، ويسع التانكي على حسب عرضه، لكنه دائمًا مابين 120 -150 لتر . هذا بالشنطة، أما بدون الشنطة فتزود السعة بلاشك .. وإذا كان الموتر من دون فيبر فتزداد السعة أيضا ..))

كرماً لا أمراً هل تستطيع إرفاق صورة لشكل التانكي بالسيارة ؟
وكم تكلفة مثل هذا النوع ؟


وطلب أخير منك أخي الفاضل أنا معي هايلكس وأفكر أني أفصل تانكي وأفرشه بالصندوق بحيث
يكون إرتفاعه 15سم تقريباً وعلى مساحة الصندوق كامل.. كذا أقدر استفيد من مساحة الصندوق
الطولية كاملة من حيث تحميل الخيام والعواميد والروقه وغيرها

ولكن تواجهني مشكلة تثبيت مثل هذا التانكي في الصندوق فكيف يكون تثبيته وكم تتوقع تكلفته؟

وجزاك الله خير ورحم الله والديك

أخوك / الوفي

[الوفي]

أخوي الكريم أيمن

عسى المانع خير ........

[خشم الحصان]

الاخ الفاضل ومشرفنا ايمن
السلام عليكم
احوي ابو حمد وش مويترك الله يغفرلك هو الثلث (شراع) او الهايلكس ان كانه الثلث يمكن ان اساعدك
وان كانه الهايلكس الربع كفو وفو.
اخوك
خشم الحصان

[الوفي]

أخوي أيمن

عل وعسى أن تجيب على سؤالي ؟؟

[أيمن]

عذرا عذرا عذرا
والله العذر والسموحة يالوفي، لا أبالغ إن قلت هذه أول مشاهدة لي لردك، وأبشر باللي أقدر عليه ..
بالنسبة للصور فما أملك أي صورة لتانكي الراس، لكن أتوقع أنه بإمكانك تصوره ..
تكلفة مثل هالنوع راجع لنوعية الخام المستخدم ونوع هذا العمل هل هو تانكي بس أو تانكي وشنطة ومخبى سلاح ووو ..
بالنسبة لفكرتك الأخيرة فهي غير صحيحة وغير عملية إطلاقا للونيتات، فهي ثقل غير وهين وهدر لطاقة الموتر وعزمه ووقوده واحتمال إلحاق الضرر به بما تحمل عليه مع الزمن ..

بعد كل الخساير اللي خسرتها وجربتها من أنواع التوانك، خلصت بأمر واحد !!
ما مثل الجراكل :D

تحيتي

[الوفي]

الله يعطيك ألف عافيه يا أيمن وهذا عشمي فيك

أجل مانتصح بتانكي الراس أنا أبيه مويه بس !! كم يكلفني !!

وعلى قولتك مامثل الجراكل بس والله مصعت ظهري

وشكرا على الرد

[أيمن]

هلا وبك يالوفي ..
أنا ما أنصحك بالتانكي اللي بتفرشه بالصندوق ..
أما تانكي الراس فهو أفضل طريقة للونيت إن كان يكفيك حدود 120 لتر، فهو أفضل من الجوانب أو مكان الاستبنة أو غيره ..

تحيتي

[خشم الحصان]

الاخ الغالي ومشرفنا
ايمن
الله كريم ماتردون علينا وش دعوا (مجاربني) طيب صحيب ياخويي لنا الله الله يغفر لنا ولكم يابو حمد
ذكرتني (فوزي محسون) الي يقول
ياعيني حضنا تعبان...........دا مهما نسوي مابي بان
عموم الله يجزاك عنا ياخيي كل خير ............
لاياك تقول ماشفت ردك تراها قويه
1-اسم هذا طوله(خشم الحصان)
2-خط احمر سنه حق تنبيه عن السموم(عضو مجلس مكشات) ولا حفريات قدامك
3-ختم(الجوده) وكل هذا وبتقول ماشفتك
مانيب قايل اخوك خشم الحصان
لئنك طامرني
:mad: :mad: :( :confused:

[عروان]

لا تاخذ بخاطر يا خشم الحصان

يمكن أبو حمد ظن أن سؤالك موجه للأ خ الوفي. لان حتى أنا فكرتك تسأل الوفي عن نوع الموتر اللي معة ألين شفت ردك على بو حمد.

ألتمس لأخيك العذر.

بعدين حسب ظني و فهمي من ردود ابو حمد السابقة أن موتره هايلكس دفرنشين. والله أعلم.


أطيب تحية

[أيمن]

أبو جراح ..
أبشر بالحق وما يلحق ..
ووالله أني فهمت مثل الفهم اللي فهمه حبيبنا "عروان" ..
الأمر الآخر أني شفت أخونا "الوفي" مناديني حول ثلاث مرات" فحز في خاطري يوم شفت هالردود وما رديت فنسيت ردك يا خلفهم ..
على العموم أكرمناك بشاهي من جرانا والحمد لله على كل حال:D ..

شاكر لك يا عروان التماس العذر، لكن أبو محمد يتغلى شوي :) ..

تحيتي

[ابوراكان]

تكفون يالربع اسعفونا وين يسوون تواتك الماء للسيارات الهايلوكس في الشرقية

[عروان]

أبو راكان

فيه مصنع النفيسي في صناعية الخضرية. " شغل محترفين بس غويلي شوي"

وفيه واحد حولة بس نسيت أسمة. تخلي النفيسي على يسراك ثم أول لفة يسار و تلقاة على يمينك على طول. راعية أسمة أبو علي. حبيب جداً ونصوح.


يشتغلون الستينلس ستيل حسب رغبتك.


أطيب تحية

[الروضة الشمالية]

مشكور يالخبير ....

[كشاته]

السلام عليكم


عذرا على التأخير والإنقطاااااااااااع



عزيزي محدثك مركب تانكي حديد بــ 250 ريال بس

عايش معي سنة كاملة

جلس تقريبا شهرين فاضي بدون ماء ( وهذا يعرضه للصدى والتلف )


سيارتي هايلكس غمارتين

جاي شكله تقريبا على شكر حرف u

المكان تحت الصندوق بين الإستبنة والصدام

يأخذ قرابة 60 لتر

سأحاول أصوره وأرفق الصوره إن أمكن

،،،،،،،،،،،،،،،،،،،،،،،،

هناك فكرة جديدة يقال أنه مطبقة غير أني ما شاهدتها وهي :

أن يكون سمك التانكي تقريبا ً 5 سم ويكون مسقط على نفس حجم الصندوق وهذا يعطي مساحه أكبر


أرجو أن أكون قد أفدتك

[omiran]

تسلمو على هالمداخلات والافكار المطروحة ، ولي مشاركه وهي خزان المياه تحت حول الاستبنه للهايلكس هناك صاج اوحديد عادي وهي سريع الصدا لكن مكانه ممتاز ولا فيه ان شاء الله خطوره ومفيد جدا للتغسيل اما الشرب والطبخ فلا اظنه يصلح لانه يصدي بسرعه ولتفادي الصدا يجب عدم وضع سداده مفتوحه طوال الوقت يعني لاتخلي الهوى طالع داخل فيه باستمرار ولكن حط له محبس ويكن في اعلى للتهويه اثناء الاستعمال وتقفله بعد الاستعمال لمنع تردد الهواء وبالتالي يصدي وهناك انواع من الاستيل وهي ممتازه ولكنها غاليه يصل الى الــــ 1000ريال تقريبا ، بينما الصاج العادي قد يصل الى 180 ريال او حواليها وسلامتكم


:j

[صقرنجد.]

مشكور ..................................

[إعصار]

غير الستيل لاتدور ..


غالي بس يسوى ..


وأرى أنت أفضل مكان ورى الغمارة مباشرة وعاد انت والمقاس الي تبي 150_130_140لتر وياربي لك الحمد ..

[الوانيت1]

للرفع.........../////.