يا مكشاتيين ابي نصايحكم

[مزن من المنشا]

السلام عليكم ورحمة الله وبركاته
عندي سفر من المنطقة الشرقية للحجاز السيارة يوكن لي أسبوع مغير كفراته وش الأشياء الظرورية اللي لازم افحصها وتاكد من سلامتها قبل الرحلة ولكم تحياتي

[الخالدي999]

شيك على السير اذا قديم غيره ماتسوى التعطل ب الخط و الركب روح لميزان شيك عليها اذا فيها طقطقه ولا فضاوه غيرها

[الخالدي999]

كم ماشي الموتر ترى الشباب يفيدوك اكثر

[ابوخلف..]

توصل بالسلامة ان شاءالله
دعاء السفر
شيك على الهيئة عند ميزان وهواء الكفرات
وماء الراديتر وزيوت البريك
ياقي الامور تكون واضحه معك

[مزن من المنشا]

جزاكم الله خيرا

[الحربي 591]

1- مويه الرديتر..وخذ معك علبه مويه على طول للاحتياط

2-زيت القير افحصه شوف يحتاج تغيير ولالا اذا غيرته اهم شي الفلتر

3- غير زيت المكينه مع الفلتر

4- زيت الدركسون افحصه شوف يحتاج تغيير ولالا

5- زيت الفرامل

6-غير فلتر الهواء

7-عبي قربه المساحات

8- اوزن الكفرات

9- سير المكينه اذا فيه تشقق غيره

10- اقرا دعاء السفر

11- تروح بالسلامه ان شاء الله :)




موفق خير

[أبوصالح9]

اهم شي شيك على خراطيش الرديتر والبطارية - واذا الخراطيش قديمة غيرهن وافتك - واذا البطارية ضعيفة حط معك جهاز الشحن - وافحص المكيف بعد - الدنيا حروره الله ينجينا من عذاب النار

[الدبل الثقيل]

وعليكم السلام ورحمة الله وبركاته
ما شاء الله الاخوان كفو ولدي امور اخرى
اصرف كاش يكفيك من الشرقية للحجاز ههههههه
وامشي اول النهار او اخره عشان تتعدى السافي اللي يكون في الدهناء او رش صابون صحون على السياره واغسله اول ماتوصل
ادعي لنفسك ولاهلك ولمن تحب ولاتنسى المجاهدين والمستضعفين من اخواننا المسلمين في كل مكان فالدعاء في السفر مستجاب بإذن الله
اشتري خاتم التسبيح واشتغل بالاستغفار والذكر فتستطيع الاستغفار الف مره او اكثر خلال ربع ساعه
قد يقول قائل انه بدعه ، اقول لا لأنه وسيلة معينه وليس غايه و الله اعلم
الله يسهل لك سفرك

[أبو سيف العمري]

أولا الله يحفظكم وييسر أموركم وتوصولون بالسلامة

ثم أبشرك طريق الدمام الرياض الطائف سريع ولا ينقصه شئ بين كل محطة ومحطة محطة

فقط أحتر الوقت المناسب للسفر

والله ييسر أمورك

ولكن يجب عليك سواء كنت مسافر أو غير مسافر

دبة ماء دائما تكون بالسيارة ( نقل الماء ولا نقل الظماء )
إشتراك / عدة إصلاح مفكات وزرادية وشطرطون وما شابه ذلك / الإستبنة شيك عليها لأننا دائما ننساها وهي تحتاج إنتباه/ يفضل يكون معك برادة أو ترمس تبريد للحفاض على بعض المشروبات والمأكولات باردة وطازجة كالفواكه.
لا تنسى بين كل ساعتين توقف وتنزل تنشط حركة جسمك ويفظل توقف لكل وقت صلاة وتتوضى لأن الوضوء ينعش الأنسان وينشطه.

أهم نقطتين * إنتبه من الجمال ...... * والنوم النوم النوم إذا جاك حاول تغفو لو ربع ساعة

ويالسلامة