المساعد الشخصي الرقمي

مشاهدة النسخة كاملة : تكفون استشارة عاجلة prado او fj


ابوناصرررر
06/07/2015, 01:32 AM
السلام عليكم

انا مقبل على شراء سيارة رفيعة (برادو او اف جي او فورتشنر ) (2015)المبلغ 160 حد اعلى
ابي موتر على الخط ثقة راسي اهم نقطة عندي بمعنى لايعرضك للانقلاب لاني راعي خطوط

------------------

قطع غيارة رخيصة + يمسك قيمته + فخامة من الداخل + واكرر انا راعي خطوط تقريبا (المواصفات الي تهمني )

________________

سوال هل رساوت الهايلكس نفس رساوت البرادو بحكم ان البرادو رفيع مرة ؟
لاني مجرب الهايلكس يعني حليو على الخط عيبه الصوت حق الباب 2008
____________
الي حاب يفيدني اكون له شاكر بحكم ماعندي خبرة سلبيات البرادو وايجابيته ؟
وجزاكم الله الجنة يارب كل من يساعدني
الحربي 591
06/07/2015, 03:12 AM
الاف جي ما يصلح للخطوط القزاز الامامي واقف

الفور تشنر مثل الهايلوكس

البرادو هو افضلهم وارساهم تقريبا

و القطع كلها اسعارها متوسطه
وتمسك سعر ولا ما تمسك انت مجرد ما تسجلها باسمك نقص 5 الاف :D اذا بتستخدم لا تفكر بالبيع
سقم المعادي 1
06/07/2015, 08:05 AM
خذ اللي تميل له نفسك عشان لا تتحسف بعد الشراء

بالنسبه لسالفة الرساوة انا مجرب البرادو خط ماشاء الله ممتاز ولا تحس بالممشى خصوصاً على الـ120 و 140

لكن من الـ160 وفوق الهواء يأثر به بشكل ملحوظ

و يعتبر خيار جيد و افضل من الاف جي من ناحيه الفخامة الداخليه و المواصفات

اسعار القطع + مسكة السعر متطابقة بين السيارتين
و بعض قطع الاف جي الميكانيكية تركب على البرادو والعكس صحيح
d h
06/07/2015, 10:51 AM
اشتر لك gx وريح بالك
ابوناصرررر
06/07/2015, 10:53 AM
طيب معلومة واكدوها لي هل البرادو يعتبر عرضه للانقلاب اكثر من الاف جي واللاندكروزر gxr
ابوناصرررر
06/07/2015, 10:59 AM
هل رساوة التاهو خيار افضل من البرادو ؟
من ناحية
(المبلغ) (الرساوة) (الصبر والتحمل على البيئة حفريات و زحمات والخ...)
ابوناصرررر
06/07/2015, 02:51 PM
١٩٩مشاهدة وثلاث ردود بس ؟!!
باوزير
06/07/2015, 10:23 PM
البرادو سيارة ممتازة عن تجربة 6 سلندر مكيفين ثلاجة و تانكي 150 لتر اذا كفر علاق
حزوبر
06/07/2015, 11:29 PM
اكيد البرادو أفضل
لو كنت مكانك أخذت جي اكس
ابوناصرررر
07/07/2015, 02:56 AM
طيب هل التاهو خيار افضل من البرادو ؟
اسبيدر مان
07/07/2015, 02:59 AM
وعليكم السلام
اذا تهمك الخطوط والرساوة فأبتعد عن الجيوب
لاشك ان البرادو افضل الخيارات المذكوره لكن يصنف من اخطر الجيوب واقلها رساوه بسبب صغر قاعدة العجلات وارتفاع السياره الكبير

وجهه نظري انك تقسم المبلغ مابين سيارة سيدان او كروس اوفر للخطوط وسياره للبر والكشتات وسعة الصدر
موفق خير
الوعب
07/07/2015, 03:01 AM
نصيحه ،،، دور لك افضل صفقه بقيمه 160 الف تشتري فيها gx من موديل 2012 و فوق (المكينه الجديده)
اوسع و صرف بانزيل ممتاز و ثلاجه و مكيفين و ماسك سعره .

يعني جي اكس اخو الجديد افضل من برادو جديده
uaest
07/07/2015, 03:09 AM
راعي خطوط و خياراتك برادو و اف جي و فورتشنر


وين التاهو و اليوكون و الاكسبيديشن


مسك السعر من صالح تويوتا بس قطع الغيار و الصيانة و الراحة من صالح التاهو و اليوكون و الاكسبيديشن


نصيحة لا تشتري غير السيارة اللي خاطرك فيها
بكرة لو شريت اي سيارة على رأي غيرك بنتدم و تقول ليتني شريت السيارة اللي اريدها
ابوناصرررر
07/07/2015, 03:26 AM
التاهو كشكل وفخامة معجبني بس عيبه امريكي وانت عارف الامريكي مايطول معك يعني خرابة واحد هذا الي خلاني ما ارغبه لخوفي من خرابة وكذا ،، لكن تيويتا وانا مغمض صبوور فما ادري هل التاهو صبور مثل التيوتا هذا شي مومن به بس ممكن صح علي وممكن خطا


والله يجزاكم الجنة
المميـز
07/07/2015, 03:27 AM
:

من واقع تجربه الفورتنشر حلو استخدام بلد وبر والخطوط لكن مايصلح للي يمشون سرعات عاليه
البرادو مع احدد الزملاء يمدحه ماشاء الله ويداوم عليه يوميا ٣٠٠ كيلو رايح جاي ١٥٠ رايح ١٥٠ جاي عسى الله ييسرله القرب لاهله
الافجي ممتاز بالخطوط لكن بصرف بنزين واعرف واحد باعه واخذ بداله برادو ماشاء الله
وعليك بالاستخاره والله يكتب لك الي فيه الخير

:
ابوناصرررر
07/07/2015, 03:51 AM
اخر استفسار برادو او تاهو

حدي ١٦٠بالقوة .. ابي سيارة رساوة خط ، صبورة =تاهو او برادو
باوزير
07/07/2015, 10:42 AM
GX 6 سلندر سيارة لك و للزمن
سوبرمان
07/07/2015, 11:28 AM
أخي الكريم
السلام عليكم ورحمة الله وبركاته
أخي أنا عندي تاهو موديل 2007 LTZ وماشاء الله تبارك الله من أحسن مايكون سواءً في الراحة أو في السعة أو في التكييف ولو فكرت أني أغير ماأشتري إلا تاهو وحسب إفادة بعض الإخوان يقولون أن التاهو الجديد نسبة عزل الصوت أفضل من القديم (لاكن هناك شيء مهم لابد أن تعرفه وهو أني حريص على السيارة من ناحية الصيانة أو من ناحية الإستخدام ولايوجد عندي مطامر في البر والطعوس إلا ماندر) .
أنا مع كلام أخي الكريم سقم المعادي 1 (خذ اللي تميل له نفسك عشان لا تتحسف بعد الشراء) .
هذا ماعندي .
وآمل أني قد قدمت مايخدمك .
وأسأل الله لك التوفيق
الحربي 591
08/07/2015, 12:53 AM
هل رساوة التاهو خيار افضل من البرادو ؟
من ناحية
(المبلغ) (الرساوة) (الصبر والتحمل على البيئة حفريات و زحمات والخ...)

ههههههه تقارن التاهو في البرادو المفروض شركه جي ام ترفع قضيه عليك لانك ظلمت سياراتها :D

الامريكي ما يحتاج شهادتنا اثبت نفسه بنفسه
وشي عادي جدا ان التاهو افضلهم
واقواهم
الحفريات يبغالك كل سنتين او سنه ونص تغير المساعدات
الزحمات هذا زينه
والصبر و التحمل ممتاز وصبور معي واحد ماشي 400 الا
و تجيني مشاكل بسيطه حدها حساس شكمان و حساس الزيت
الرساوه بجميع السرعات راسي تمشي 180 وانت حاط رجل فوق الطبلون
وماسك الطاره باصبعين :p وش تبي اكثر من كذا:D
المكيف ولا اروع
ومحل ما تبي روح ما يقصر
ويستاهل فرق السعر مواصفات النص فل نفس الفل في اغلب السيارات والفل نفس السيارات الفاخره
و الاهم انك تغير الزيوت بزيوت ايسيدلكو وفلاترها من مركزهم او الوكاله
سقم المعادي 1
08/07/2015, 09:06 AM
اخر استفسار برادو او تاهو

حدي ١٦٠بالقوة .. ابي سيارة رساوة خط ، صبورة =تاهو او برادو

الرساوة دورها بالتاهو

صبر وتحمل دوره بالبرادو

مافيه موتر بيجيك كامل مكمل لابد تضحي باشياء ... إلا ان كانك تبي ترفع ميزانيتك إلى 400 الف :)
أبوحافظ
08/07/2015, 12:42 PM
الرساوة دورها بالتاهو

صبر وتحمل دوره بالبرادو

مافيه موتر بيجيك كامل مكمل لابد تضحي باشياء ... إلا ان كانك تبي ترفع ميزانيتك إلى 400 الف :)

هذا المختصر المفيد :good2:

الاف جي تحمل و قوة و يصبر على الكرف ويمسك سعره بالبيع
البرادو نفس السابق و ارسى من الاف جي

التاهو رساوته افضل لكن لا اعتقد ان يتحمل الكرف مثل تويوتا
الحربي 591
08/07/2015, 02:18 PM
هذا المختصر المفيد :good2:

الاف جي تحمل و قوة و يصبر على الكرف ويمسك سعره بالبيع
البرادو نفس السابق و ارسى من الاف جي

التاهو رساوته افضل لكن لا اعتقد ان يتحمل الكرف مثل تويوتا

حياك الله... طيب ممكن تعلمني وش معنى كرف هل تقصد الكيلو ولا طريقه الاستخدام؟
مكسر الشداد
09/07/2015, 01:03 AM
Gx من اليحيى جامع مانع وجهت نظر
ولا تنسى باب الشنطه حق البرادو صفقه وحده
واسؤ منه باب الاف جي الخلفي دخول الركاب عقوبه ومتصل بباب السائق يعني قربعه
أمير بخلاقي
09/07/2015, 07:57 AM
ابو ناصرررر
من واقع تجربة انا كنت ابي اشتري فورشنر ولكن شار علي واحد من الشباب قالي بدال ماتدفع مبلغ ولا يجوز لك مر سيارات التاجير وساتاجر خسارة 1000 ريال ولا خسارة قيمة سيارة كاملة
وفعلاً اخذت فورشنر اخذته من الرياض وسافرت عليه الشرقية 3 أيام بـ900 ريال والحمدلله اني ماشريته
ماجاز لي
وانت الحل الوحيد لك استاجر وجرب لان الناس رايهم ماهو واحد
انا كل اللي سالتهم عن الفورشنر مدحوه لي ولكن انا يوم استاجرته ماجاز لي
ابوناصرررر
09/07/2015, 10:44 PM
ابو ناصرررر
من واقع تجربة انا كنت ابي اشتري فورشنر ولكن شار علي واحد من الشباب قالي بدال ماتدفع مبلغ ولا يجوز لك مر سيارات التاجير وساتاجر خسارة 1000 ريال ولا خسارة قيمة سيارة كاملة
وفعلاً اخذت فورشنر اخذته من الرياض وسافرت عليه الشرقية 3 أيام بـ900 ريال والحمدلله اني ماشريته
ماجاز لي
وانت الحل الوحيد لك استاجر وجرب لان الناس رايهم ماهو واحد
انا كل اللي سالتهم عن الفورشنر مدحوه لي ولكن انا يوم استاجرته ماجاز لي

عزيزي فريت الرياض ولا لقيت اجار برادو

وين القاه وكم يومه تقريبا وهل البرادو سيارة جيدة كعمر لها وقلة خراب (مكدة العمر)
أمير بخلاقي
10/07/2015, 03:29 AM
والله ماعندي علم لكن شف الذيب ومحلات التاجير اللي عند دوار الاحساء
بالنسبة للفورشنر والاف جي عند دوار الاحساء شفتهن كذا مره
رقبة حاشي
10/07/2015, 05:53 AM
لاذا ولا ذا خذ باحيرو ولن تندم فل كامل من... الى ب ١٠٠ الف تقريبا وانت بالخيار
تايوتا مافيه ولا ربع هالمواصفات وش بكم>>>> وسلامتكم
أمير بخلاقي
10/07/2015, 06:48 AM
الباجيرو حسب ماسمعت عنه قاسي بالمطاب وعاد شوارعنا مافيه احسن منه
المطب والحفر حدث ولا حرج
ذيبان_
10/07/2015, 04:54 PM
خذ البرادو افضل من الافجي بالخط
مكسر الشداد
11/07/2015, 04:44 AM
الفتك يعني خارج المعادله،،،،،!!!!!!
ابونبيل
11/07/2015, 09:12 AM
برادوا افضل لك خذ سبير علاق شكل اجمل وتانكي كبير وموتر مكدة
ابونبيل
11/07/2015, 09:16 AM
بالنسبه للبرادو من واقع تجربه فعلا سيارة صبورة ومتماسكة استعملناه من 2007 وتونا بايعينه