طبخ الحبارى والارانب

[سمنان]

ياجماعه اهداني واحد من الشباب حبارى وارانب .. المشكله انها مجمده ، طبعا منتوفه ومسلوخه ومنظفة جاهزه .. بس المشكله ماني عارف وش أحسن طريقه لطبخهن .. لأني بصراحه ما عمري ذقتهن لا الحبارى ولا الارانب ..فا ياليت تساعدوني وتشورون علي ،،،،،،،
والله يجزاكم خير ،،،

[قتال]

السلام عليكم ورحمة الله وبركاته ،،،

أوصيك يا خوي سمنان بالـمـرقـه .. تراها على كيف كيفك ..

ولا تنسى تعزمني .. :D :D :D

[عاشق النحم]

لا أوصيك بالشوي ولوكان مجمد حطه بالفرن يطلع حركه

[خالد الدلوع9999]

المرقة حلوة لكن الشوي أحلى

[عاشق الصحراء]

الارانب البرية اطبخها مثل طبخ لحم الغنم و لو طبختها بالكاتم
يكون اوفق, و تر مرقة الارنب لذيذه جدا و مفيدة للباطنية,

و انا اشير عليك لا تخلط الارنب و الحبارى بطبخة وحدة,

و بعدين اذا رويت من مرقة الارنب اكبس على باقي المرقة
بشوي رز .

اما الحبارى مرقته يعني مهي لهناك و لحمه لا بأس ما شي
حاله( حليو).

تر الارنب الوحدة تكفي ثلاثة ( يعني انا الثالث ) و سلامتكم.

[خالد الدلوع9999]

السلام عليكم ورحمة الله وبركاته
والله ياخوي عاشق الصحراء أن كلامك صحيح
مرقة الأرنب طيبة وملينة للبطن
لاكن ياخوي الأرنب أنا لوحدي مايكفيني
كيف لثلاثة أشخاص

[سمنان]

الأخوة :
خالد الدلوع
عاشق الصحراء
عاشق النحم
قتال

جزاكم الله خير وما قصرتو .. والله يبيض وجيهكم ..........وتراكم معزومين .. بس الطبخ على واحد منكم،،