آستشآره بـ خصوص آلكفـرآت

[هاووي الطير]

آلسلام عليكم ورحمه الله وبركاته
اسعد الله صباحكم بكل خير ومحبه
وتقبل الله صيامكم وقيامكم

استفسار بخصوص الكفرات يالربع موتري جيب g لاند كروزر موديل 97
و ودي اغير له طقم كفرات واحترت صراحه كلن يعطيك راي
وانا راعي طرد وصيد مع العلم وقت المقناص البر على طول
وانا اقنص بالمنطقه الشرقيه والشماليه كل اسبوع في ديره
وابيكم تنصحوني وش الافضل والمجرب لان ناوي اغير قريب ان شاء الله
ودي اركب شي يستاهل ويريح الموتر خط وبر مع العلم الجنوط هلل مقآس 16

وعسى الله يوفقكم ودمتم بوود🌹🌹

[الوعب]

مشلان ltx الترنت تو
michelin LTX A/T2
مقاس 235/85/16

رح لوكيل مشلان ،، اذا هذا الكفر موجود عنده ،، خذه و ماجاك يمي .. مخصص للبر و انسى شي اسمه غراز .. مع ان شكل الكفر يوحي لك انه عادي ،، ولكن من تجربه تاير لك و للزمن ،، سعره شوي غويلي لكن تستخدمه 3 سنوات على اقل تقدير

[مكسر الشداد]

انا اشهد ان المشلان كفر لسيما الي ذكره الوعب انا مجرب
٢٧٠*٧٠*١٦كان يجي زمان ومن كم سنه انقطع LTX امريكي الان انا على اليوكهما لي 8 سنوات واشوف انه كفر مناسب لي للحجره والصحرى

[abohmad]

سلام عليكم انا ابي اخالف اخواني في الشور اخذلك بريجستون رقم الكفر ٨٤٠ وما جاك عندي وعر ونفود واحجرة كفر قوي جدا وسلامتك

[هاووي الطير]

الله يعطيكم العافيه جميع من رد وبيض الله وجهيكم