صافى السريره
10/07/2015, 09:17 AM
بسم الله الرحمن الرحيم
هذه مجاراة لقصيدة الصديق العزيز /فيصل محمد العطيشان والتي نشرتها يوم امس:
يالله يامسقي فياض(ن) خصيبه
...................... نباتها يزهى عقب ما الدهر حل
يا فارج(ن) كربة عطيب المصيبه
.................... انت الذي رجواك يسعى لها الكل
جتني بيوت(ن) بالمعاني مصيبه
.............. صيغت على طرق(ن) يناسب لها جزل
من شاعر(ن) شعره رقا للجذيبه
............................ يومه تغنّى بالمثايل وكمل
وابدى من اللي بالخواطر تجيبه
....................... كاالدر منظوم(ن) على جيده الخل
يقول نظم القاف يزهى بطيبه
........................... والى اسفهل البال بالشعر ينهل
يا صاحبي والطيب كارض(ن) خصيبه
.......................... عقب المطر تلقى بها النبت يقتل
والطيب نبته بالثمر مستطيبه
......................... تلقى بها عن لفحة الشمس لك ظل
والى فعلت الطيب لا تنتخي به
........................ افعل وخل الطيب هو يخبر الكل
والطيب طبع وحظ منهو نصيبه
....................... خصله حميده ما يساوى بها خصل
والدين والاخلاق تمنحك هيبه
...................... وتر طاعة الرحمن هي كل في كل
ولا تصير للمظلوم يوم(ن) طليبه
.......................... الظلم للمظلوم ذنب(ن) الى حل
لاظلم عليه الليل نفسه عطيبه
........................... يرفع يديه ودعوته فيك تقبل
ومال(ن) حرام(ن) جاك طرقه مريبه
............................ ابعد عن المحذور لو كان به قل
ترى ان دخل بالجيب لو هو قطيبه
.............................. يدّنس الباقي ولا عاد له حل
الا ان فصخت الثوب تبغى الهريبه
............................ وتبدى جديد وتطلب الرب يقبل
ومن يكسر المجداف لا تعتزي به
............................ يقطع عليك حبال يمكن توصل
خلّه ترى حذراك فاراه خيبه
............................. يفت عضدك لين يدعيه ينشل
وحكي القفا بالناس عمد(ن) بغيبه
............................ يعطيك هرج وعنك للناس ينقل
هذا ترى النمام ياشين عيبه
......................... في محكم الآيات قد صيغ له مثل
واحذر من المسكين لا تهتزي به
........................... بين اصبع الرحمن حالك تبدل
والشك خل الشك خله بغيبه
..................... احكم على الظاهر ترى الشك يقتل
واحذر حقوق الناس تاخذ غصيبه
........................... الحق حق ومنكر الحق معتل
لا تعتقد ما تاخذه بالغليبه
...................... يغنيك والذمه ترى احفظ لها الحل
والصدق منجاة(ن) لمن يحتسي به
......................... واللي مشى بالصدق لابد يوصل
والكذب يخذل كل من يلتجي به
............................ يالله عسى الكذاب بالعين يسمل
وامك وابوك اظهر لهم كل هيبه
.......................... واخفض لهم رحمه توري بها ذل
ياحظ من له والد(ن) يعتني به
.............................. في طاعة الرحمن بالخير يعمل
وظيفك ترى لا جاك اكرم وجيبه
............................ فل الحجاج وخاطرك دوم ينهل
الضيف حقه واجب(ن) له نصيبه
......................... كم واحد(ن) لا جا له الضيف يجفل
والجار حق الجار فرض(ن) وصي به
........................ لا يحس جارك منك شي(ن) من الغل
وان حل طاري الجار خل الحكي به
................................. احذر على طرياه بلسانك تزل
والمنتحي لا صد خله وسيبه
.................................. ميزان فكرك للمقفين يختل
وصلاة ربي عد ما هل صيبه
............................ عل شفيع الخلق في ماقف(ن) جل
آل- بوهلال التميمي(ابوراكان)
هذه مجاراة لقصيدة الصديق العزيز /فيصل محمد العطيشان والتي نشرتها يوم امس:
يالله يامسقي فياض(ن) خصيبه
...................... نباتها يزهى عقب ما الدهر حل
يا فارج(ن) كربة عطيب المصيبه
.................... انت الذي رجواك يسعى لها الكل
جتني بيوت(ن) بالمعاني مصيبه
.............. صيغت على طرق(ن) يناسب لها جزل
من شاعر(ن) شعره رقا للجذيبه
............................ يومه تغنّى بالمثايل وكمل
وابدى من اللي بالخواطر تجيبه
....................... كاالدر منظوم(ن) على جيده الخل
يقول نظم القاف يزهى بطيبه
........................... والى اسفهل البال بالشعر ينهل
يا صاحبي والطيب كارض(ن) خصيبه
.......................... عقب المطر تلقى بها النبت يقتل
والطيب نبته بالثمر مستطيبه
......................... تلقى بها عن لفحة الشمس لك ظل
والى فعلت الطيب لا تنتخي به
........................ افعل وخل الطيب هو يخبر الكل
والطيب طبع وحظ منهو نصيبه
....................... خصله حميده ما يساوى بها خصل
والدين والاخلاق تمنحك هيبه
...................... وتر طاعة الرحمن هي كل في كل
ولا تصير للمظلوم يوم(ن) طليبه
.......................... الظلم للمظلوم ذنب(ن) الى حل
لاظلم عليه الليل نفسه عطيبه
........................... يرفع يديه ودعوته فيك تقبل
ومال(ن) حرام(ن) جاك طرقه مريبه
............................ ابعد عن المحذور لو كان به قل
ترى ان دخل بالجيب لو هو قطيبه
.............................. يدّنس الباقي ولا عاد له حل
الا ان فصخت الثوب تبغى الهريبه
............................ وتبدى جديد وتطلب الرب يقبل
ومن يكسر المجداف لا تعتزي به
............................ يقطع عليك حبال يمكن توصل
خلّه ترى حذراك فاراه خيبه
............................. يفت عضدك لين يدعيه ينشل
وحكي القفا بالناس عمد(ن) بغيبه
............................ يعطيك هرج وعنك للناس ينقل
هذا ترى النمام ياشين عيبه
......................... في محكم الآيات قد صيغ له مثل
واحذر من المسكين لا تهتزي به
........................... بين اصبع الرحمن حالك تبدل
والشك خل الشك خله بغيبه
..................... احكم على الظاهر ترى الشك يقتل
واحذر حقوق الناس تاخذ غصيبه
........................... الحق حق ومنكر الحق معتل
لا تعتقد ما تاخذه بالغليبه
...................... يغنيك والذمه ترى احفظ لها الحل
والصدق منجاة(ن) لمن يحتسي به
......................... واللي مشى بالصدق لابد يوصل
والكذب يخذل كل من يلتجي به
............................ يالله عسى الكذاب بالعين يسمل
وامك وابوك اظهر لهم كل هيبه
.......................... واخفض لهم رحمه توري بها ذل
ياحظ من له والد(ن) يعتني به
.............................. في طاعة الرحمن بالخير يعمل
وظيفك ترى لا جاك اكرم وجيبه
............................ فل الحجاج وخاطرك دوم ينهل
الضيف حقه واجب(ن) له نصيبه
......................... كم واحد(ن) لا جا له الضيف يجفل
والجار حق الجار فرض(ن) وصي به
........................ لا يحس جارك منك شي(ن) من الغل
وان حل طاري الجار خل الحكي به
................................. احذر على طرياه بلسانك تزل
والمنتحي لا صد خله وسيبه
.................................. ميزان فكرك للمقفين يختل
وصلاة ربي عد ما هل صيبه
............................ عل شفيع الخلق في ماقف(ن) جل
آل- بوهلال التميمي(ابوراكان)