عندي فراغ في الكرونه وش الحل دلوني

[تموز]

اخواني واحبتي كل عام وانتم بخير

حدث وان قمت بسحب احد المغرزين بسيارتي الشاص وللاسف كانت التغريزه قوية مره اضطررت الى تل الموتر بقوه مما سبب لعمود الكردان بالضرر وقمت بتغيره من التشليح
الان المشكلة في طقه تجي كل ما قمت بالمشي وكشفت عليه وقالي يماني ميكانيكي انه من فضاوه في الكرونه ولازم تغير الكرونه او الدفرنس

السؤال هل فيه احدد متخصص في هالامور او اغير الدفرنس وهل يركب دفرنس شاص 2000 لان اللي عندي 98

مع الشكر الجزيل

[الدحبول]

وقالي يماني ميكانيكي انه من فضاوه في الكرونه ولازم تغير الكرونه او الدفرنس

عمود الكردن ماله دخل بنسبه لسيارة الي سحبته وش نوعها ؟؟؟؟؟؟؟؟؟
أنت في أي منطقة ؟؟؟؟؟
وبنسبه لليمني هو من جنوب اليمن أو من شمال ؟؟؟؟؟؟؟؟


واحد من الربع شف عندي جيب 1997 فيكسار أونومتيك

وشارى واحد مودسل 1997 فيكسار 1997 أوتومتيك ليمتد

وكان يبي يعشق السكن وبالغلط عشق الدبل الثقيل وهو ماشي 60

وادى إلى خراب الكرونة الامامية وسعره 4 الاف ريال سعودي
واحد من الربع مع جمس موديل 2003 قير عادي قطعه 2500 ماشي 170 الف يسحب جيوب و ونيتات
و لا صار فيه شيء فما بالك با شاص والاهميه تره يسحب نتع نتع

[هاوي الله]

إلى الأخ تموز :

تليت الموتر بالدبل الثقيل أو الخفيف ؟

الأخ الدحبول :

كان يبي يعشق السكن وبالغلط عشق الدبل الثقيل وهو يمشي 60 !!!؟

ياليت توضح أكثر ؟

وما هو السكن ؟

[خيال الغلبا]

يااخوان مادام فتحتوا هالموضوع انا عندي 93 في اكس ار تماتيك

واعاني الأمرين من الدبل

فهل تعرفون ميكانيكي يضبطه لأني تعبت ولا حصلت احد

وكذلك الهزاز

[هاوي الله]

يااخوان مادام فتحتوا هالموضوع انا عندي 93 في اكس ار تماتيك

واعاني الأمرين من الدبل

فهل تعرفون ميكانيكي يضبطه لأني تعبت ولا حصلت احد

وكذلك الهزاز

هلابك اخوي

موترك دبل قير أو دبل قير + زر ( الخفيف ) ؟

والدفلوك ( الهزاز ) وش المشكله فيه ؟

ممكن أقدر أفيدك ,,,

[((فانتوم))]

الاخوة الافاضل لي مداخلة بسيطة لهواة البر(والفزعات ) والحديث موصول للاخ الدحبول


هناك شي هام بالسيارة يقاس بالكيلو جرام او بالطن وهو قوة الجر وتعرف بالتالي


وهي القوة التي يستطيع أن يتحملة الدفرنش وعمود الكردان لسحب جسم ثابت والسير به من السكون


ويجب التفريق بينها وبين الحمولة للمركبة


الاخ الدحول يقول ان الجمس طراز 2500 يسحب جيوب وونيتات فكيف الشاص


الحقيقة ياخي الدحول ان الجمس قطع 2500 يستطيع ان تصل قوة الجر لدية 4600 كيلو جرام اي 4.6 طن


اما جيب التويوتا الشاص فقوة الجر للاسف لاتتعدى 4000 كيلو جرام اي 4 طن


ويستطيع الجمس قطع 3500 جر 6000 كيلو جرام اي 6 طن


وتعود هذه الارقام الى


حجم الفرنش والتسنيين والكرونة والبنيون والحجم الاجمالي للدفرنش .



(ملاحظة عند سحب سيارة اوتنع سيارة غارسة بالرمال او الوحل فان الوزن للسيارة يزيد عن الوزن الطبيعي )


تحياتي لكم .



فانتوم

[مفك 14]

اتوقع المشكله عندك ماهي بالكارونه .

بل المشكله عندك في الصلبان حقت العمود او نفس العمود لان العمودالخلفي يجي وصلتين يركبن ببعض واطرافهن الداخليه مسننه وهذي

الاطراف المسننه قد تتوسع وهذي المشكله صارت معي بهدد صالون 97 كل ماقومته بالاول او الثاني اسمع صوت طقة واحيانا ثلاث طقات

ورحت لميكانيكي وقال لي عندك الصليب الخلفي ومسننات العامود الخلفي متوسعه ويبيلها غيار وانا الى الحين ماغيرتها ابي امر على كم

ميكانيكي الين اتأكد وين المشكلة فيه ثم اصلحها وارجو اني افدتك .

[الدحبول]

إلى الأخ تموز :

تليت الموتر بالدبل الثقيل أو الخفيف ؟

الأخ الدحبول :

كان يبي يعشق السكن وبالغلط عشق الدبل الثقيل وهو يمشي 60 !!!؟

ياليت توضح أكثر ؟

وما هو السكن ؟
هو كان يريد الدبل الخفيف ولاكنه عشق الثقيل بالخطأ
أي حرك قير الدبل إلى وضع L4 ( الدبل الثقيل ) وهو يمشي بسرعة 60 كم

السكن هو الدبل الخفيف H4 ويجي زر في الجيوب فير أوتومتيك والعادي

أسف على تاخر الردود

[تموز]

اخواني الكرام شكرا للجميع على المشاركه
انا ساحب الرجال بقوه وهو في الدبل الثقيل

فعلا تغير الموتر من ذا السحبه وحسيت في ضررها غيرت العمود والصلبان وما راح الصوت

افكر في الوكاله او البازعي وش رايكم

[سلكي نت]

س : كيف عرف العامل ان الكارونه فيها فراغ ؟، احتمال احد رؤوس المسننات اتكسر هل فكها .
شوف ارفع السيارة من الخلف وامسك عمرد الكردان . ولف احد الكفرات وحاول تحركه اذا تحرك ولو بسيط فهي فيها بوش مثل الطارة"الدركسون" لكن ما اعتقد كل الرؤوس تتكسر او تتخدش احتمال بعيد جداً . هل شيكت على العكوس او مسننات الدبل و(الجنزير اذا كان امريكي)

[خيال الغلبا]

اخوي فتى البران
عندي الدبل +الزر الخفيف

[عجمي]

اخواني الكرام شكرا للجميع على المشاركه
انا ساحب الرجال بقوه وهو في الدبل الثقيل

فعلا تغير الموتر من ذا السحبه وحسيت في ضررها غيرت العمود والصلبان وما راح الصوت

افكر في الوكاله او البازعي وش رايكم


السلام عليكم

اخوي تموز اذا انت بالقصيم او تقدر تجي لمة انصحك بالصمعاني بالتشاليح رجال نصوح وتخصصة دفرنسات وقيور

وسبق غيرت الكارونة عندة ..

اخوك عجمي