المساعد الشخصي الرقمي

مشاهدة النسخة كاملة : طبعي هواوي واعشق القنص والصيد


فصل الربيع
30/11/2001, 09:24 AM
طبعي هواوي واعشق القنص والصيد
.................. واطرب اليا فاح النفل من عباتي

واجلس مع القمرى بليل التساهيد
.................. واشب ناري ثم الوح عصاتـــــي

واقرب ادلالي على النار من حيد
.................. أدلال أبويه دايماًمن سواتــي

واترجم أحساسي على صفحه البيد
.................. ورتب أبيوتي بكيفي وذاتــــي

واجيب سامر والعب الشعر واعيد
.................. ولاحان وقت الفرض آصلي صلاتي

وأستغفر الله وطلبه كل ماا ريد
.................. راحت ضميري والصبر والثباتي

طبعي هواوي واعشق القنص والصيد
.................. من خلقتي وهذي مسيرة حياتي









هذه القصيده للشاعر (( محمد الفريدي))
أبوسليمان
30/11/2001, 02:15 PM
مشكور أخوي فصل الربيع
على القصيده الرائعه جداً
وننتظر منك الاحلى


أبوسليمان
مساعد
01/12/2001, 09:18 PM
قصيدة رائعة ومشكور:


قصيدة مرسلة من الشاعر سعد بن محمد اليحيى الى الشاعر علي بن سعد الطخيس يقول فيها :



الا يا نديبي فوق ما يقـــرب الخلان#مسافة ثلاث أيـام يطويــه عصريه


على جيبٍ أشهب هيكله هيكل النيسـان#خليجي و لوحاته تراهـا سعــوديه


يسوقه سنافي ٍ ينقذ عن الذرعـــان#يبي قطعة الفرجه وشمس العشي حيه


الى فر ويله كنه الطير أبــو جنحان#يبوج الخرايم بالمراويح و الجيـــه


عليه الدريول سامح ٍ خاطره طريــان#الى دق بالطبلون ميـه على ميــه


تهيض يغني ما طراله من القيفـــان#الى شــم ريح البر بارض خـلاويه


لزومه يبي يقضيه في شايه الرحمـن#مع الحظ والتوفيق وسموحـة النيـه


توكل على الله و استعذ به من الشيطان#يجيرك من أسباب البلا والحـراميـه


الى جاء الربيع ونور العشب بالريضان#على الجيب شلنـا عدة البر و الريـه


جميع الأواني كاملة ما بها نقصــان#ولا حاجةٍ من كل الأغراض منسيـه


نواعد علي ونقوله قل لبو رميــزان#وصالح و عبدالله لهم بالوعـد جيـه


نروح نتمشى بالغراميل و الوديـــان#و الى ريعت من كل الأزهار مكسيـه


ترى ذا هوى باللي و لا لي بغيره شان#احب التمشي بالديــار العذاويــه


الى جاء ربوع ٍ بالمودة تقول اخــوان#سوالف رجــال وهبت الريح بالفيه


لاشك المناوي ما تجي لي على ما زان#ولا لي عن المقسوم تجنيب و نحيـه
magnum 350
24/11/2011, 09:51 AM
فصل البربيع اذا ماعليك امر تسمح لي اخذ القصيده واشيلها لو تسمح يالغالي ياليت الرد يكون في هاليومين انا ابي انزلها على مقطع في قناتي
يوسف الخليفة1
24/11/2011, 04:14 PM
حياك الله أخي العزيز فصل الربيع

وهل القصيدة لك
عيون الاشقر
25/11/2011, 08:32 AM
صح لســـانك
محمد الدوسري ٢٠٥
25/11/2011, 10:02 AM
صح لسانك قصيده في قمة الابداع
عشقي الصحاري
27/11/2011, 01:32 PM
وعليكم السلام@
صح لسانك ياخوي@
إلقناصه
29/11/2011, 01:36 PM
طبعي هواوي واعشق القنص والصيد
.................. من خلقتي وهذي مسيرة حياتي

صح لسانك يالفريدي مليااااااااااااااار واكثر
جزاله من اهلها
تقديري لك
س.س.التميمي
07/02/2012, 12:58 AM
صح لسانك ياشاعرنا مشاء الله عليك
رفيق العرب
09/02/2012, 09:09 PM
قصيده ولا أروع
صح لسانك
جداويه 94
22/02/2012, 09:55 PM
يعطيك العافيه