المساعد الشخصي الرقمي

مشاهدة النسخة كاملة : افضل طريقة للمحافظة على تانكي الماء من الصدىً


سالم بن سالم
06/01/2007, 10:10 AM
عندي استفسار لاهل الخبرة عن افضل طريقة للمحافظة على تانكي الماء من الصدىً
الحقيقة عندي جمس توني شارية وفيه تانكي جديد ولا اعرف كيف احافظ على التانكي هل تفريغه من الماء افضل ام بقاء الماء داخل التانكي افضل .
اما بخصوص الجمس فيحتاج الحديث عنه ثلاث صفحات ولكن بختصار ( الموتر قديم يشبه البعير الهرش وصوت المكينه ينسمع من مسافة تسع كيلوا والابواب ما تنقفل والفرامل ما تربط والدرسون ما يلف يمين لذلك ما اروح للمشاويرالي على اليمين والباب حق الصندوق ما ينفتح والسلف له صوت هذا قليل من كثير ) ولكن يسوى عندي الشي الكثير شكله معجبني وكذلك حجمه ولونه وموديله .
احتاج إلى إلى مساعدتكم فيما يلي :ـ
1) ورشة ممتازة
2) ارغب في تركيب حنايا وشراع وش احسن ورشه
3) كيفية المحافظة على التانكي من الصدىً
سالم بن سالم
06/01/2007, 02:20 PM
الو الو الو ....... ط ط ط ط ط ط
الجبيلاوي2007
06/01/2007, 02:26 PM
أخوي سالم بن سالم

وشوله شاريه لاصار هذي عيوبة :D
تري القديم يخوف:no2: :no2: في البران والطلعات حتي أذا صلحته تكون حاط يدك علي قلبك في البران ..
بالنسبة للتانكي أنا أتوقع أنه يتفرغ من الماء أفضل علشان ما يصدي ..
س هـ ى دماكس
06/01/2007, 03:08 PM
ركب تانكي ( ألمينيم ) وريح راسك ..
جفيل
06/01/2007, 04:25 PM
خل التانكي كل الوقت مليان

يعني اذا صار فاضي أمله عشان مايصدي

اوخذلك جركل عادي وريح بالك
سالم بن سالم
07/01/2007, 08:30 AM
الاخ العزيز الجبيلاوي : اشكرك كثيراً على الرد اما بالنسبة للجمس الحقيقة حبيته من كل قلبي ولايمكن أن استغني عنه ( متأثر بالافلام المصرية ) واتمنى لو اني شاعر كان قلت فيه قصيد .. مع العلم ولله الحمد بأن عندي سيارة جيب جديدة ولكن ما أحب اركب الا الجمس مفتون به .

الاخ العزيز س هـ ى دماكس : شكراً على الرد ولكن التانكي الامنيوم غالي والسيارة ما تستاهل .

الاخ العزيز شايب اسدير : شكراً على الرد وهل التانكي اذا كان معبى بالمياه افضل بعض الشباب يقول أن التانكي إذا كان فيه ربعه افضل .


جمس شريته ناوي الصمان ...... اول ماركبته نحربي الصناعية
snnar
10/01/2007, 11:02 AM
افضل طريقة للمحافظة على التانكي انك تخلية دايم مليان ولا تفضية ابداً (ولا تعبية ماء صحة خصوصاً الاربعة اشهر الاولى حتى يتكون طبقة من الجير مثل ابريق التفويح )
مصادق الضبان
11/01/2007, 12:39 AM
تحية للاخ سالم بن سالم على هذا الموضوع الهام واعتقد أن احسن طريقة للمحافظة على التانكي هي تعبئته بماء شديد الملوحة أو ماء هماج من الاشياب المنتشرة على الطرق البرية :good:

وامل منك تنزيل صورة للجمس العجيب :burnout2: :redcar: :dance: :butt3: :redcar:
محب النياق
11/01/2007, 04:33 AM
انا مع اخوي مصادق الضبان

ابي صور للجمس
المسطره
11/01/2007, 02:31 PM
هلا فيك اخوي: سالم بن سالم

مثل ماقالو الاخون افضل وسيله هي تعبئه التانكي بالماء دايم لاتخليه يفضي ابدان

وتقدر تأكد من هالشي بمراقبه توانك الماء الحديد تلقها في المخيبمات او غيرها
تلقى الصداء يبداء من المكان الي يكون فاضي ام اسف التانكي علشانه دايم مليان ماء تلقى مافيه صداء
وهذا شي معروف عند اهل التوانك والخبره

تقبل تحياتي
عاشق الفيضة
12/01/2007, 02:24 PM
خل التانكي مليان على طول ولا يصدي أن شاء الله
باثفندر
12/01/2007, 08:29 PM
سمعت انه في جلفنه داخلية وخارجية رخيصة اسئل عنها
سالم بن سالم
13/01/2007, 09:46 AM
ياخوان مشكورين على هذه المعلومات والحقيقة أني استفدت كثير منها واعتقد أن تعبئة التانكي وبقاء الماء فيه افضل والدليل ماذكره الاخ الزميل المسطرة بأن توانك المخيمات تبقى فترة طويلة والسبب بقاء الماء فيها وعدم تفريغها .

اما بخصوص الجمس فأعتذر عن انزل صورة له في الوقت الحالي حتى يتم تكملة صيانته ووضع الحنايا والشراع وكذلك تغيير الكفرات والجنوط إلى مقاس (18) ووضع مدخل للهواء فوق الكبوت ووضع شعلة لهب على الجوانب وصورة للاسد فوق الكبوت وطلائه بلون هلينيكي ووضع اربع شكامين اثنين مع كل جانب اضافة إلى التعديلات في المحرك دبل تربو ـ هدرز ــ فلاتر ....الخ .
سالم بن سالم
17/02/2007, 01:23 PM
وضعت التعديلات واصبح شكله روعة .
محمد الشاوي
17/02/2007, 01:40 PM
أفضل طريقة للمحافظة على التانكي من الصدأ أن لا يخلو التانكي من الماء حتى لو نصه يعني مهب شرط يكون مليان
أهم شي لا يفضي .

جاك العلم .

وتقبل تحياتي
المرقاب
17/02/2007, 02:27 PM
ما الومك لو أنك حبيت وكل منا له حبيب بس


في نمله على الطاوله ماأدري من وين جت




أعتذر عن هذا الخطا الصادرمن كنترول البرامج

لكن الله يهنيك ويسعدك دنياوآخرة
العميد ابواروى
17/02/2007, 04:10 PM
اهم شي لا يفضي ولا هب لازم يكون مليان مره

و لا تركب الامنيوم تراه غالي على الفاضي
سالم بن سالم
19/02/2007, 08:42 AM
ياجماعة من عنده فكرة عن خزان الفيبرجلاس هل نجح فعلاً ام لازل تحت التجربة .. فيه قريب لي استخدمه ويقول انه عملي ولكن عيبه الوحيد أن الماء يصير له طعم ورائحة غريبة ولا يصلح للشرب والشاهي .
ولد أبوي
19/02/2007, 05:57 PM
مشكووووووووووور
Avalanche
20/02/2007, 09:54 AM
ركب تانكي ( ألمينيم ) وريح راسك ..


أنصح بنفس الشيء

والله يوفقك

أوه نسيت أقولك مبروك على السيارة :good:
ابو فالح
20/02/2007, 10:27 AM
ياجماعة من عنده فكرة عن خزان الفيبرجلاس هل نجح فعلاً ام لازل تحت التجربة .. فيه قريب لي استخدمه ويقول انه عملي ولكن عيبه الوحيد أن الماء يصير له طعم ورائحة غريبة ولا يصلح للشرب والشاهي .
مبروك الجمس والله يعطيك خيره ويكفيك شره.
بالنسبة للفيبرجلاس فمجرب واثبت جودته وله عندي أكثر من سنتين ولا طعم ولا رائحة.
Avalanche
20/02/2007, 10:31 AM
اهم شي لا يفضي ولا هب لازم يكون مليان مره

و لا تركب الامنيوم تراه غالي على الفاضي


صحيح انه غالي

بس ما يصدا

بالعربي ( لك وللزمن ) :good:
المجدي
20/02/2007, 10:34 AM
ركب تانكي ( ألمينيم ) وريح راسك ..

بس نبي صوره للجمس ياخي خلنا نشوفه المزيون
الهاوي.
20/02/2007, 11:37 AM
أفضل طريقة للمحافظة على التانكي من الصدأ أن لا يخلو التانكي من الماء
سنايدي سدير
20/02/2007, 11:47 PM
اخوي سالم بن سالم
تراك شفيتبنا ورنا صورة المزيون يااااااااااااااااااااا هيّام الجمس
وجعله من مراكيب العافيه
تلسكوب 1
20/02/2007, 11:56 PM
انا مع كلام الأخوان
نبي صوره للجمس ياخي خلنا نشوف المزيون
ساري15
21/02/2007, 12:13 AM
صحيح انه غالي

بس ما يصدا

بالعربي ( لك وللزمن ) :good:

حسب تجربتي الشخصية .. والله أعلم

أخوكم بالله ركب تانكي ألمنيوم واضرب واطرح ودايم أمر حقين التحلية هاللي مدري وشلون يصير الماء المالح حلو بدون أجهزه وبدون أي فلاتر (((( خلطه سرية ))))

والله وآخذ لي حوالي شهرين مبسوط الما نظيف وحلو ... وأطلع مرة للبر وافتح البزبوووووووووز ويصب الماء ولاهو أصفر صدق كذب ... قلت إيه تراب باوله عادي وانثره واجيب علبة صحه فاضيه واعبيها يامير الماء مصدي ويضيق صدري هاك اليوم معقوله تانكي ألمنيوم ويمدحونه ومايصدي وو و و ... المهم مالكم بالطويله

وأرجع وافضي الماء اللي به واروح يم أحد الآبار القلبان القديمه واملاه واخليه فيه حول اسبوووووووووووع وافضيه ويمير الما نظيف مافيه شي والتانكي ماعليه كلام ... وتوبه اعبيه من هالنصابه ... الله وكيلهم ...

واروح واركب بالبيت فلتر ماء يصفي باليوم 200 لتر خاااااااااااااص لتانكي السيارة ... ولله الحمد له هالحين حوالي السنه الماء ماعندك أحسن منه ..... هذا والله أعلم

من له تجربه بالموضووووع يفيدنا ...
الوافي888
21/02/2007, 05:09 AM
السلام عليكم
لبس التانكي من الداخل فيبر جلاس
واقولك من تجربة
سالم بن سالم
21/02/2007, 08:14 AM
امزح عليكم لاعندي جمس ولا يحزنون وبعدين انا ضد التغييرات الجوهرية في السيارة والصراحة كان عندي جمس ونيت قطع صغير ولكن بعته وتحسفت ودي اشتري واحد مثله لكن مالقيت المواصفات الي ارغبها واهمها (حجم صغير ـ تماتيك ـ موديله فوق 96 ـ نظيف ـ وياليت يكون مكمل توانك وهنقلين وشراع ) من يجد لي جمس بهذه المواصفات يخبرني وسعيه محفوظ
متأسف جداًجداًجداً طلعنا عن الموضوع الاساسي وهو التوانك ومشاكلها .
فتى الدهناء
21/02/2007, 10:40 AM
توانك الوادي الجديدة .. مامثلها .. وسعرها زين وسعتها منتازة
سالم بن سالم
21/02/2007, 01:15 PM
الاخ المرقاب جزاك الله خير على الدعوة الحقيقة انا شفت بعير على الكرسي على فكرة ابسميك من اليوم ورايح (ابو نمله)