المساعد الشخصي الرقمي

مشاهدة النسخة كاملة : ما هي افضل ورشة سمكرة وبويه في الرياض ؟


فـــــلاح
06/01/2007, 12:25 PM
ما هي افضل ورشة سمكرة وبويه في الرياض ؟

معي يوكن 2003

وأبغى أرشه من الصدام للصدام

رحت لمركز وفاء بالصناعية وقالوا يكلفك 18 ألف وضمان 5 سنوات

وبصراحة غالي سعرهم

وش تنصحوني بورشة شغلهم ممتاز وفوق الممتاز

والشريطي ما يطلع الرشة عقب ما يرشون الموتر

الفزعة يا اخوان
محمد العبدالسلام
06/01/2007, 12:53 PM
18000 الف سعر مبالغ فيه جداً جداً يا اخي اذا بتدفع السعر هذا وده للوكاله وريح بالك لكن انا اعرف لك ورشه في الدهان ممتازه جداً صاحبها لبناني بالصناعية القديمة ثاني ورشه بعد ميزان الدرع على يدك اليسار اسم صاحبها محمد لكن راح يعطيك سعر بس لا تطاوعه على قولتهم كسر راسه وشف شغلهم واحكم ، يعطيك ضمان لمدة خمس سنوات وانا مره رشيت كابرس م 90 ولونه كان عله كحلي ( حبر ) وما شاء الله شغل مثل العسل بس عيبهم هاك الوقت الكهربائي لعب شوي بالكهرباء بالسيارة . بالتوفيق اخوي
الآراك
06/01/2007, 01:03 PM
أخوي فلاح السلام عليكم أخبر إن فيه ورشة رشها ممتاز وسعرها ممتاز هي ورشة أرناج
وشغلهم بالسمكرة ما يحتاج
وإن شاء الله تتوفق بورشة ممتازة

تحياتي
الفعفعي
06/01/2007, 01:09 PM
والله يخوك فيه ورشة الشباب ممتااااازه بس غويلين شوي فيها واحد اسمه أبو ناصر
فـــــلاح
06/01/2007, 01:57 PM
ابن نجد

يا هلا بك والله ، وما قصرت يا الغالي ، ميزان الدرع وينه يا اخوي ؟
انا جيت مع شارع الستين وجاني الكوبري ولفيت يسار مع شارع الامير سلمان رايح للصناعية ، وصف لي من هنا ولا عليك امر



الآراك

بالنسبة لورشة أرناج يا ليت توصف مكانها ولا عليك أمر
وهل رشيت من قبل عندهم والا سامع فيها ؟
لأن الموتر وانا اخوك توني شاريه جديد وما ابي ارشه رشه اي كلام
ابي رشةٍ مضبوووووووطه



الفعفي

يا هلا بك يا الغالي ، بس وين مكانها ورشة الشباب هذي ؟
وهل يعطونك ضمان على البوية وعلى الشغل ؟
ابونايف الروقي
06/01/2007, 02:48 PM
الوفاء .... التقوى .. شغلهم اوكي
ميق ميق
06/01/2007, 04:39 PM
ما هي افضل ورشة سمكرة وبويه في الرياض ؟


معي يوكن 2003

وأبغى أرشه من الصدام للصدام

رحت لمركز وفاء بالصناعية وقالوا يكلفك 18 ألف وضمان 5 سنوات

وبصراحة غالي سعرهم

وش تنصحوني بورشة شغلهم ممتاز وفوق الممتاز

والشريطي ما يطلع الرشة عقب ما يرشون الموتر

الفزعة يا اخوان

مركز قمراء على نفس الشارع الي عليه مركز وفاء
خل الورشه على يدك اليسار ووجهك شرق يجيك على يدك اليسار مقابل العضيب لقطع غيار لكزس مستعمل
فـــــلاح
07/01/2007, 12:13 AM
يا الربع

فيه واحد مدح لي ورشة عالم السيارات

عند لبناني اسمه أبو رامي

على شارع الجمعية

وش راااااااااايكم