ارجو من الاعضاء الطيبين الرد عن (الفقع بين الصرار و عريعرة)

[عاشق الصحراء]

عسى الله سبحانه و تعالى يعيد علينا رؤية الامطار و الربيع
كل سنة .

يا اعزائي ..ناوي اروح نهاية الاسبوع هذا الى المنطقة بين
الصرار و عريعرة
ارجو منكم فعل خير ..اذكرو لي مكان فيه ربيع و فقع و يصلح
للعوائل....
وش اخبار الي حول قرية حنيذ عسى فيه لقط فقع...

لو سمحتوارجو الرد قبل يوم الخميس.

لا تخيبون ظني فيكم.
اخوكم عاشق الصحراء

[الشيشاني]

بسم الله الرحمن الرحيم


أخي الغالي /عاشق الصحراء

با النسبه للوادي (وادي العجمان) فالواقع ان الوادي مخطي من الوسمي هاذي السنه حتى

قبله منه صوب الصمان من شرق لئن المطر ذي السنه سهوم 0

ولكن يذكر( من كلام الناس)انهم لقطوا الفقع من جهة الحمطيات00


أخي با النسبه للوادي انا عاسه قبل العيد0

جزاك الله خير:heart::heart::good:

[الهلالي]

بسم الله الرحمن الرحيم


أخي الغالي /عاشق الصحراء
أسعد الله أوقاتك بكل خير . شف يالحبيب اذا ناوي الطلعة علشان الفقع . لاتتعب حالك ترى العلوم هالسنة ماهي ذاك الزود . لكن ابقولك على محيل زين ولقطنا به بعض الفقيعات وربيعه طيب . شف طال عمرك شمال غرب من نقرة الصيد حوالي 7 كم . وعسى الله يوفقنا وياكم وسلامتك.

[عاشق الصحراء]

عزالله انكم ما قصرتو ,

الاخ العزيز الشيشاني: عاشق المجاهيم ( و نعم الهواية )

اشكرك من كل قلبي و كلامك صحيح , لي قريب راح يم الحماطيات
و جاب نصف خيشة صغيرة حوالي 5 كيلومن الفقع و يقول الي يدخل
بين العقمين يبي يملاه بساع , و على ما يبدو انهم سامحين للمتفقعين
في وقت الفقع بس.
شكرا


الاخ العزيز الهلالي:
لك جزيل الشكر على ذكر المكان و ان شاء الله سوف اجد احداثيات
الموقع الي ذكرت من كتاب دليل المواقع الجغرافية و اذهب له باقرب
فرصة و اذا المكان قريب بكرة .

شكرا يالغالي

[الجبل الأشم]

الحماطيات . وبس ........

[عاشق الصحراء]

كلامكم ميه بالميه صحيح , ما عينت شي في المنطقة من عريعرة
الى الصرار, الربيع تبدأ تشوفه و انت متجه الى حنيذ قبله 45 كيلو
و لكن الفقع ما هناش. اما نقرة الصيد ما جيته لان الموتر
الي تحت رجلي من النوع المدلل , عفاش ما يدانيه.و اشوف القارمن
يؤشر الى منطقة بعيدة و صحراوية ما من قار يودي له.

الفقع بالحماطيات.!!!!!!

الامطارالي جت تنفع الشجر اما العشب بدء يقفي.
و سلامتكم.