اهل الخبره بشاص2015

[هواي البر فهد]

السلام عليكم ورحمة الله وبركاته

كل عام وانتم بخير


يانشمي محتار بين شاص البريمي والفطيمي 2015 الفرق عارفه كسسورات هذي معروفه لكن
سوالي
كا عزم وقطع غيار وستخدام

ان شاءلله ناوي طلع شاص 8ريش ونش وهزاز

لكن حترت بين بريمي وفطيمي

سعودي والحييا ماأعجبني

رجااااااااااء سوال أهلا لخبره احد ماجرب شاص لا يجي يسولف من راسه وفلن وفلن

ابي لي جرب

[الصيرمي]

عليكم السلام ورحمة الله وبركاته
وكل عام وانت بخير
بخصوص الجيب مابينهن فرق لا بالعزم و قطع الغيار وحدة
الفرق اكسسوارات فقط
والفرق المهم في نظري بينهن سعر البيع مستقبلا البريمي ارغب في البيع

[روح اللييل]

انا مثلك بالضبط كنت ناوي شاص ، وكنت محتار من عدة امور :
١ ـ بريمي او فطيمي طبعاً السعودي كلٍ يقول انحش عنة .. !
٢ ـ اشترية من الامارات او الرياض .

كثير من الناس نصحني بالبريمي وحاولت اشوف الاكسسوارت والسيارة من داخل ومن الخارج صراحة البريمي فرقة واضح من وجهة نظري وزيادتة تستاهل .
اما بالنسبة لشرائة من الرياض او الامارات الفرق من ٤ الى ٦ آلاف حط في بالك غير السفر والمصروفات سواءاً الطيارة فنادق وغيرها .

ملاحظة مهمة :
الشاص من غير الدفلك يفقد كثيييير من مميزاتة
لا تتنازل عن الدفلك والونش يستاهل كا الف تدفعة فية
الحمد لله شريت البريمي فل كامل من النسيم بـ ١٦٠٠٠٠ وقد لي شارية ٣ شهور اقول ليتني متقدم وزي العسل على القلب .

[روح اللييل]

آ سعرالسيارة : ١٦١٠٠٠

[اسبيدر مان]

وعليكم السلام ورحمة الله وبركاته
اذا انت تدور بريمي ثمان ريش فل بدون رفارف هذا من الصعب تحصله
سبق في موديل 2014 دورت وما حصلت الا دفلوك بدون ونش لان الغالب كله 11 ريشه
الفرق بين البريمي والفطيمي من 7 الى 9 الاف ريال يعني مبلغ مش بطال على اكسسوارات صينيه تقدر انت تسويها
الفطيمي يجي فيه ماطور هواء وليد على الصندوق وجي بي اس وهذي كلها مهب في البريمي

وجهه نظري انا الفطيمي اشوفه افضل ومن الطبيعي تبيعه بأقل من البريمي لان الفطيمي ارخص جديد من البريمي

[عااشق البر]

يالغالي اذا تبي نصيحه بريمي ١١ ريشه
فل كامل عندك فرق بالبريمي ١١ ريشه بالدفرنس الخلفي
ابو٨ ريش دفرنسه الخلفي صغير وشوف بنفسك الفرق

[ابوعمر القاسم]

اذا تبي رايي باترول بيك اب
١- اريح
٢-عزم اقوى
٣-سعره رخيص مقارنه بالتيوتا
٤-التيوتا يناقز واجد
٥-في الخط التيوتا يزعجك عزله
وفي الختام استخر

[عابر الموج]

اذا كان عندك حلال لايمنع من امتلاك الجيب الشاص اما اذا كان لغير ذلك انحش عن الشاص ودور لك جي اكس صالون اوباترول افضل لك مية مرة خذ نصيحة من مجرب الشاص من 99 حتى مديل 2009 والله ماشفت منه غير المناقزووجع الظهريمكن خرجت عن موضوع استفسارك البريمي والفطيمي يفرق عن السعودي بالاكسسوارات والخط السعودي افضل لان خطه لايتغير مع مرور الوقت وبالاخير لك حرية الاختيار بالتوفيق

[جنيفاوي 503]

السلام عليكم
الفطيمي يفرق في عامود التوازن اللي في الدفرنس الخلفي يجي ويفرق بويه تجي افتح من البريمي واليحيى
ونصيحه كانك بتاخذ خذ اليحيى مواصفاته مثل الريمي بس الفرق ان البريمي فحمات ورا واليحيى قماشات وسعر اليحيى 15 فل كامل 125 الف او اقل