جيب الهدد

[خ م خ م]

السلام عليكم ورحمة الله

عندي هدد ابي اغير جنوطه الحديد وكفراته لانه صغيره ونحيفه لكن وش تنصحوني اركب ؟

بصراحه نفسي اركب جنوط وكفرات الجي اكس ار العريضه ..

وش رايكم وماهو نوع الكفر المناسب

[المميـز]

:

جنوط جي اكس ار مع كفرات دانلوب
وممكن تلقا احد يبدل معك بالجنوط حقتك لان لها عشاقها
وتكسب جنوط جي اكس ار اصليه لان التجاريه تخوف ومشاكلها كثيره

:

[الجوكر حسن]

وعليكم السلام


انا معي جيب فكسار 98 جربت كفرات هانكوك عريض على جنوط صيني هلل مبرزات وجنوط 2009 مبرزات وجنوط الوكاله حلو لاكن عيبه يخلص يخلص بسرعه وغالي

وجربت بالون ماكس 900 علامه الجمل بدون رجه على جنوط هلل مبرزات صيني والوكاله حلو لاستخدام البر والنفود كثير التنسيم
ماشاءالله

وجربت بالون مدري هو اسمهن ماكس ولا المهم الي يجيك طويل اطول من علامه الجمل واطول من 900 يرفع الموتر ويحك من قدام لازم ترفعه على جنوط هلل مبرزه صيني والوكاله عيبه كثير الرجه يبي لك ترصيص كثير عليه عمره 9 اشهور على حسب استخدامك وثقال الموتر اخر سرعه له 140 من ثقل الكفرات
والحمدلله مشيت من حائل الى مكه ورجعت لحائل الحمدلله لاكن السرعه امشي 120 ولا 100
ماشاءالله

وجربت دنلوب عريض على جنوط الوكاله ياباني حلو مامنه عيب
ماشاءالله

وجربت دنلوب الحجري طويل بن زقر الاصلي حلو على جنوط هلل صيني

والان على الدنلوب الحجري بن زقر الاصلي على جنوب هلل صينيه
ماشاءالله

كل استخدامي المقاس 16 الجنوط

ماشاءالله

[moath2700]

السلام عليكم .... ا
لاتتعدا ابد (من وجهة نظري ) وانا مجرب ولست متحدث

....................... جنط الهلل سواء اصلي او تجاري مع كفرات الدنلوب الحجري ..

المميزات ...
يرفع الموتر ويعطيه نظره افضل ..
بالبر من احسن مايكون لان الدنلوب لين ويتحمل الارض الوعره ((مع انه لين )) عذروبه الجنب فقط
ليس كل جنط عريض ممتاز ابدا ...



اتمنى تقبل وجهة نظري بصدر رحب ..وان كان ولابد جنط عريض لاتفرط بالبلد ابد ابدا مهما كان الثمن لاتبيعه ابد

[سقم المعادي 1]

اذا مالك حاجة بالحجري او البالون ركب الكفرات العريضة نفس مقاس الجكسار مافيه ازين منهن بالراحه ولا الرساوة

عليك بالهانكوك DYNAPRO من افضل انواع الكفرات جامع الليونه + المكدة

http://i.imgur.com/IxKDGUi.jpg

[خ م خ م]

جزاكم الله خير على ردودكم ونصائحكم