سؤال عن الإطار أو الكفر المناسب

[عمرين العمري]

السلام عليكم ورحمة الله وبركاته
إخوتي الكرام
سيارتي لاندكروزر فكسار 96 واريد أن اغير طقم الكفرات
على جسم السيارة عند الباب الملصق التالي صورته ونزلت الصورة

http://www.mekshat.com/pix/upload06/images/2015/07/mk159834_z.jpg

وفيها ثلاثة مقاسات أو أنواع للكفرات الي تركب له
وأسئلتي هي التالية
أول سؤال بخصوص أول إطار ما فهمت منه شيئ فإيش هو ؟
والسؤال الثاني أيهما أفضل لسيارتي المقاس الثاني أو المقاس الثالث
وجزاكم الله خيراً

[عمرين العمري]

وأكيد إيش النوع الي تنصحوني أشتريه وسلامتكم

[بني سعد]

وعليكم السلام
الاول يستخدم نظام المقاسات القديم بالانشات
والثاني و الثالث يستخدمون نظام المقاسات الجديد بالملي متر
وانصحك بالمقاس الثالث لانه الين في المطب و ارسى للموتر
و ركب كفرات ماكسس برافو 760
وبالتوفيق ان شاء الله

[عمرين العمري]

جزاك الله خير
وأنا أسأل عن الكفرات حصلت ماكسس حجري 285-75-16 مستعمل قليل جدا وتاريخ انتاجه اول 2015 فهل تنصحني فيه وهل ممكن يركب عندي باعتباره عريض زيادة عن المكتوب في الستكر

[بني سعد]

الخوف انه ممكن يحك في الرفرف ولا اقدر افتيك لازم تركبه و تشوف
واذا انت راعي جلد و جبال فالحجري مناسب ولكن اذا اغلب الوقت في الديرة فتراه قاسي

[المميـز]

:

دام موترك فكسار اذا المقاس الانسب لك هو المقاس الثالث
والكفر المناسب لجميع الاحوال هو الدانلوب خط وبر وديره
وبالنسبه للحجري حلو لكن يبي يثقل عليك الموتر لانه حجري وطبقاته اكثر
وعرضه زايد وايضا ارفتاعه عالي وهذي كلها مسببات لتقيل عزم السيارة
والله يكتب لك اللي فيه الخير والصالح

:

[خالد تميم]

اﻷول مقاس باﻷنش للمقاسات اﻷمريكيه حسب مافهمت .
والمقاس الثاني لو كان الجنط شنبر اوحديد سخيف
والمقاس الثالث لوكان الجنط المنيوم اوكروم عريض
وانت حسب استخدامك حددنوع كفرموترك تبي خطوط ورمل اوجبال وشعبان
والشباب مايقصرون كلهم خيروبركه

[عمرين العمري]

الله يجزاكم الخير جميع
معظم إستخدامي للموتر في الخطوط والديره ودخول البر قليل
واليوم سألت عن الماكسيس التايلندي قالوا لي ان المقاس الضيق الكفر بـ 450 ريال والمقاس العريض الكفر بـ 425 ريال والهانكوك منه بـ 440 ريال
وشوروني الله يبارك فيكم

[بني سعد]

دام اغلب وقتك في الديرة خذ الماكسس العريض و ان شاء الله ما تندم
اهم شي يكون تاريخ التصنيع 2015
وبالتوفيق ان شاء الله