منتزة الثمامة البري

[المربعاني]

كل عام والجميع بخير
أثناء إجازة عيد الأضحي إستأجرة مخيم في منتزة الثمامة البري وكان مكان جميل وإستمتعنا فيه بالجلسة والهدوء صحيح إن الجو بارد ولكم بيت الشعر يكون دافئ في النار والجمر يدفيه في الليل .
المخيم مجهز بالإنارة والماء ومكان الطبخ والمسلخ

[المرقاب]

وأنت بخير يالمربعاني

ماهنا صور.

أنا سمعت عنه واجد وشكله مريح للعوائل بس أذا كان فيه عيوب او نواقص يفضل أن يقوم بتأمينها المتنزه نفسه ياليت تعلمنا.

[ابونايف الروقي]

الاخ المربعاني
شكرا على الموضوع واحب اسالك استئجار المخيمات من وين هل لهم مكتب معين وكم سعرها وهل هي عوائل فقط ؟

[غالي]

معليش على اللقافه اخوي
ولكن ابدلو بدلوي :)
في عيد الاضحى العام الماضي
استأجرنا وفعلا جدا جدا ممتاز للعوائل بحيث المخيمات بعيده عن بعضها
ونظافة الارض الا ماندر فيه فار او فارين ولكن جدا المكان نظيف
ومقسوم قسمين مثل التل بين الرجال والنساء
ووسط هذا التل محفور دورة مياه الله يكرمكم ومطبخ يكون مدخل بين القسمين
وكل قسم خيمتين بيت شعر
وحده بمشب والثانيه بدون
يعني عندك المجموع 4 بيوت شعر
صح بيعقدونك بشيء واحد
الكهرباء يطفونه من الساعه 4 تقريبا الفجر
ومايفتحونه الا 5 العصر على ذاكرتي
وصحيح ان سعره مرتفع يعني اليوم تقريبا تقريبا تقريبا لاني ناسي ومو انا الي رايح ادفع اخواني هم الي رايحين فلذلك مالزقت في ذهني تقريبا باليوم 1700 او تزيد او تنقص
حنا جلسنا 6 ايام فوق 7000 او 8000 ريال
وهذا سبب تلقاء الي فيها من الطبقه الغنيه بدون ذكر العوائل
بس الي مقتدر ولا يبي يسافر بعائلته بسبب شغل او غيره
انصحه بمنتزه الثمامه الوطني
وخصوصا هالسنه اطلقوا فيه تدريب الطيران
وهو موجود على الطريق وانت داخل
وفيه بعد الله امان
يعني تمر على تفتيشين ولازم تبرز لهم بطاقة الدخول للمنتزه والا ماتدخل :(
وممنوع طبعا فيه الدبابات
والارض حجريه ليست رمليه
والمخيم الي ماخذينه كان تحت جبال
فا ماادري هل مخيمات تختلف اسعارها ام لا
لاني اشوف مخيمات ماهي بالدرجه الرفاهيه الي عندنا وتكون بعيده جدا جدا وفي تراب بدون جبال وقريبه من بعضها لبعض
طبعا لهم تلفون للحجز وتروح تدفع بس مو عندي حاليا
وهو للعوائل لايقبل العزاب
والله اعلم واسف على الاطاله

[بيرق العزة]

امااااااااا 1700 رياااال ينطح ريااال يوم واحد بس اقول الشرقيه تكفيك ثلاث ايام مرهي على نفسك ونت في احلى وناسه ؟
المفترض اقصى حد خمسمائه ريال وتخب عليها اخرتها فيران

[دغيم]

السلام عليكم

يعطيك العافية أخوي على الموضوع .
ومثل ماذكر أخوي ( غالي ) .
فأنا استأجرت المخيم ثلاث مرات خلال الأعياد .
طبعا كما ذكر أخوي ( غالي ) الأسعار في الأعياد مرتفعة جدا ، والكهرباء تفتح قبل المغرب بساعة فقط ، ولايوجد اي تجهيز من فرش وغيره ، والمساحات تختلف من خيمة واحدة الى أربع خيام ، والمواقع تختلف ، وأفضلها اللى على الجبل ،وهو مكان آمن وجميل .
ولعلي أفرد له مقال مع الصور وأنواع المخيمات ومسمياتها .
تقبلوا تحياتي .

[ابرق الكبريت]

والارض حجريه ليست رمليه

وش خانة البر بدون رمل!!!!!!!!!!!!!!