سؤال جزاكم الله خير هل الباترول يسخن ؟

[بتال511]

السلام عليكم ورحمة الله وبركاته
يا اخوان انا معزم ان شاء الله على باترول ربع 2009 مكينة 4500
ولكن والله كثير ناس حذروني منه
انه يسخن وحرارته ترفع تكفون هل هالكلام صحيح او لا
تكفون ابغى الاجابه من ناس مجربه والله اني محتار
اهم شيء حرارة الموتر ماترتفع لان كان عندي كابرس وبهذل فيني بالحراره عشان كذا حبيت اسألكم وان شاء الله منتم بمقصرين

[أحمد محمد1429]

انت ناوي 2009 يعني مستعمل الله يبارك لك في ماتشتريه لك الحق في الفحص وتشرط على البائع إن المكينه سليمه رأس وسرندل .. أما الحراره ماترتفع حرارته

[R I V A L]

الله يبارك لك مقدما
انا مالي علم فيه
بس حسب كلام اخوياي اللي معه الباترول انه فعلا تطلع فيه الحراره
خصوصا عند المكدة او الرملة
وكأني سمعت بعد ان قيره يخرب بسرعه

هذا والله اعلم

[ابوسند9]

وعليكم السلام
حراراته ممتازه
اذا اشتريت ان شاء الله , على طول اشتر طبلات اديتر اعلى واسفل وبلف حراره وسيخ الاديتر وركب ماء مقطر ,بس شرط قطع اصليه وانتبه تركب تجاري وسعرها كلها ب تقريبا 500 ريال ,بكذا اضمن لك ان شاء الله الى ممشى 200 الف كيلو ما تعرف الحراره ,

[انا العربي]

الباترول حرارته ماترتفع ونيسان سياراته عامه حرارتها الربع والتكييف ثلج
وجربت اكثر من سيارة صني وباترول وددسن

[AL-OTAIBI]

الباترول حرارته ماترتفع ونيسان سياراته عامه حرارتها الربع والتكييف ثلج
وجربت اكثر من سيارة صني وباترول وددسن

كانك تبي الحقيقه فهي نعم الباترول ترتفع حرارته، لكن ترتفع للي ما يعرفله. للي مو راعي زرزرة و تدعيس و ينسم كفراته بالنفود و يهتم بصيانته خذ ولد. لكن اللي يجور عالموتر ترتفع حرارته لو انه اخر موديل.

اما الددسن صحيح انا جربتها ولا واجهت مشاكل بالحراره.

[انا العربي]

كانك تبي الحقيقه فهي نعم الباترول ترتفع حرارته، لكن ترتفع للي ما يعرفله. للي مو راعي زرزرة و تدعيس و ينسم كفراته بالنفود و يهتم بصيانته خذ ولد. لكن اللي يجور عالموتر ترتفع حرارته لو انه اخر موديل.

اما الددسن صحيح انا جربتها ولا واجهت مشاكل بالحراره.

مافيه سيارة تدعس عليها او تجور عليها وخصوصآ تطعيس وماترتفع مستحيل


قال الشاعر
قالوا يحر وقلت قول مزورا ......وقيد الحراره تحسبه خرباني