ياهل مساعدات الرانشو نبي الخبره منكم… وينكم

[كاريرا]

السلام عليكم

ودي اركب مساعدات رانشو مخصصة للفورشتن

قدام وورا وناس يقولون مافيها قدام




الرانشو ورقمه rs9000xl


احد ركبها

وش فوايدها

وش مضارها

هل تفيد بالجبل والبر والخط

اقدر اركب ورا ارتفاع 6 وقدام 5


وين تباع وكم تركيبها

هل لها وكيل وضمان



وايهم افضل مساعادات

فلز وش عيوبها و ش مميزاتها

اولد مان وش عيوبها وش مميزاتها

مرنو وش عيوبها وش مميزاتها

وايهم افضل زيت او غاز



ضروري جواب ياشباب
ياهل الخبره وينكم

[AL-OTAIBI]

لا اعلم عن الرانشو، لكن اذا خيروك بين الزيت والغاز خذ الغاز بلا تردد

[كاريرا]

مشكور يالغالي

ننتضر رد البقية ضروري

[كاريرا]

محد ركبها
وووينكم

[R I V A L]

بصراحة ما ودي اعطيك معلومة مب متأكد منها !!!
بس اللي اعرفه انا عندي سييرا
وحبيت اركب لها مساعدات افضل من حق الوكالة
كنت بركب رانشو بس نصحوني اهل الخبرة انها بتكون قاسية في الشارع !!!
يعني حق بررررررررر
واتجهت للبلاستين
وفعلا ممتازة وروعه جدا
طبعا البلاستين انتو فالسعودية سمعت انكم تطلبونها من الخارج !!!!
امازون ومدري وش

نحن عندنا وكيل خاص بها
وركبتها وسعرها جدا ممتاز مقارنة بادائها !!!
اما المونرو وغيره ما انصحك لاني اسمع الشباب في عدة منتديات سعودية يقولون لو بريال ما آخذها وما ادري بصراحة هل هي فعلا بهذا السوء ام مبالغه

والسموحة،،،،

[كاريرا]

الف الف شكر ماقصرت يالغالي




برضو ابي احد ركبها

ووش عيوبها ضرووووووووووووووووري

[moath2700]

وعليكم السلام ورحمة الله وبركاته ...

الله يسلمكم جميعا من النار يعلم الله اني مجرب المساعدات الرانشو على جمس سيرا 2011 قبل سنتين وشاريهن وسعرهن يعلم الله 2000 ريال

والمساعدات فاشلات فشل ذريع جدا جدا وانصحكم بعدم شراهن لانه دعايه فقط ويعلم الله ان كلامي من تجربه لهم على جمس سيرا .......

والعيوب
اولا ::السعر الباهض لهن وعدم كفائة الاداء ..
ثانيا :: للمساعد يعتقد البعض انه ميزه ((وهي سلبيه ))لانه له تحكم بقساوة وصلابة المساعد من عدمه(فرار بكل مساعد ) وهذي الميزه انه كل ماشديت على المساعد بالفرار اللي مع الجنب يكون ممتاز صلابة المساعد
ثم بعد مطبين او يوم بدون مطبات يرتخي ويكون مثل البلد يلين وكنك يابا زيد ماغزيت ..


فانصحك الابتعاد عنهن لاني زي ماقلت لك اشد عليه بالبر عشان يثبت وجه الموتر مع قدام يرجع ويرتخي ويكون مثل البلد بالضبط ...


ومن ناحيتي انا الان معي بعت الجمس وشريت جيب جكس 2012 دبلت مع البلد مساعد مرسدس ومن افضل شي تضمن الاداء بعد الله وسعر تركيب لهن ب800 لاريال راكبات مع المساعدات والاداء ممتاز جدا جدا (وطريقة التدبيل تركيب قاعده بجنب المساعد البلد ويكون قدام اربع مساعدات)

وفيه ناس يمدحون مساعدات الرمايه بالحيل ورفع الموتر عليك بالكعكه ....

والله من وراء القصد

[كاريرا]

الف شكر

طيب وين اركب يايات بالرياض

ابي محل يركبهن غير الرماية لانهم غالين وعليهم ضغط وانا بكرا بسسافر

[moath2700]

ماني من اهل الرياض ..تعال لبريده وابشر بعزك واجد المحلات عندنا وشغهم افضل الموجود ...ليس لي محل ولاهو دعايه لكن من تجربه

[كاريرا]

شريت من الرماية

يايات ومساعدات

بس ابي ابدل اليايات اللي ورا ابي 6

واللي عندي 4