المموه
08/01/2007, 10:00 AM
كل عام وانتم بخير
بدأت الرحلات البريه وكلاً له وجهه ومكان الله يسلم الجميع . وعندما يخطط اياً منا لرحله ويحدد المكان تجده يقول عسى ما نحصل بالمكان احد او زحمه . والسبب يعود الى وجود من ينكد على الناس رحلاتهم ووناستهم . اما من صغار السن المراهقين اللي تطوروا من الثمامه الى الصمان عقب الاجهزه او من اللي يسوون انفسهم مقلعين ويعتقدون ان البر مراويس ومسجلات وصجه ولجه وتفحيط وصراخ الى اخر الليل ثم النوم الى الظهر لا صلاة ولا عباده . في بداية الوسم غالبا ما يكون الربيع في الفياض المشهوره فقط مثل دغيم وحسنه وجغبقا وام قرين وغيرها . واي واحد يشتهي يقعد بالخضره بين السدر يتمتع ويسولف ويضحك مع رفقته ويطبخ ويشوي بهدو وعقلانيه وتصرفات رجال . الا ان هناك من ينكد هذه المتعه بدورانه بالفيضه بسرعه يغبر عليك او المرور بجانبك وعيونه عليك كأنه يقول وش جايبك هنا ولا يرفع يده يسلم ومنهم اللي ضاق البر عليه وقعد بجنبك ما بينك وبينه الا امتار مادري خايف والا وش قصده يوم يخليك تكلم اخوياك بالسر حتى لا يسمعك والا يجي اخر الليل والناس نايمين ويقعد يطق الخيمه والسيارات شغاله وهواش هو واخوياه على المكان وقربعة قدور واباريق وخاروفه من البرد والدوران ما غير يثاغي واللي مشغل المسجل ورافع الصوت الناس يذنون ويصلون وهو يلعب ورقه او يشاخر بفراشه الى الظهر . وامثله كثيره لأناس غريبين الاطباع لا يقدرون ولا يحسبون للكشاته اي حساب .يعني وش يضرك لو اذا دخلت الفيضه مشيت بهدوء وقدر الامكان ابعدت عن الكشاته وترفع يدك تسلم وتحسن اختيار المكان ما تلصق بالناس لو اضطريت تبعد عن المكان كله وتطق خيمك او رواقك بهدوء وتنام مع الناس بدري وتقوم تصلي الفجر ترى البر نهار الليل للراحه . وودي اتكلم عن النظافه ولكن تشبع مكشات من النصح والارشاد عن ترك المكان افضل مما كان ولا حياة لمن تنادي الا ما قل .
الزبده . الكشتات لها اصول واداب يجب على كلا منا التحلي بها واتباعها خاصة في الاماكن التي يكثر فيها الكشاته وهي قليله في براننا . الله يوفق الجميع والسلام عليكم .
بدأت الرحلات البريه وكلاً له وجهه ومكان الله يسلم الجميع . وعندما يخطط اياً منا لرحله ويحدد المكان تجده يقول عسى ما نحصل بالمكان احد او زحمه . والسبب يعود الى وجود من ينكد على الناس رحلاتهم ووناستهم . اما من صغار السن المراهقين اللي تطوروا من الثمامه الى الصمان عقب الاجهزه او من اللي يسوون انفسهم مقلعين ويعتقدون ان البر مراويس ومسجلات وصجه ولجه وتفحيط وصراخ الى اخر الليل ثم النوم الى الظهر لا صلاة ولا عباده . في بداية الوسم غالبا ما يكون الربيع في الفياض المشهوره فقط مثل دغيم وحسنه وجغبقا وام قرين وغيرها . واي واحد يشتهي يقعد بالخضره بين السدر يتمتع ويسولف ويضحك مع رفقته ويطبخ ويشوي بهدو وعقلانيه وتصرفات رجال . الا ان هناك من ينكد هذه المتعه بدورانه بالفيضه بسرعه يغبر عليك او المرور بجانبك وعيونه عليك كأنه يقول وش جايبك هنا ولا يرفع يده يسلم ومنهم اللي ضاق البر عليه وقعد بجنبك ما بينك وبينه الا امتار مادري خايف والا وش قصده يوم يخليك تكلم اخوياك بالسر حتى لا يسمعك والا يجي اخر الليل والناس نايمين ويقعد يطق الخيمه والسيارات شغاله وهواش هو واخوياه على المكان وقربعة قدور واباريق وخاروفه من البرد والدوران ما غير يثاغي واللي مشغل المسجل ورافع الصوت الناس يذنون ويصلون وهو يلعب ورقه او يشاخر بفراشه الى الظهر . وامثله كثيره لأناس غريبين الاطباع لا يقدرون ولا يحسبون للكشاته اي حساب .يعني وش يضرك لو اذا دخلت الفيضه مشيت بهدوء وقدر الامكان ابعدت عن الكشاته وترفع يدك تسلم وتحسن اختيار المكان ما تلصق بالناس لو اضطريت تبعد عن المكان كله وتطق خيمك او رواقك بهدوء وتنام مع الناس بدري وتقوم تصلي الفجر ترى البر نهار الليل للراحه . وودي اتكلم عن النظافه ولكن تشبع مكشات من النصح والارشاد عن ترك المكان افضل مما كان ولا حياة لمن تنادي الا ما قل .
الزبده . الكشتات لها اصول واداب يجب على كلا منا التحلي بها واتباعها خاصة في الاماكن التي يكثر فيها الكشاته وهي قليله في براننا . الله يوفق الجميع والسلام عليكم .