استفسار يايات استراليه

[فتك 11]

السلام عليكم

استفساري ياجماعه الخير

نبي الفزعه من مجرب

من جرب يايات ومساعدات دوبنسونس الاستراليه طقم كامل 2900 للفتك

وايهم افضل هن ولا ARB اللي عند الرمايه طقم كامل تقريباً 2275


الموتر فتك بلد وركبت العزبه وتانكي ماء 90 لتر وتوها ماكملت العزبه ونزلت خلفيته وبه ردحه مع المطب

وابي ارفعه بدون اي ضرر او ترهيمات وبنفس الوقت يكون المطب معقول ووقفت الموتر طيبه

وافضل رفعه ماتضر بالدفرنس او القير لا حره ولا ونه

مقاس 4 خلفي وامامي 3

او

3 خلفي وامامي 2

الموتر فتك 2015 جنوط 2002 بلد

بيض الله وجيهكم وجمل الله حالكم

[فتك 11]

سبحان الله والحمد لله والله اكبر

[أبو شيري]

وعليكم السلام ورحمة الله وبركاته

أنا مجرب نوعية الأسترالية فيليز اللون الأزرق ممتازة جداً مع المساعد بلد



أما يايات أولد مان اللي عند الرمايه ARB والأغلبيه مجربها وممتازة


ليش تضيف زيادة 600 وعليها عشان تجرب فقط والغرض واحد

ما دام أن النوع المتوفر أقل قيمه وهو من أجود الأنواع خذ ARB بدون مناقشه


أنصحك ما تركب طقم ياي ومساعد أسترالي لأنه بيكون قاسي زيادة
المساعد خلك ع البلد أو أي نوع أخر يصلح لموترك


الكثير يركب طقم ياي ومساعد وبعد فترة ينزلها ويقول تعبت من المطب


بالتوفيق

[majed1111]

فتك 11 ارسل لي رقمك خاص