يااخوان بس احتاج مساعدة اهل الجموس ؟؟؟

[صايد الرجال]

السلام عليكم يالربع هذي تعتبر اول مشاركاتي واتشرف بالمشاركة في هذا المنتدى الطيب والانظمام لكم وانشاء الله افيدكم وتفيدوني وجزاكم الله خير الموضوع الي حاب اتكلم فية واستشيركم واستفيد منكم فية هو موضوع السييرا او الجمس الحقيقة انا احب الجمس مادري ليش ارتحت لها اكثر حتى من الاندكروزر ولاكن فية مشكلة وحدة الجمس بصراحة جميل وينفع ومتعدد الاغراض لاكن فية مشكلة وهو الوعورة او انة قوي جدا في البر او المطبات طيب ممكن هشي نقلل منة او مانروح البر او نستعمل سيارة ثانية ولاكن حتى في المطبات الي هي في الشوارع وداخل البلاد تحصل الجمس وعر جداااا فية يكسر ظهرك او تحس انة راح يخترب من المطبات وسمعت ناس كثير تتكلم عن وعورة الجمس وريافة الجمس ألي يجي طلبية من امريكا او طلبية من امريكا كثير كلموني عن المساعدات وانصحوني فيها منها البلاستين اوماعرف ايش اسمها ولاكن ابي حل جذري للمشكلة واحتاج مساعدتكم في هل الموضوع

[الحربي 591]

الجمس ممتاز لو تجهزه للطرق الوعره... ما يخيبك

فقط غير الصدام ركب صدام صب
و المساعدات واليايات حط نوعيه قويه وشخصيا انصحك بمساعدات كنق اوف رود سعرها للجمس 13 الف
و الباقي خله على الجمس :)

وعيب الجمس مساعداته ضعييفه حقت الشد بلد. وهذا اللي تعاني انت منه الظاهر وانا واغلب ملاكها
. لكن غيرها وحط مساعدات نوع ممتاز مثل اللي قلت لك عز الله ما تمل منه

[وطن العزة]

بالنسبه لقساوة المطب كم قياس الجنط

اذا 20 الله يعينك ، غيره ل17 أو 16 افضلهم

أما المهابد و المطامر حله مساعدات بلستين

ولا تنسى ضغط الهواء و نوع و إرتفاع الكفر كل هالاشياء لها دور

[AL-OTAIBI]

الجموس بالنسبه لي ما تخدمني في الوعر (الحجر) حتى لو جهزته. موتر مصمم للخطوط خذ ولد. هذا رأيي الشخصي. معي جمس ولا اطلع فيه بر و لمبات الطبلون كلها والعه هههههه هذا و هو ٢٠١٢ يعتبر جديد. يمكن استخدامي حمش شوي لكن المفروض يستحمل اذا هو قوي. و صدقني راعين الطرد و الوعر لا يمكن يعتمدون عالجمس و يثقون فيه.

[صايد الرجال]

بس انا قصدي سمعتو يالربع عن مساعدات الفوكس ولالا وايضا انا شفت بعض المقاطع وبعض الصور وبعض الشركات والمحلات الي تخلي الجمس اووف رود يعني تخلية نفس الفورد رابتر يمكن اقل منة بشوي ولاكن شفت هشي في كذا مكان وبالنسبة لقياس الكفرات فهو القياس العادي ولاكن المشكلة في المساعدات اوجزاكم الله خير على الردود

[الحربي 591]

الجموس بالنسبه لي ما تخدمني في الوعر (الحجر) حتى لو جهزته. موتر مصمم للخطوط خذ ولد. هذا رأيي الشخصي. معي جمس ولا اطلع فيه بر و لمبات الطبلون كلها والعه هههههه هذا و هو ٢٠١٢ يعتبر جديد. يمكن استخدامي حمش شوي لكن المفروض يستحمل اذا هو قوي. و صدقني راعين الطرد و الوعر لا يمكن يعتمدون عالجمس و يثقون فيه.



هذا انا قدامك ما اعتمد الا على الله ثم التاهو اللي معي ... شد بلد ولا به اي عله ماشاءالله وعندي لاند لكن اخر مره شغلته قبل اسبوعين

في خطوط ولا بر ولا حجر.. عز الله ما يقصر لكن يبنشر واجد :D

[AL-OTAIBI]

الله يعطيك خيره و يكفيك شره، لكن اسألك هل انت راعي طير او طلعات مقانيص طويلة ، حجرة وعره من غير ردميات
الموتر على طبيعة الاستخدام . بعض الناس يقولك نعم انا راعي طير و تلقاه راعي ملواح في صبخه مفتوحة و بعضهم يقولك انا راعي مقانيص و تكتشف انه راعي عصافير في الصمان. التجربة الحقيقية للسيارة هي في المناطق الحجرية و الحرات . يا رجال ناس على شاصات و مجهزة و يالله تسلم من الحجرة. انا اشك انا الامريكي يمشي ممشى الياباني في الوعر. انا على فكره من عشاق الامريكي و عندي امريكي. لكن اذا بغيت شي ينشد به الظهر و قفت الامريكي و دقيت سلف الياباني.

[ابو البر]

جمسك ما فيه شي
جسمك اللي يبغاله قاعد
مثل الفرو سوا الصناعي او الطبيعي ....مريح ويخفف من التنطيط مع المطبات
انت محضوض وما تدري .