ياهل الخبره وش رايككم ببطارية اوبتيما من ركبها ووش فايدها وعندي كم سوال

[كاريرا]

السسلام عليكم جميعا

عندي ثلاجة تكاية تشتغل 24 ساعة ماتطفي لان فيها مويه واكل ودرجة الحرارة ثابته 10

لكن بعض الاحيان تطفي واستغرب

يقولون بطارية اوبتيما مخصصة لتخزين الكهرب مدة طويلة وقويه

هل هذا صحيح

وناس يقولون بس عمرها طويل

ويقولون البطارية العادية فقط للسلف وماتصلح لحفض الكهرب

اقدر اركب بطاريتين اوبتيما وينفصلن عن الاساسية

او اركب دينمو اضافي

او ادبل الدينمو


جابو ياهل الخبرة

[الكدن1]

اطول مدة تجلس فيها السيارة طافيه
هي التي تحدد حاجتك للبطارية الاضافية من عدمها

[أبو شيري]

وعليكم السلام ورحمة الله وبركاته

ليش تكون شغاله 24 ساعه لايوجد داعي لذلك
اذا السياره شغاله وتمشي سوف يتم تبريد الماء واحتمال كبير يتجمد
واذا توقفت سوف يستمر الماء بارد الى اكثر من اربع ساعات وممكن اكثر اذا كان متجمد بالسابق

بخصوص بطاريه الأبتيماء اللي موجود بالسوق الان ليست كما كانت بالسابق لان المصنع تغير من الولايات المتحدة الى كندا واصبحت جودتها ليست بعيده عن أسي ديلكو وغيرها

ركبت أبتيماء لثلاجه ولا نجحت وبعدها استخدمت بطاريه كوريه 90 أمبير وشغلت الثلاجه اكثر من 6 ساعات بدون تشغيل السياره طبعاً أضافيه .

لذلك أنصحك تركب بطاريه كوريه فوق 100 أمبير اساسيه اذا يشيلها موترك وسوف تخدمك وبربع قيمة بطاريه الأبتيما

سعر بطاريه الابتيما عند الوكيل العقيلات ببريده الصفراء 75 أمبير بـــ 1350 ريال ضمان سنتين

سعر بطاريه كوريه 120 أمبير بـــــ 320 ريال ضمان سنه مع الرجيع تطلع بــ 280 ريال

كم الفرق بينهم !!!!!! وعمرها البطاريتين مع المحافظه سنتين

[كاريرا]

يعني افهم
ان اوبتميا ماتحتفض بكمية كبيرة وقويه من الكهرب


غريبة اجل ليش الناس يشرونها وش فايدتها الاساسية

[ناصح]

تفضل



بطاريات اوبتما optima بين الوهم والحقيقة..؟؟



http://www.mekshat.com/vb/showthread.php?t=591855 (http://www.mekshat.com/vb/showthread.php?t=591855)

[كاريرا]

شقرن ياناصح

طيب اذا شريت هانكوك 100 امبير هل يخرب الدينمو

او اني ادبل دينمو اضافي

او اغير الدينمو واركب اكبر حجم


ح ر ن ا ب ك م

وش الجلي ذي اللي يقولون

نبي اجااااابااااات خبراااا ومجربين

[الكدن1]

بأختصار شديد ومن واقع تجربة
تفرق بطارية أوبتيما عن البطارية العادية بــــــــــــــــــــــــــــــ
1/ سريعة الشحن
2/ بقاء الكهرباء أطول مدة
3/ لا تتأثر بتكرار نفاذ الكهربا
4/ أطول عمرا

من ناحية توفير المال
* لا أنصح بها
لمن تصلح
* للاستخدام الشاق فقط

[كاريرا]

شكرا للجميع
شكرا اخي كدن