تشغيل مكيف على السيارة

[عبداللهzq]

السلام عليكم ورحمة الله وبركاته
أتشرف اني أكون أحد الاعضاء في هذا المنتدى الرائع الذي كم استفد منه شخصية الكثير من المواضيع .
اليوم عندي استفسار عن مشروع تركيب مكيف صحراوي أو فريون بسبب الجيب ما في مكيف خلفي .
الموتر الوالد ما يبي يفرط فيه .
حصلت محول عن طريقة الولاعه حول الكهرباء إلى 220 أو 110
بس ما ادري ينفع أو لا
خصوصا ما بستخدم المكيف الا في سفر 1200كم
وفكرت اني أشغل المكيف على بطارية خارجي بس ما ادري طريقة تشغل المكيف على البطارية كيف ؟
يعني على طول أركب الفيش في الاصابع أو يحتاج محول أو شيء من هذا القبيل ,وكم ساعه يشتغل بالبطارية الخارجي الى وتفضى البطارية ؟
أن شاء الله أحصل عندكم الخبر اليقين ....

http://www5.0zz0.com/2015/09/02/17/331814489.jpg[/IMG]
http://www7.0zz0.com/2015/09/02/17/783792489.jpg

[saudi hummer]

من جدك انت ..المحول هذا لحاجات بسيطه اما المكيف يحتاج محول قوي جدا 2000 واط او اكثر موجود بالسوق ويستحسن تركب بطاريه اضافيه ودينمو تعبئة الكهرب حق السياره تغيرها لهفي ديوتي وتشبكهع مع البطاريه الاضافيه وبعدين البطاريه الاضافيه لازم تكون قوية ومناسبه عشان تتحمل المحول 2000 واط اللي تشبك المكيف عليه وتكون هناك سويجات يعني الشغلة موسهله هذا بينفقع على طول وبيخرب لك مخرج الولاعه ويمكن يحرق الاسلاك

[جنيفاوي 503]

السلام عليكم ورحمة الله وبركاته
اخوي تقدر تشغل مكيف على محول السياره بس اهم شي شف المكيف كم يسحب من واط واشتر المحول اللي يكفيه مثال لاصار
المكيف يسحب 200 واط اشتر 400 واط لان المحول مايعطيك 400 واط صافي يعطيك 250 واط الى 300 واط وفيه مكيف صحراوي انتشر مقطعه من تالي صغير وياخذ لتر ماء ولايسحب كهرب واجد

[صخب]

اخوي فيه مكيف صحراوي يركبونه اصحاب التريلات ويركب مع فتحة السقف صرفه قليل جدا

[عبداللهzq]

الله يجزاك خير
المحول قوته 150 واط
والمكيف فقط 60 واط
ان شاء الله اخذ محول افضل اذا وجد..
بس ما في اي مشاكل اذا شغلته مع الولاعه ؟http://www8.0zz0.com/2015/09/02/22/317950167.jpg

[ابو ناصر2011]

مكيف الفريون شله من راسك لانه اول مايشتغل يسحب ٥٠٠٠الى٦٠٠٠واط بعد كذا يصمل على ٣٠٠٠واط
فما ينفع معه الا ماطور كهرب اما الصحراوي فاتوقع محول يكفيه لانه مايصرف كثير ولا فيه فريون وانما هو عبارة عن دينمو وعوامه وبالتوفيق

[K.S.A.A]

يارجال لاتتعب نفسك ولاتخسر . وبالأخير مكيف صحراوي والله أن وجوده مثل عدمه خصوصا لاصار المكان مغلق أبشر بالرطوووبه ..

جميع فلوسك بس وبع الجيب واشتر جيب في مكيف خلفي ( تكييف مركزي ) وريح راااسك وبرد على نفسك وعلى عائلتك

[الشيخ الظريف]

لا تبيع الجيب المكيف اللي معك صغير ما يستهلك انا معي مكيف صغير واضعه بالسياره يستهلك 65 وات فقط ومركب له محول من 12 ل220 قوة المحول 100 وات فقط والامور ماشيه بس تراي لم اثبته بالسياره استخدمه احيانا عند الجلوس لما الهواء يكون ساكن واحيانا اضع خيمه صغيره لما يكون هواء

[saudi hummer]

نصيحه لاتستخدم حمل عالي على مخرج الولاعه راح يحرق عليك مخرج الولاعه مع الوايرات وراح يكلف تصليحهم كثير .فكرة وضع مكيف بالسيارة ممكنه بس تكلفك كثير وفكره مش بطاله ممكن تركب مكيف مركزي صغير فريون وتثبته على السيارة وتغير دينمو التعبة بالسياره الى هفي ديوتي.وتحط محول من 12 فولت الى 220 فولت قوي جدا وتعمل توصيلات قوية عشان تتحمل وبطاريه اضافية.وشيك باليوتيوب واحد عاملها لسوبر بان.واذا انت بالشرقيه في محل بالدمام اسمه البتار طريق المطار مخطط 91 التجاري جنب المقناص ممكن يفيدك وبالتوفيق