تقرير تركيب ثلاجة السنيدي 11 لتر تثليج مركا جانبية من اجل رحلة مريحة

[كاريرا]

السلام عليكم


هذا تقرير مبسط وسريع لتركيب ثلاجة السنيدي

11 لتر تثليج

مع تلبيسة الرحال بعنيزة

وتلحيم قاعدة للتثبيت من عملي بالمنزل

مع بوية لون اسود

وبعض التعديلات الضرورية بالسيارة لتعم الفاءدة للجميع

واتمنى من الجميع ان يستفيد منها اذا رغب بالتركيب فهي مهمة

نضرا لان فصول الحر اكثر من البرد.

ومع ذلك تنفع لتليج بعض اللحم للرحلات القصيرة .

مع تمنياتي لكم بدوام الصحة والعافية واي سوال انا حاضر

هذا فيدو وهي بمحل رحال قبل تلبيس الاسفنج

لانه عازل فعال وبعد ذلك قماش



RzxWlPOxdRo


هذا مقطع ثاني اكثر معلومات



oYsStn-7jao




وهذا شرح تركيب القاعدة عندي بالورشة المصغره بالمنزل


-Ic0QBcgG3g




نبدا باسم الله

اول شي الحمدالله كنت ابي اركب ثلاجة من زمان لاني
اغلب الوقت امسك خطوط ومشاوير كثيرة وكل شوي
موقف عند بقالة بالذات بالسفر الطويل وهي ضرورية بالنسبة لي
للمكاشيت القريبة والمقانيص الطويلة وهي مهمة بكل سيارة مع العلم
بان فورتشنر 2016 يوجد به ثلاجة شد بلد ولا اعتقد تثليج



تم قص الديكور عند زينات الضاري مع تركيب مؤقت بدون قاعدة
وحبيت اني اعمل قاعدة بنفسي((( وهو اول )))عمل احترافي بالنسبة لي
والجايات اكثر إن شالله والقصد ان الشباب يهتمون بمثل الامور هذي
والمطلوب مكينة لحام وصاروخ وبعض العدة الضرورية مثل الدريل
وانصحكم بساكو لان عندهم ضمان وصناعاتهم جودة عالمية

التلبيس تم عند رحال بعنيزة امام فندق الواحة

نتابع شرح الصور


http://www.m5zn.com/newuploads/2015/09/04/jpg//f74c96201acd5b0.jpg


http://www.m5zn.com/newuploads/2015/09/04/jpg//db70bc7fcc166bf.jpg


http://www.m5zn.com/newuploads/2015/09/04/jpg//e011aae7e40a8e2.jpg


http://www.m5zn.com/newuploads/2015/09/04/jpg//6e0676024b1649f.jpg

http://www.m5zn.com/newuploads/2015/09/04/jpg//c43dc602ac30755.jpg

انتهى ولله الحمد والمنه

واي سوال انا حاضر

[فرخ قطا]

ماشاءالله شغل مرتب ومتعوب عليه

اهنيك ع الفكره والشغل المحلي��

[fahedsul]

شغل سنع والله يبارك لك ان شاء الله
بكم اخذت الثلاجة ومن وين :D

[قناص*07]

ما شاء الله و الله يعيطك العافيه

[المميـز]

:

ماشاء الله تبارك الله
شغل مرتب وابداع بالتنفيذ وشرح واضح ورائع
يعطيك العافيه على المجهود والتصوير وكل شي قدمته
تم التقييم والتثبيت .. بالتوفيق ،،

:

[ناصح]

طيب أين صورة الشغل النهائي للعمل وهي راكبة في السيارة ..؟؟



وهل تم التجربة بعد التركيب ..؟؟

[كاريرا]

وعليكم السلام جميعا

حياك الله اخوي فرخ قطا واتمنى ان الفكرة اعجبتك
الشغل المحلي افضل واضمن لحلالك وارخص
ولله ماكلفني الامترين من الحديد يعني ولا سبعين ريال
لكن الوقت يوم كامل لاني اول مره اشتغل الشغل هذا


حياك الله اخوي فهد

ثلاجة ايكو كمرسن الماني على ماعتقد صينيه ضمان سنة من السنيدي بالف وستميه تستاهل
وتشتغل على طول ماتطفي تثليج


حياك الله اخوي قناص والف شكر على المرور


دايم تحرجنا يالمميز مميز بكل شي حتى اخلاقك هههههههههه

اي ولله ودي الكل يصير عنده مستودع خاص فيه ويشتغل لربعة بارخص شغل

ولو عندي وقت كان قلتلكم حياكم الله تعالو ازين لكم قواعد ببلااااش

والف شكر على التثبيت


اخوي ناصح

يااااخي سلم يالدب دايم مستعجل

اصبر لين الصور تتحمل وشف اخر صورة مكتوب من الامام وومن الخلف
وهي من زمان تشتغل عندي مركبها بدون قاعدة وتوي الحم القاعدة
وتشتغل ميه ميه

والصور
اذا ماطلعن علمني ارسلهن خاص

وشكرا على الملاحضة

[sa13]

ما شاء الله تبارك الله
أحلى شي انه شغلك وتفصيلك بنفسك
الله يوفقك

[ابو يزيد 1]

ماشاء الله شغل مرتب وابداع

[ABO BASIL]

الثلاجة تبقى على طول شغالة حتى لو السيارة طافية ؟؟
وكم تجلس شغالة ماتسحب البطارية ؟
بطارية موتري هانكوك 105 أمبير
دينمو بوش 140 أمبير ( مرسيدس)

وتقبل تحياتي،،،،

[Mohammed5d]

انا كنت بركبها لكن ردني ان مراوحها تسخن الراكب هل الحل اللي سويته يبعد الحراره تماما

[كاريرا]

حياكم الله جميعا واسعدني مروركم الكريم

اخوي ابو باسل

السيارة تطفي من المشاوير قبل النوم تقريبا 11 واشغل السيارة الصباح

يعني الوقت كافي اذا هي تشتغل من بطاريتين هانكوك 80 امبير مع منضم رفيق الدرب

صارت عندي مشكلة يوم شبكت الثلاجة الكبيرة يتاخر التثليج يلزمني بطاريتين اوبتيما

بخصوص سيارتك لاتركب اكبر من الوكالة حتى لو كبرت الدينمو راح يحرق عليك اضفيره مثل ماقريت

لكن تقدر تدبل نفس دينمو الوكالة للبطارية الثانية مع العلم بان اوبيتما سريعة الشحن عكس البطاريات العادية
وتخزن طاقة اكبر لكن غالية
وطريقتك هذي كم لك سنه مسويها وهل لها مضار او فواءد



اخوي محمد

صحيح اول شي كان الهوا الساحن يجيني من جنب

لكن ركبت المرواح الثثلاث عشان يبرد الكبرسن ويثلج بسرعة ويخف صرف البطارية اذا ثلجت بسرعة

والهوا الساحن ينزل من تحت وومرتاح جدا جدا

ولا ادري عن اي حراره بالعكس كذا مريح بالحيل

حاليا درجة الحرارة بالشمس 46

وتثليج الثلاجة 10 مشكلتها ان الشمس عليها ولازم احط عليها شماغي او احط الشماسة النيكل على القزاز الامامي

[كاريرا]

ملاحضة

.
.
.
.
.
.
ترا المراوح كلها شفط للداخل وليس للخارج
.
.
.
.
.
.
.
والهوا الساخن ينزل من تحت يوم سويت فتحة والقاعدة مرتفعة عن الارض مقدار شبر ونصف

[ASR]

ما شاء الله شغل مرتب

[بن نويشر]

في نظري انك تعبثت بالموتر ، وعلى ثلاجة ما تسوى ، غاليه وحيزها جداً صغير ، وحتى بالرحلات البرية ما تزبن نهائي . تبي الصراحة لو انك مرهم للشنطة الخلفية بثلاجة 35 او 50 لتر كان افضل بكثير ... تقبل نقدي من اخوك الكبير وترى أنا كنت عضو من اعضاء الفورنتشر سابقاً.

[كاريرا]

حياكم الله جميعا

موجود ثلاجة 35 بالخلف يالله يالله للذبيحه وكم قارورة موية

اما الثلاجة اللي قدام نقدر نثلج الببسي والحمضياااااااااااااااااااااااااات وقوارير الموية


بخصوص غالية
صحيح لكن اذا هي تعيش اكثر من خمس سنين فهي فايدة كبيرة وانا مرتاح لان مشاويري كثيرة يالغالي
ومخليةها تشتغل اغلب الوقت 24 ساعة

شكرا لتفهمك

[كاريرا]

هذا شرح مبسط عن تركيب ثلاث مرواح تبريد لثلاجة 35 لتر


اتمنى ان الجميع يستفيد

http://www.mekshat.com/vb/showthread.php?p=10558488#post10558488

[dm0z.com]

شكراً لك وثلاجة جيدة

[بر الوالدين]

ماشاء الله تبارك الله

[fashahry]

ماشاء الله تبارك الله الله يعطيك خيرها ويكفيك شرها

هل سويت لها تسليك خاص والا عن طريق الولاعه

[نسيم الجنوب12]

رحمه الله وجعله شفيعا لاهله

[الحاتمي2006]

السلام عليكم
الثلاجه هذي انا مركبها من عام 2011 ولله الحمد إلى تاريخ كتابة هذا الرد شغالة
سبق اني كتبت عنها موضوع موجود بمواضيعي والرابط

هنا (http://www.mekshat.com/vb/showthread.php?422512-%C5%E5%CF%C7%C1-%E1%C3%CE%E6%ED-%C7%C8%E6-%D3%DA%E6%E6%CF-%CA%CC%E5%ED%D2-%C7%E1%C8%C7%CA%D1%E6%E1-%DD%CA%DF-2011-(-%CB%E1%C7%CC%C9-11-%E1%CA%D1%E6%ED%DF%E6-%E6%C8%D8%C7%D1%ED%C9-%E6%E3%CB%C8%CA-)&highlight=)


والحقيقة ان اللي جرب الثلاجه عند التكاية مايستغني عنها لا بحل ولا بسفر

خاصة اذا كان شغلها مضبوط مثل شغل اخونا صاحب الموضوع

واحتياجات الثلاجه الخلفية تختلف اختلاف تام عن احتياجات ثلاجة التكاية


واسألو مجرب ............ والله انها تنصفط للصديق اللي مثلكم وشرواكم

[كاريرا]

وعليكم السلام


هل سويت لها تسليك خاص والا عن طريق الولاعه

نعم ضروري سلك عريض 10 ومن البطارية الاحتياطية مع فيوز وفاصل اصلي

حياك الله اخوي الحاتمي

صحيح انا مشغلها 24 ساعة بالصيف

والحمدالله الكمبرسن للحين ماخلص من وقت تركيبها

واغلب الاحيان تشتغل وقت الحر والخطوط الطويلة وذا طفيتها مايزيد عن ثلاث ايام اذا مانيب بحاجتها بالذات بالبرد

والف شكر على المشاركة