المساعد الشخصي الرقمي

مشاهدة النسخة كاملة : ناوي باجيرو 2016 ومتخوف ؟!


ابو ريان222
07/09/2015, 07:41 PM
السلام عليكم.. واسعد الله جميع اوقاتكم
اعجبني الباجيرو ميستوبيشي بسبب سعره المغري وانا محتاج جيب وامكاناتي المادية على قدي
والباجيرو سعره مناسب تقريبا
لكن اخاف اشتريه واتوهق فيه خرابات ووكيل وصيانه ولطعات
لاني سمعت من بعض الاصدقاء انها تشرب البنزين شرب عجيب وسيارة ثقيلة في تحركاتها كأنها شاحنه ؟
وقطع الغيار غير متوفره؟..
فحبيت استشير اخواني ( مستخدمي) هذه السيارة ..
هل هي سيارة تحمل وخط ومشاوير
لاني بصراحة اكرف السيلرة وماودي تصيح وتطلب وتعطلني وقطعها متوفره وكذا
وكيف هو العيسائي الوكيل؟
يااخوان بشتريها تاجير منتهي بالتمليك يعني ماابي اي توهيقات
ابي سيارة زي اللاند كروزر وكذا

وشكرا لكل من يتفاعل.
صخب
07/09/2015, 07:46 PM
http://www.mekshat.com/vb/showthread.php?t=694554

ادخل على الموضوع اعلاه
الفهيد بدر
07/09/2015, 08:59 PM
خذها وانت مغمض موتر كفو من واقع تجربه والقطع متوفرة بالوكالة
ابو ريان222
08/09/2015, 01:58 AM
كلام شبه مطمئن
الله يجزاكم خير
أبو راشد 33
09/09/2015, 08:01 AM
من تجربة سابقة لميتسوبيشي إشكالية القطع التي يتحدث عنها الناس هي عدم توفر القطع خارج الوكالة
لكن في الوكالة تتوفر أغلب القطع خصوصا الاستهلاكية
سقم المعادي 1
09/09/2015, 12:09 PM
لو تاخذ برادو افضل منه شكلاً +جودة + قوة + مواصفات + توفر قطع
ابو ريان222
09/09/2015, 03:30 PM
لو تاخذ برادو افضل منه شكلاً +جودة + قوة + مواصفات + توفر قطع

كلامك صحيح لكن فيه فرق ف السعر تقريبا 50 الف ريال !!!
مسير عليهم
09/09/2015, 05:04 PM
السيارة معي من اسبوع موديل 16 مكينة 3800

بخصوص البنزين ليست مشكلة في المكينة انها تصرف لكن التانكي صغير حجمه 88 لتر وهذا يعيب الباجيرو لكن كصرفيه معقول داخل المدينة مشاني فوق 450 كم طبعا بنزين 95 وفل التانكي 50 ريال

مسأله ثقل السيارة ماحسيت بثقل زايد كما وصفت انها شاحنه بالعكس مثل السيارة الصغيرة

القطع متوفره لدى الوكيل وبعض الموزعين واذا انت متردد وتقارنها باللاند الافضل تجرب
ابو ريان222
09/09/2015, 07:14 PM
اليوم رحت للعيساائي فرع جدة
وماعنده الا فل الفل ابو علامات ذهبية ب ١٢٥ الف ريال هذا بالنسبة للـ 3800
الفهيد بدر
09/09/2015, 09:10 PM
اشتر من المعارض أرخص واللي يقلل من جودة الباجيرو ما جرب
ابوراكان تبوك
09/09/2015, 10:00 PM
صرفه تقريبا مثل صرف الجكسار

لكن سعره يطيح بشكل خرافي وبيعه ثقيل في خلال سنه ينزل من قيمته اكثر من 40%

حتى لو ماتبغى تبيع ع الاقل ترتاح نفسيا من ناحية السعر

ومن ناحية فيه مميزات جميله وياباني ماهو ملفق

لا اعلم سر عزوف الناس عنه وطايحين في الفورتشنر وهو اوسع وارحب منه



استخير قبل شراء اي سياره والشي اللي ترتاح له سويه
الذيب المنسدح
09/09/2015, 11:08 PM
السلام عليكم السياره . حقت مكده بتخدمك سنين
لكني سمعت انه بيتغير شكلها موديل 2017 ياليت تتاكد . الا اذا كان مايهمك الشكل

بالتوفيق ان شاء الله
ابو ريان222
10/09/2015, 03:33 PM
السلام عليكم السياره . حقت مكده بتخدمك سنين
لكني سمعت انه بيتغير شكلها موديل 2017 ياليت تتاكد . الا اذا كان مايهمك الشكل

بالتوفيق ان شاء الله

اشكرك واشكر كل من تفاعل مع الموضوع
وجزاكم الله خير
دام الشكل بيتغير اجل بأجل الموضوع شوي
بصراحة الشكل يهمني
ولأني ايضآ متوقع تغييرات كبيرة وجذرية بصراحة
والله اعلم
كلها ستة شهور وينزل الموديل الجديد
نصير ونشوف
سقم المعادي 1
10/09/2015, 11:55 PM
كلامك صحيح لكن فيه فرق ف السعر تقريبا 50 الف ريال !!!

مهوب شرط تاخذ جديد 2015

خذ مستعمل نظيف و حتى لو بغيت تبيعه في اي وقت زبونه جاهز عكس الباجيرو قليل من يرغبه
ابو ريان222
11/09/2015, 02:10 AM
والله يااخوان اني ممتن لتفاعلكم
لكن وصلني طرف علم ان الشكل بيتغير في موديل 2017 تغيير جذري
لذلك فضلت الانتظار

لاحرمكم الله الاجر