ياهل الباترول الربع

[al-qthami]

السلام عليكم
كيف حالكم عساكم طيبين وبصحه
.
.
.
.
.

ياحماعة الخير :
انا عندي باترول ربع ومثلكم عارف انه مايشيل وخصوصا اذا ماودك تشيل مرتبه من المراتب اللي ورى
فاودي اسئلكم عن محل بعنيزه او حولها يركب لي شبك علوي وكم تكلفه الشبك مع التركيب
وقبل الشبك العلوي يركب لي تانكي ماء
وابي منكم النصيحه هل الافضل خارجي او داخلي ولكن الداخلي انتم ابخص ياهل الباترول انه مايشيل
هو زين انه شال عزبتين والدوافير والفرشات
فافيدوني الله يرفع قدركم ..

[مكسر الشداد]

ابعد عن الشبك العلوي قدر المستطاع وشيش هوا صرفيه بنزين لازم تربط تربيط قوي تقل بتحج ،،،
التانكي الخارجي بالحر ماتقدر تغسل منه من شدة الحراره
ولا ياخذ ماء حط تانكي ورى فرش ويكون في مستوى المراتب الخلفيه اذا سدحتهن فقط ثم يبي يصير الموتر ورى مع سدح المرات بمستوى التانكي صندوق ددسن حمل على راحك وان ركب احد ورى اصفط وحده من المراتب بس،،،، وانطرب مع الربع بالبر معي ايام الشباب عشررر سنوات لازلت اتذكر تلك الايام الصالون ياخذ ويريحك لكنه بالصحرى والنفود وطب بينهن فرق خاصة مع الجلد والصحرى،،، ومفق خير اخوي

[al-qthami]

ابعد عن الشبك العلوي قدر المستطاع وشيش هوا صرفيه بنزين لازم تربط تربيط قوي تقل بتحج ،،،
التانكي الخارجي بالحر ماتقدر تغسل منه من شدة الحراره
ولا ياخذ ماء حط تانكي ورى فرش ويكون في مستوى المراتب الخلفيه اذا سدحتهن فقط ثم يبي يصير الموتر ورى مع سدح المرات بمستوى التانكي صندوق ددسن حمل على راحك وان ركب احد ورى اصفط وحده من المراتب بس،،،، وانطرب مع الربع بالبر معي ايام الشباب عشررر سنوات لازلت اتذكر تلك الايام الصالون ياخذ ويريحك لكنه بالصحرى والنفود وطب بينهن فرق خاصة مع الجلد والصحرى،،، ومفق خير اخوي


عافاك
الله يامكسر الشداد , انشهد ان الموتر مابعده موتر
لكن يضايقني بالحيل بشيل العفش لكن بإذن الله ابلقاله حل
وابحاول ادور لي محل يرفع المراتب واحط التانكي تحته

[N.m.a]

لا يخيي اسمعني

ركب تانكي 70 لتر سدح وحط اغراضك فوقه ياخذ بالضبط عزبة الطبخ وجنبها الشاهي وجنبها الدافور والثلاجة على مرتبه الراكب ورا والحمد لله والشكر وصف فرشك وباقي اغراضك فوق العزب يبي لك تكتكه بس ويزبط

بتقول ابي تانكي 200 لتر عاد صعبة غير الموتر

[راعي المقانيص]

فكرت بالقلص ؟

[أبو سيف العمري]

قلص سحب أفضل بكثير للي عنده عفش كثير ورحلته تزيد عن اليومين

مثل هذا (( للعلم هذا قلصي قاصه من 10 سنوات أو أكثر )) وخادمني في السفر والرحلات
رغم توفر جميع السيارات لكن لا غنى عنه في الرحلات الطويلة المدى .

https://scontent.cdninstagram.com/hphotos-xpf1/t51.2885-15/e15/10919669_336098739912538_1680890639_n.jpg

http://www.m5zn.com/uploads2/2012/1/18/photo/011812040126a6k78mghjma.jpg

ميزة القلص إنه يريح السيارة في البر تقدر تخللي عفشك وأغراضك وتتمشى للمقناص وإلا تجيب شي وتعود ولا تشيل ولا تحط


ولكن إن كانت رحلاتك من أبو 24 وساعة وحواليها
فنصيحة الزميل أدنتاه أفضل حل ..... وبالتوفيق

ابعد عن الشبك العلوي قدر المستطاع وشيش هوا صرفيه بنزين لازم تربط تربيط قوي تقل بتحج ،،،
التانكي الخارجي بالحر ماتقدر تغسل منه من شدة الحراره
ولا ياخذ ماء حط تانكي ورى فرش ويكون في مستوى المراتب الخلفيه اذا سدحتهن فقط ثم يبي يصير الموتر ورى مع سدح المرات بمستوى التانكي صندوق ددسن حمل على راحك وان ركب احد ورى اصفط وحده من المراتب بس،،،، وانطرب مع الربع بالبر معي ايام الشباب عشررر سنوات لازلت اتذكر تلك الايام الصالون ياخذ ويريحك لكنه بالصحرى والنفود وطب بينهن فرق خاصة مع الجلد والصحرى،،، ومفق خير اخوي

[al-qthami]

بيض الله وجيهكم انشهد انكم كفيتوا ووفيتو
والقلص طرى على بالي لكن يثقل على الباترول ومكاشيتي تسايده ..
وانت مشاء الله يابو سيف عزالله ان القلص شال اغراض عزالله انه زين
لكن كلام n.m.a اقنعني مع انه 70 لتر صغير شوي بس ابجربه

طيب هل المرباع او السنيدي بما اني بالقصيم
يفصلون قطه قماش او حاجه من الرواق تمنع الغزبه والاغراض تدخل على اللي راكب ورى
بحيث تكون كاعازل بين العزبه والركب الخلفي ... ؟

[NissaN 1990]

فصل تانكي سدح يجي أقل شي 100 لتر وركب مراتب متقابله تلقاه بالتشليح بيطلع ممتاز او شف هذا الرابط
http://www.albreah.com/vb/t27342.html

[عبون الجواء]

اذا لك رغبة في التانكي موجود عندي سدحه المنيوم 80 لتر استعمال خفيف ملبس بالشراع
طبعا سيارتي ربع باترول مراتب جوانب 2008

[al-qthami]

بيض الله وجيهكم ... انشهد انكم ماقصرتوا
جايك ياعيون الجواء جايك

[al-qthami]

ياعيون الجواء عيو علي الجماعه ادخل عليك بالخاص هههههههه
مير وش تقول عن التانكي وبكم تعطينياه

[عبون الجواء]

ي هلا ومسهلا شف في الاعلان عارضها البيع في قسم البيع