اضافة مروحه للهايلوكس 2007

[زِد صدودك]

السلام عليكم ورحمة الله وبركاته
حي كلن باسمه

بِسْم الله الرحمن الرحيم والصلاة والسلام على اشرف الأنبياء والمرسلين ..

انا كانت عندي مشكله الي هي مكيف الهايلوكس اذا وقفت يضعف تبريده او ما عاد يبرد وهذا حال اغلب المواتر الي مروحة كرنك يضعف التبريد اذا وقفت
الوكاد اني ركبت له مروحة اضافيه وحبيت اوريكم واشرح الطريقه للفايده لاني بصراحه انا دورت شرح للهايلوكس ما حصلت

اول شي المروحه انا خذيت الصينيه ب90ريال مقاسها 12v80w(صناعية العاصمه محل الشائع)
ثاني شي ضفيرة طبعا الي ماله خبره بالكهرب ياخذ ضفيرة زينون من محل الزينه ب50 ريال
ثالث شي قواعد للمروحه انا ركبت قواعد البوري من سياره عندي

هذي المروحه
http://i.imgur.com/7jN2UgS.jpg

هذي الضفيره
طبعا انا صورتها بعد ما نقصت سلكين مالها لزوم

http://i.imgur.com/JiNZpbC.jpg

هذي السلكين الي شلتها كلها لونها اسود و واحد منها فيه خط ابيض

http://i.imgur.com/BQbhNB9.jpg

هذي الأسلاك الي تخليها ( سلكين لونها احمر متقابله وسلكين لونها اسود مشبوكه مع بعضها وسلك بني لحاله) حبيت أوضح

http://i.imgur.com/opkheas.jpg


هذي السلكين واحد منها فيه فيوز توصل الي فيه فيوز لموجب البطارية والسالب لو حبيت فالبدي او فالبطاريه براحتك

http://i.imgur.com/koWkXRU.jpg

والكتاوت

http://i.imgur.com/bPuuEEh.jpg

بشرح التمديد كل سلك وين مكانه بس اعذروني بعض الأسلاك نسيت اصورها بس بوضح بالكلام
(تأخذ السلك الاسود الطويل وتحطه مع الأحمر الطويل تحصله جنبه عطول وشرطنها عشان ما تضيع هذي تروح للمروحه مباشره وتركب (الأسود مع سلك المروحه الأزرق والأحمر مع الاسود ) عشان اتجاه دوران المروحه

السلك البني يروح للفيش حق حساس الكومبرسر طبعا الفيش فيه سلكين تركبه بالسلك الي فوق موضح بالصوره والله يعينكم مكانه عسر شوي

http://i.imgur.com/dOsMECs.jpg

وهذي صوره ثانيه شف السلك جاي من هالفيش الى فيش الكومبرس تركبه فيه

http://i.imgur.com/dJoeGav.jpg

اخر شي سلكين الكهرب الأساسيه حقت البطارية
الي هي اسود واحمر قصيره مثل ماهو فالصوره

http://i.imgur.com/dya4oMh.jpg


القواعد الي تجي مع المروحه البلاستيك ثبتها بلحام بارد

http://i.imgur.com/bI21IlC.jpg

http://i.imgur.com/Ax02s9F.jpg

المروحه بعد التركيب

http://i.imgur.com/9NZda0n.jpg

ملاحظه: المروحه لا تسحب كهرب كثير او تضعفه ولا تسبب اي شي للموتر ومجربه ويشهد علي الله

اسف ع الاطاله واتمنى كل شي واضح واذا فيه شي انا موجود ويالربع والله الموضوع أتعبني هنا اكثر من شغل السياره ههههههه والصور مدري بتضبط ولا لا لاني من الجوال ومستخدم برنامج لكن اذا ما طلعت بيكون فيه رابط الصوره

فمان الله استودعتكم الله

[زِد صدودك]

وين ردودكم يا شباب فيه شي ناقص بالموضوع ولا موضوع غير مهم

[AL-OTAIBI]

ابدااع و شغل مرتب بس انتبه تعكس الاسلاك حقت المروحة، كيف التبريد بعد التعديل؟
ما فكرت تركب مراوح كهرب بدال مروحة الكرنك؟

[زِد صدودك]

تبريده بالنسبه لمروحه صينيه جيد جدا
لا الهايلوكس مروحة الكرنك غلطان الي يفكها وأساسا مكينته ماهي قويه ومراوح الكهرب بتطيح حرارته
بس انا مركب مراوح كهرب حقت جمس ٢٠١٠على جمس ٢٠٠٣ بدال الكرنك اذا تبون شرح لها ابشرو بي

[الحربي 591]

يعطيك الف عافية على الموضوع... ;)
...موفق خير

[زِد صدودك]

الله يعافيك وأشكر مرورك الجميل

[انا العربي]

تبريده بالنسبه لمروحه صينيه جيد جدا
لا الهايلوكس مروحة الكرنك غلطان الي يفكها وأساسا مكينته ماهي قويه ومراوح الكهرب بتطيح حرارته
بس انا مركب مراوح كهرب حقت جمس ٢٠١٠على جمس ٢٠٠٣ بدال الكرنك اذا تبون شرح لها ابشرو بي

يعطيك العافيه ياليت تشرح لنا وتخبرنا كم السعر وهل بعد الترهيم فرررق كثير ولا شيء بسيط
عندي تاهو2002ولي فوق3شهور وانا ودي اركب له مرواح كهرب والى الان

لافضيت ولاجزمت :D

[زِد صدودك]

الله يعافيك اخوي انا العربي السعر ع حسب فالتشليح حصلتها حدود ٧٠٠ ريال الي انا ركبتها من موتر واحد من الشباب صادم عليه الفرق كبير اول شي المكينه ترتاح ثاني شي بيصير نشيط الموتر لكن الأهم التمديد دور لك خبره لان الامريكي كهربه مشكله واساس لو غلط فالتمديد بيضعف كهرب الموتر والبطاريه بتفضى كل شوي
لكن انصحك الاختلاف كبير جدا

[الذاهب]

[CENTوعليكم السلام ورحمة الله وبركاته
الأخ /زد صدودكRIGHT][/CENTER][RIGHT]موضوعك ممتاز وكثير يعاني من هالمشكله
كم لك من يوم ركبت المروحة
هل يوجد فرق في التبريد خااااصة إذا كنت واقف

[زِد صدودك]

حياك الله اخوي الذاهب
الفرق ماهو شوي مع العلم ان تماتيك مروحة الكرنك خربان وفوق كذا الاضافيه تبرد المكيف وانت واقف