المساعد الشخصي الرقمي

مشاهدة النسخة كاملة : تجربتي مع تنجيد المراتب الجلد شد البلد للكزس 430


فاقد الأمل
22/09/2015, 05:23 PM
بسم الله الرحمن الرحيم


أعزائي أعضاء منتديات مكشات ... مرحباً بالجميع

الكل يتعرض لمشكلة تشقق مراتب جلد الوكالة للكزس وغيرها من السيارات لأنها مع الوقت والشمس والحرارة تيبس وتتقطّع ..

وأنا صار لي تجربة مع هالمشكلة في سيارتي اللكزس 430 في المراتب الأمامية وغطاء التكاية اللي بينهن ..

في البداية رحت أدوّر عن مراتب مستعملة في التشاليح ولكن :( نفس الشي أحصلها متقطعة أو ميبّسة وجاهزة للتشقق فقررت أبحث عن محلات التنجيد اللي تشيل التنجيد القديم وتركب جديد .. رحت للصناعية القديمة والغرابي وبعض المحلات في صناعية الخليج وحصلت مختلف الأشكال والخامات .. ولكن لاحظت تفاوت في الأسعار .. والفرق ماهو 50 ريال أو 100 ريال بعض المحلات الفرق فيها حوالي 500 ريال والشغل ماهو ذاك الزود وبالصدفة كنت مار من شارع معارض النسيم وتذكرت محل تنجيد قديم في نفس الشارع إسمه الحسيني .. رحت له وشاف مراتب سيارتي كما في الصور

http://www.mekshat.com/pix/upload06/images/2015/09/mk259377_r2.jpg

http://www.mekshat.com/pix/upload06/images/2015/09/mk259377_333.jpg

http://www.mekshat.com/pix/upload06/images/2015/09/mk259377_r3.jpg

http://www.mekshat.com/pix/upload06/images/2015/09/mk259377_t1.jpg

http://www.mekshat.com/pix/upload06/images/2015/09/mk259377_r1.jpg

زي ماتشوفون .. أنوع التشقق وصاير شكلها يفشل
إتفقت مع مدير المحل إسمه أبو عوض رجال حبيب وشقردي وطيب وتعامله زي العسل شرواكم على السعر وصار سعرهم أرخص محل مريت عليه من المحلات السابقة لأني بصراحة أعرف إنهم قديمين بشغلة التنجيد والعزل والتظليل والحماية .. بس ماسبق وإشتغلت عندهم . . وبعد ماخلصت السيارة في نصف يوم وهذا يعتبر وقت قياسي رحت أجيب السيارة وهذي النتيجة بالصور ...


http://www.mekshat.com/pix/upload06/images/2015/09/mk259377_rr1.jpg

http://www.mekshat.com/pix/upload06/images/2015/09/mk259377_rr4.jpg

http://www.mekshat.com/pix/upload06/images/2015/09/mk259377_rr5.jpg

http://www.mekshat.com/pix/upload06/images/2015/09/mk259377_ss1.jpg

http://www.mekshat.com/pix/upload06/images/2015/09/mk259377_ss2.jpg

http://www.mekshat.com/pix/upload06/images/2015/09/mk259377_tak.jpg

بصراحة الجلد جداً ممتاز .. وكذلك الخياط ماعليه كلام :good2: وبصراحة بغيت أغيّر تنجيد المراتب الخلفية مع إنها سليمة بعد ماشفت شكل السيارة بعد تنجيد المراتب الأمامية :D

أتمنى إني أفدتكم بالمشاركة لأني أعرف وأشوف سيارات بعض الشباب من الزملاء عندهم نفس المشكلة ..

الله يحفظكم جميعاً وكل عام وأنتم إلى الله أقرب
بربنجي
22/09/2015, 06:06 PM
شغل مرتب
نشكر هذي المحلات الي تعطيك سعر وجوده
ونفس الوقت نتمنى انهم لا يستغلون الشهرة ويرفعون الاسعار
Mohammed5d
22/09/2015, 06:57 PM
دعايه للمحل
م.سعيد
22/09/2015, 07:51 PM
الجلود حتى لا تتشقق، لازم تستخدم مطريات ( ملينات ) خاصة تباع عند بعض المحلات مثل ساكو...
الافضل انك تكمل شغلك وتنجد الكراسي الخلفية حتى يكون الشكل واحد ومتناسق
Obu-Nasser
22/09/2015, 08:03 PM
الاخ ابوعوض
عندكم تلميع مراتب عادية

دعايه للمحل
+١
فاقد الأمل
22/09/2015, 11:33 PM
رداً على أخوي أبو ناصر والأخ محمد.. إذا الواحد إستفاد من تجربة أو دل الناس على محل يستفيد منه الجميع، هذا في نظركم يسمى دعاية؟ المحل ذكرت إسمه لأن في كثير من الأعضاء بيسألون عن المحل وموقعه.. والله يرزق راعيه.. لكني من 6 شهور وأنا أدور وحبيت أفيد الناس فجزاكم الله خير، حنا في عشر مباركة ولعل الناس ينفعون بعضهم من التجارب وكما قال المصطفى عليه الصلاة والسلام ( خير الناس أنفعهم للناس) والمحلات كثيرة بالرياض وممكن تحصل أرخص منهم.. الله يحفظكم
المهاجر انا
23/09/2015, 10:50 AM
الله يبارك فيك وفي الجميع لكن ياليتك كتبت التكلفه
أبو تركي1
23/09/2015, 12:32 PM
ما شاء الله تبارك الله

شغل مرتب وجميل
Obu-Nasser
23/09/2015, 03:22 PM
رداً على أخوي أبو ناصر والأخ محمد.. إذا الواحد إستفاد من تجربة أو دل الناس على محل يستفيد منه الجميع، هذا في نظركم يسمى دعاية؟ المحل ذكرت إسمه لأن في كثير من الأعضاء بيسألون عن المحل وموقعه.. والله يرزق راعيه.. لكني من 6 شهور وأنا أدور وحبيت أفيد الناس فجزاكم الله خير، حنا في عشر مباركة ولعل الناس ينفعون بعضهم من التجارب وكما قال المصطفى عليه الصلاة والسلام ( خير الناس أنفعهم للناس) والمحلات كثيرة بالرياض وممكن تحصل أرخص منهم.. الله يحفظكم

السلام عليكم
مساء الخير فاقد الأمل
اعتذر منك اعتذار شديد
ردي من باب الضحك
Daym
23/09/2015, 05:28 PM
جزاك الله خير على الافادة
فاقد الأمل
25/09/2015, 09:02 PM
هلا بك أخوي أبو ناصر.. حفظك الله وأسعدك. وما في خاطري شي
فاقد الأمل
25/09/2015, 09:06 PM
أخوي المهاجر.. التكلفة 900 ريال لجميع الشغل المذكور.. ولاحظت السعر على حسب درجة تلف المراتب، وكذلك نوع وجودة الجلد اللي تختاره.
فاقد الأمل
25/09/2015, 09:09 PM
مرحباً بك أخوي دايم
ابوحاتم77
28/09/2015, 10:12 PM
تجربه جميله وموفقه ..... والله يجزاك خير


اكيد ذكرت تجربتك للفائده