وجهة نظر ورائي ونقاش

[بربنجي]

السلام عليكم
اخواني ليش حنا وانا واحد منهم ندفع اكثر في السيارة مع اني اقدر اخذها باقل نفس السعر والموديل بس الفرق فقط في الكماليات
مثلا الفورد تجد اكثر من نوع ولكن الاساسيات كلها نفس الشي
الماكينه والقير والدفرنس واشياء اخرى
لكن الاختلاف جلد او فتحه او ديكور وشاشة dvd
وانا كمستخدم يهمني الجوده قبل الي شي
ولا بالعكس حسب خبرتي البسيطه كل ما قلت التقنية بالسيارة صارت عملية اكثر
واذا على الدي في دي اشتر لاب توب وتشوف اي فيديو تبيه وفيه ورد واكسل وملفاتك والعاب وغير وانتهى الموضوع
والفتحه نادر ما نستخدمها سواء الجو حار او بارد او مطر او غيره يعني ماهي ضرورية مره
وجهة نظر ومنها توفر مبلغ لا باس به

والله اعلم

[AL-OTAIBI]

كلن ينام عالجنب اللي يريحه، بالعكس انا اشوف تعدد الخيارات افضل واللي يبي يختار. في ناس الكماليات عندها اهم شي. و في ناس على حسب استخدامها. فيه مقانيص يبون الفتحه عشان اسهل في الصيد و في ناس يبون الفتحه عشان يفتحها نص و يكشخ فيها تتعدد الاسباب. و ترا مو كل الناس تبي الاعتماديه ولا كان دجت شركات السيارات الغير الاعتماديه تلقا واحد يدفع قيمة في فلكسواجن نص فل و تطلع عليه اغلى من قيمة افالون فل مثلاً. هذا يسمونها قناعات شخصية. ولو هي مو ماشية ما استمرت فيها الشركات.

كذلك في شركات توفر خيارات في انظمة الدفع الرباعي للي يحتاجها مع انه يقدر ياخذ سياره دبل بدون انظمة زحف و دفلك و تراكشن بعضهم يبي كذا و بعضهم يبي اكثر.

تعدد الخيارات ينفعك انت اولاً كعميل وليس ضدك. اذا ما تبي الكماليات لا تاخذها واذا تبيها ادفع الفرق و خذها
تخيل شركة تويوتا تقولك ما عندي الا gx هدد تبيه ولا اقضب الباب؟!

[بربنجي]

وجهة نظر سليمه اخوي العتيبي
فعلا كلام مقنع
لكن انا قصدت للي ما يبي كماليات ليش يكلف على نفسه ويقترض عشان يشتريها