ماهو سبب هذا؟؟؟؟؟!!!

[ابويزن العمري]

السلام عليكم ورحمة الله وبركاته..
تحيه طيبه لاخواني أعضاء منتديات مكشات..
أخوكم جديد في رياضة السنوركل ونزلت اول مره قبل رمضان ابغى اصيد من الكساره ولكن فيه قلاوي قبل الكساره وبما اني اول مره بحثت عن الصيد والتعلم هناك مايقارب ساعتين وبعدين اتجهت الى الكساره مااخذت دقايق ع الكساره الا وصابني غثيان المهم ماقدرت اتحمل ورجعت وانا راجع لاحظت اني اذا سبحت يجيني الغثيان واذا وقفت على الشعب على رجولي اعزكم الله ارتحت وراح عني الغثيان وعلى هالحال لين قل عمق المويه وصرت امشي لين الشاطئ وطلعت والغثيان ماسك معي ولا ارتحت الا بعد ماستفرغت الله يكرمكم طبعا بعد محاولات.... ابغى اعرف وش السبب وآسف على الاطاله...... وشكرآ

[tawmw]

حياك الله اخوي..
اتوقع اصابك دوار البحر.. او انك مكثر اكل قبل السنكرة
ان شاء الله الموضوع مؤقت ويعدي... بس دامك جديد على السنكرة اوصيك انك تحرص على سلامتك اكثر من حرصك على الصيد يعني لا تنزل لوحدك ولا تنزل لاعماق مانت متدرب عليها ولا تدخل والموج عالي.
بالاضافة إلى الحرص على المحافظة على الشعب وعدم تكسيرها وصيد الاحجام والانواع المرغوبة للاكل.

ادري اني شتلت الموضوع... بس المعذرة منك.
أخوك...ابو هشام

[jeddah_diver]

طبيعي لانك تكون ماكل شي ثقيل ع المعده او ماكل دسم بوقت قريب من الغوصه دايما قبل الغوصه بفتره حاول اكل شي خفيف مثلا موزتين وحبتين تمر تمام .. مثل ماقال اخونا بالرد فوق ماقصر .

لكن انتبه تغوص لوحدك الحذر الحذر ممكن تجيك السامبا او بلاك اوت الاغماء لازم يكون معك زميل .

[ابويزن العمري]

ماقصرتم الله يعطيكم العافيه

[ابويزن العمري]

بالعكس اخوي ابو هشام معاك حق لازم نحافظ على الشعب والحمدلله مااصيد الا اللي يوكل واحجام معقوله وبدون مبالغه الحمدلله

[جبل شار]

احيان اذا النظارة مشدودة زيادة على الوجه ممكن يصير معك كذا