اين اجد اوبتيما ضمان الوكيل استبدال محل سنتين او اكثر

[كاريرا]

السلام عليكم
اين اجد اوبتيما ضمان الوكيل استبدال محل سنتين او اكثر

يعني اذا خربت يبدل بوحده على طول
ولايماطل

الرياض
او القصيم

[المميـز]

:

فنون الكهرب ببريده يبيعها لكن بالنسبه للضمان ببي لك تسأله
ان شاء الله يضمنها لك وبالتوفيق ،،،

:

[ناصح]

الضمان عند الوكيل

والبطارية لها أكثر من وكيل الآن تفضل هنا

بطاريات اوبتما optima بين الوهم والحقيقة وتجارب مستخدميها..؟؟ (http://www.mekshat.com/vb/showthread.php?t=591855)

[AL-OTAIBI]

هههههه انا راح بالي على سيارة اوبتيما من كيا، قلت شعنده ذا يتشرط و يبي استبدال سياره ههههههه

[كاريرا]

راسلت واحد من الرياض عنده ضمان سنتين

اوم العقيلات يقول سنه ونص

ورفضت لاني دافع الف وعليها

وان شالله خير

[أبو شيري]

أنا أقول أصرف النظر عنها وخذ لك كوريه بـ 250 ريال وكل سنيتن مثلها أفضل من الأوبتيما
لانها ما راح تعيش معك أكثر من سنتين

أنا شخصيا أخذتها من الكويت من الوكيل هناك ولا أستفدت منها للثلاجه والاضافات

والان مركبها في صالون للعايله ما يستخدم كثير وكل عشر ايام او اسبوعين اجي اشغله ما يشتغل وهي بطاريه اوبتيما اللي يقولون عليها لو تأخذ سنه ما شغلت تشتغل
والله أسبوعين ما يشتغل الا اشتراك

عليك بالكوريه وكل سنتين بدل جديده

[اللهم اغفر لي]

حسب كلام الإخوان ماننصحكً بالبطارية الي ذكرتها

[كاريرا]

السلام عليكم

دورت بطارية كتر بلر

وبوش اللمانية

مالقيتهن وكيل او موزع

واهم شي الضمان

http://www.amazon.com/Bosch-S6508B-Flat-Plate-Battery/dp/B010T866D2/ref=sr_1_6?s=automotive&ie=UTF8&qid=1444426187&vehicle=2012-76-1005------------1-0&sr=1-6&ymm=2012%3Atoyota%3A4runner

[جنيفاوي 503]

السلام عليكم
نصيحه انحش عنها شريتها من شارع الريل الصفراء 55 امبير ب950 ريال ومركبها اضافيه والله ماكملت شهرين وخربت
والحين يالله تشغل محول الكهرب 700 واط نص ساعه وعقبها يطفى واول عندي ددسن عليه بطاريه هانكوك 50 امبيراساسيه لها عندي حول السنتين وزي الحلاوه وتشغل المحول من 4 الى 5 ساعات متواصله ويبقى فيها حق تشغيل الموتر
وان كانك تبي بطاريه قويه نزلت انواع تجي مضغوطه. صناعتها ياباني نوعها FB تلقى قوتها 115 امبير تجي مثل حجم 60 امبير صغيره
وان كانك صامل على الاوبتيما لابغيت تشريها شيك على الاصابع
لاتصير بايزه لان بعضهن او اغلب اللي في السوق مجدد

[كاريرا]

السلام عليكم

الحمدالله شريت اكبر حجم صفرا وشغلت كنود وثلاجتين كبيرة وصغيرة تثليج ولمبتين من باب الاختبار
من الساعة وحدة الضهر لين الساعة عشر بالليل

اوما الثلاجة الكبيرة لحالها من ثمان الصبح للمغرب ومازاالت تشتغل وطفيتها لان الوقت هذا كافي بالنسبة للطلعات


لكن فيه مشكلة مع منضم رفيق الدرب


رحت للرياض ورجعت اكثر من مرة ومازالت لمبة الشحن تالع

يعني البطارية جالسة تشحن للحين مع اني اني ماشي اكثر من 800 كيلو مادري متى تطفي اللمبة
او متى تمتلي البطارية

وذا استمرت المشكلة هل فيه مشكلة

[الكدن1]

السلام عليكم

الحمدالله شريت اكبر حجم صفرا وشغلت كنود وثلاجتين كبيرة وصغيرة تثليج ولمبتين من باب الاختبار
من الساعة وحدة الضهر لين الساعة عشر بالليل

اوما الثلاجة الكبيرة لحالها من ثمان الصبح للمغرب ومازاالت تشتغل وطفيتها لان الوقت هذا كافي بالنسبة للطلعات


لكن فيه مشكلة مع منضم رفيق الدرب


رحت للرياض ورجعت اكثر من مرة ومازالت لمبة الشحن تالع

يعني البطارية جالسة تشحن للحين مع اني اني ماشي اكثر من 800 كيلو مادري متى تطفي اللمبة
او متى تمتلي البطارية

وذا استمرت المشكلة هل فيه مشكلة
مافيه مشكلة لو حطيته بدون منظم
فائدة المنظم حماية البطارية الاساسية من النفاذ

[---ابو يوسف-]

تلقاه عند الحميدي اخر شارع الريل وانت متجه غرب يجي علي يمينك اخذت الصفرا 1250 ريال مقاس 75 وجاري التجربه وان شاء الله تطلع زينه

[d3izol]

بطارية اوبتيما تلقاها عند العقيلات في بريدة وهو وكيلها في السعودية. اخذتها منهم قبل فترة وعليها ضمان سنتين واعرف واحد من ربعي خربت معه بعد سنة وثمان شهور وبدلوها له مباشرة بجديدة.


تلقى اسم العقيلات في موقع اوبتيما على انه وكيل السعودية وهذا يعطيك مصداقية وانا تعاملت معهم اكثر من مرة تعاملهم مريح ويشحنوت لك اي طلب تبيه

[العقاري1]

سبحان الله و الحمد لله و لا إله إلا الله و الله أكبر .