وش رايكم في الباجيرو؟

[حرقوصي]

السلام عليكم
كلكم تعرفون ان الباجيرو اسعاره الحالية في الحظيظ
وداخل راسي اشتري جديد
لكن استعمالي للجيوب في البر والديرة والخط
اكرف الموتر كرف
يعني الحين معي افجي 2012 مشيته 190 ألف كيلو والمفروض انه ماشي اكثر لانه قد توقف 4 شهور
المهم ابي رايكم فيه بشكل عام
انا طاحت عيني عليه لانه صالون وانا متزوج وابي سيارة اكبر
بس ودس اعرف جودته بشكل عام وش رايكم فيه؟ وش عيوبه؟

Sent from my Nexus 5 using Tapatalk

[مكسر الشداد]

انا رائيي تركبه مستعمل او تجربه،
وترى قيمته تخبن عليه

[عمرين العمري]

http://www.mekshat.com/vb/showthread.php?t=694554

[أبومحمدالشهري]

مناسب جدا سعره ، وخاصة على حجمه وخدمته
توكل على الله وخذه مريح جدا وعزم مقبول جدا ومرضي

[سقم المعادي 1]

بما انك مستخدم اف جي مهب مالي عينك الباجيرو والله اعلم , مايمنع انك تجرب و فيه محلات اجار يتوفر لديها

[الفهيد بدر]

سياره اعتماديه أكثر من التيوتا والنيسان بس قطع البدي غاليه مره وثقيل بالقومه مقارنه بالافجي ويؤدي الغرض

[حرقوصي]

الله يجزاكم خير ويكثر من امثالكم
انا ما عاد تهمني القومة ولا الفزة ولا غيره
يهمني هل هي سيارة اعتمادية او لا فقط
لان وضعي عائلي حالياً وتفكيري في المشاوير والروحة والجية
اما بالنسبة لقطع الغيار فهو معروف عنه فلكي
لكن اذا قارنا سعره وغلاء اسعار قطع الغيار مقارنة باسعار باقي الجيوب
تبقى في النهاية الافضلية للميتسوبيشي مهما دفعت فيه لانه من الاساس رخيص ولو دفعت اللي دفعت ما راح اوصل لسقف اسعار الجيوب الحالية لتويوتا

Sent from my Nexus 5 using Tapatalk

[ابن روزه]

سعر الفل كامل 3.8 في الرياض 102 الف ريال
سعر ممتاز يعادل سعر سيارة صغيرة

[ابوراكان تبوك]

من اف جي لباجيرو بتحس انك تمشي على رجليك بعد الاف جي

نصيحة اخسر 500 او 1000 ايجار وجربه واكرفه حتى تحكم عليه

الناس طاحو فيه وصار حديث المجالس

وانا شفته مع زميل لي 2015 ولفت نظري نظام من الخلف فريول ومقصات وليس دفرنس

[azd]

السلام عليكم انا جربته اكثر من 20 سنه شريت 4 موديلات السياره كد ومد وانسا الخراب اذا استعمالك عادى بدون تهور
والسياره على سعرها والمواصفات بلاشششششششش لوبتقارن بنفس السعر مع سيارات اخره
اجر سياره كم يوم وشوف
لكن اختار 3800 اذا تريد تسرع
اما اذا استعمالك هادئ 3500 يمشئ
واترك عنك كلام الناس
اهم شئ لاتضايق نفسك بشراء سياره غاليه وموجود بديل

[عاشق الصيد 1]

السلام عليكم انا جربته اكثر من 20 سنه شريت 4 موديلات السياره كد ومد وانسا الخراب اذا استعمالك عادى بدون تهور
والسياره على سعرها والمواصفات بلاشششششششش لوبتقارن بنفس السعر مع سيارات اخره
اجر سياره كم يوم وشوف
لكن اختار 3800 اذا تريد تسرع
اما اذا استعمالك هادئ 3500 يمشئ
واترك عنك كلام الناس
اهم شئ لاتضايق نفسك بشراء سياره غاليه وموجود بديل

و أنا مجرب له و ايد كلام أخي بشدة
من تجربتي لأخر واحد و مديله 2004

هناك عيبين في السيارة :
ليست سيارة سفر مشاوير طويلة إذا أنت تنشد الراحة
ثانياً مزعجة عند الدوس على عيون القطط

غير كذا سيارة يعتمد عليها بشدة و يكفي أنها ياباني أصلي .

[بربنجي]

و أنا مجرب له و ايد كلام أخي بشدة
من تجربتي لأخر واحد و مديله 2004

هناك عيبين في السيارة :
ليست سيارة سفر مشاوير طويلة إذا أنت تنشد الراحة
ثانياً مزعجة عند الدوس على عيون القطط

غير كذا سيارة يعتمد عليها بشدة و يكفي أنها ياباني أصلي .



عاشق الصيد تقصد ما ينسافر عليها ما تزبن بالسفر او غير مريحه مره
لانها تفرق
يعني اذا اكانت زينه بالسفريات هذا الاهم

[عاشق الصيد 1]

ما أقصد أنها غيرمناسبة للسفرمرة او لا يعتمد عليها
لا هذا ظلم للسيارة

القصد أن مقايس الناس لمستوى الراحة مختلفة
أحد ما يهمه السفر بأي سيارة شرط تكون جيدة و مكيفة و لا تتعطل بالطريق
وشخص ثاني يتضايق من أي شيء بالسيارة مثلا صوت الهواء يحب السرعة
يتوقع أنه يبي يمشي بالجيب 200 و هو محمل مثلا

مثل ما قلت لك الناس تختلف
لذلك أنا أنصح أنك تستأجر سيارة جديدة لمدة يوم واحد و تقدر تحكم من المعلومات اللي عطيناك اياها
بالإضافة الى التجربة الشخصية .
موفق إن شاء الله

[azd]

عاشق الصيد تقصد ما ينسافر عليها ما تزبن بالسفر او غير مريحه مره
لانها تفرق
يعني اذا اكانت زينه بالسفريات هذا الاهم

السلام عليكم السفر يحلا السيارات الصالون وليس الجيبات اليابانيه عمومن

[مكسر الشداد]

ترى مافيه شاصي يعني مقصاته ومساعداته معلق بالبدي وهذى الي يخلي الضوضا والمطب فيه واضح عن بقية الجيوب

[ابوراكان تبوك]

صحيح يامكسر الشداد انا لاحظت هذا الشي

وجود مقصات خلفيه وعكوس فريول زي نظام الاكسبديشن بالضبط

ما اظن قوته مثل قوة الجيوب الدفرنس لانه نظام التعليق بالشكل هذا ثقل الموتر من الخلف متعلق في مسمار كبر مسمار السسته للجيوب الاخرى

[abukade]

السلام عليكم

سياره لا يعتمد عليها وقطع غيار غالي ولا اي واحد يسويلها صيانه والوكاله نار

مع واحد من الشباب في سنه غير مكينتها مرتين مع ان المكينه جديده آخذينه من الكويت

صاحب السكراب في الكويت سألته كيف الباجيروا قال لا تأخذ الا نيسان او تويوتا

مع انه متخصص بالباجيروا مايشري ويبيع الا فيه

موفق لكل خير

والاستخاره لاتنساها