المساعد الشخصي الرقمي

مشاهدة النسخة كاملة : يااااأصحاب الباثفندر الفزعه


دخينه
13/01/2007, 07:59 PM
أخواني : أريد أفضل طريقه لتشغيل الدبل الثقيل أو الخفيف للباثفندر وماهي أفضل وضعيه له من ناحيه النمر بالشرح الممل إذا تكرمت.
مكحل الحنشان
13/01/2007, 08:26 PM
اذا كان موترك قير عادي

الدبل الخفيف عادي انك تشغله والموتر يمشي يعني اذا جيت تدخل غراز مايحتاج انك توقف عشان تدق الدبل الخفيف بس من ناحيتي انا اتوقع انه لازم تدوس على الكلتش وما اتوقع انك تحتاج غير الاول والثاني وميزة الخفيف حطه بواحد ولا يوقفك شي لانه نمرته وسيعه
والدبل الخفيف هو Hi

الدبل الثقيل لازم توقف السيارة عشان تشبكه واتوقع انك لازم تفضي النمرة بعد
بس نصيحتي لا تستخدم الثقيل الا بالحالات الصعبة مثل الغراز وانك بتسحب موت مغرز ولا انصحك بالاول لانه بصير جدا ثقيل

ادري اني مافدتك بشي ولا عطيتك علم جازم بس الجود من الموجود واتوقع ان الموضوع سهل جدا

وللمعلومية بعض الاحيان لما تفك الدبل وانت واقف ماتروح لمبة الدبل الا بعد ماتحرك

وشوكلرن
دخينه
13/01/2007, 08:53 PM
يشرفني مرورك أخوي مكحل ومن ناحيه القير فهو تماتيك ومشكووووووووووووووووووووووووووور.
صياد مبتدئ
14/01/2007, 11:15 AM
التماتيك يا طويل العمر سالفته بسيطة
وقف الموتر، و حط القير على النيوترال N و ثم ركب الغيار اللي تبيه.بس خل بالك لما تبي تركب الخفيف 4l لازم تضغط عصاية الجير لي تحت و بعدين تسحبها لي ورا.

و إن شاء الله يجيبلك معلومات أكثر المرة الجاية
كبريت
14/01/2007, 11:31 AM
التماتيك يا طويل العمر سالفته بسيطة
وقف الموتر، و حط القير على النيوترال N و ثم ركب الغيار اللي تبيه.بس خل بالك لما تبي تركب الخفيف 4l لازم تضغط عصاية الجير لي تحت و بعدين تسحبها لي ورا.

و إن شاء الله يجيبلك معلومات أكثر المرة الجاية

توضيح بسيط:

4L : هذا التغير الثقيل اللي هو آخر شيء وهذا لا تحطه الا في الازماااااااات
4H : هذا الخفيف اللي هو طقه وحدة بس هذا ابد خذ راحتك فيه
دخينه
15/01/2007, 12:26 AM
أشكركم على التوصيات الرائعه ......................الله يعطيكم العافيه@@@
هاوي الشعبان
17/01/2007, 01:27 PM
اخوي دخينه

موضوعك جيد وتشكر عليه لأن الفائدة ما راح تفيدك إنت بالذات لكن راح تكون الفائدة مشتركة على الجميع إن شاء الله
أما أخونا / مكحل الحنشان
فأنا عندي تعليق بسيط على كلامه بالنسبة للدبل الثقيل تفضلت بأنه لا يستخدم نمرة واحد في حالة الغراز أو السحب طيب أنا أبعطيك موقف حصل لنا مع واحد من الشباب سحب له شخص مغرز وخوينا هذا معه باثفندر وكانت السيارة عزمها مرة ممتازة يعني ما عنده خلاف من ناحية الدزق فلما سحب السيارة الرجال كان حاط الدبل على الثقيل والقير على الثاني تفاجأنا إن الباثفندر احترق الدزق حقه وصرنا كلنا نحتاج المساعدة .
فالسؤال/ هل العلة كانت في وضع القير (أي إنه كان في الغيار الثاني) فأنا أتوقع ذلك.
لكن أنا أشوف أنك إذا كنت في وضع حرج مثل غراز أو سحب أحد إنك تضع القير في نمرة قوية مثل (واحد) والدبل في وضع الثقيل بس بشرط إنك ما تحمي على السيارة.
هذا والله تعالى أعلم .
أبرق دمعة
17/01/2007, 08:36 PM
بالنسبة للعادي : تفضل أخونا مكحل الحنشان


أما التماتيك فهو شبيه بالعادي .. .. الخفيف أرفع رجلك عن البنزين واشبك الخفيف .. وإذا تبي ( حط القير بN )

وترى ما فيه مشكله وانت تمشي .. ...

أما الثقيل : فيجب أن تقف السيارة وتضع القير على ( N) وتعشق الثقيل .. ..

أرجو أن أكون قد أفتدك

وشكراً لكم ،،


http://www.mekshat.com/pix/upload/sign/images/mk39342.gif