الفرق بين الباترول 320 حصان والباترول 400 حصان ؟

[حصان القايله]

السلام عليكم ورحمة الله
الأخوة الأعزاء
طبعا الفرق معروف بينهم هذا 320 حصان و الثاني 400 حصان
الأول القير 6 سرعات والثاني 8 سرعات

لكن نبي نعرف الفرق في الاستخدام للناس اللي استعملت السيارة ،،،
يقولون 320 أفضل في الاستخدام
أما 400 حصان القير غير عملي والمكينة يجي فيها اصوات مع الاستخدام و احيانا ينقص الزيت ولله اعلم

ياليت اللي استخدم يفيد اخوانه في المنتدى ...

http://newcrossoversuv2015.com/wp-content/uploads/2014/09/2015-Nissan-Patrol-Front.jpg

[MSAN]

400 حصان مساعدات هيدروليك وبطنه وتعليقه مختلف.. مافيه عمدان توازن


بالتوفيق

[GX.3]

ماذبحنا الا كلمة

يقوووووووووووووولووون

[اتجاه السحاب]

الـ ٣٢٠ القير 5 تغييرات
الـ ٤٠٠ 7 تغييرات
إذا تبي السرعة والخف بالعزم خذ الـ ٤٠٠
أما قولت يخرب القير هذا كلام شريطية ومتعصبين تايوتا بالعكس قير الباترول من أقوى قيور السيارات الدفع الرباعي
طبعاً انا معي ٣٢٠ لكن أنصحك بالـ ٤٠٠ تراوه يطرب القلب وأقل صرفية وأريح للمكينة وأقوى بالنفود
لكن خذ جديد وتمتع بالقيادة
مراتب مريحة عزل ممتاز قيادة ممتعة
والتجربة خير برهـان ..

[حصان القايله]

400 حصان مساعدات هيدروليك وبطنه وتعليقه مختلف.. مافيه عمدان توازن
بالتوفيق
تسلم اخوي MSAN
ضنك يكون غير مريح عشان ما فيه عمود توازن ؟

[حصان القايله]

ماذبحنا الا كلمة

يقوووووووووووووولووون
صحيح كلامك اخوي
لكن والله قالوها ناس عارضينها للبيع يعني من باب الأمانة

[حصان القايله]

الـ ٣٢٠ القير 5 تغييرات
الـ ٤٠٠ 7 تغييرات
إذا تبي السرعة والخف بالعزم خذ الـ ٤٠٠
أما قولت يخرب القير هذا كلام شريطية ومتعصبين تايوتا بالعكس قير الباترول من أقوى قيور السيارات الدفع الرباعي
طبعاً انا معي ٣٢٠ لكن أنصحك بالـ ٤٠٠ تراوه يطرب القلب وأقل صرفية وأريح للمكينة وأقوى بالنفود
لكن خذ جديد وتمتع بالقيادة
مراتب مريحة عزل ممتاز قيادة ممتعة
والتجربة خير برهـان ..
تسلم اخوي والله يجزاك خير عالنصيحة
من يطول الجديد ... الجديد مرره غالي
الله يرزقني وياكم من واسع فضله

[الوعب]

للاسف ان شكل السيارتين تقريبا متشابه ،، ولكن في الواقع الفارق كبير بين السيارتين ،، ولا تتضح الصوره الا عند الاستخدام .

انا اشتريت 320 كامل المواصفات و في نفس الوقت صديق مقرب لي اصر ياخذ 400
والله بعت السياره مامشت 750 كيلو

و السبب ماهو قصور في ال 320 حصان
ولكن بعد تجربه استخدام ال 400 حصان اتضح الفارق الكبير بين السيارتين

الفوارق الملحوضه بذكرها بالهم ثم الاقل اهميه

1- فارق كبير في صرفين البانزين لصالح ال 400 حصان
2- خف و نشاط السياره شي واضح و شخصيا لا اتنازل عنه
3- نظام الهيدرولك العملي (السهل الممتنع) لاترفع ولا تنزل السياره ،، مجرد اختار وضع الاستخدام و السياره راح تغير نظام الهدرولك بشكل متوافق مع الوضع المطلوب سواء رمل ولا ازفلت . الفرق في الهيدرولك مايكون واضح في البر الا بعد سرعه 40 او 60 فما فوق

الملخص .. لو فلوسك اسعفتك .. خذ 400 اقل مواصفات
ولا تاخذ 320 اعلى مواصفات

و ان خذت 320 مافيه مشكله ابدا ،، ولكن نتحدث عن المقارنه بين السيارتين

بالتوفيق

[ابوسند9]

وعليكم السلام
ال 320 مو سهل ويطلع على الكزس قومه وخط
لكن اللي يبي زود طرب ياخذ 400
لكن ال 400 يبغى تغير زيت القير من 30 الى 40 الف كيلو مع تنظيف الفلتر
وزيت المكينه كل 5 الاف كيلو .
وزيت القير برميل ب 800 ريال 20 لتر تكفيك 4 تغييرات
وما يميز الباترول الجديد ان قطع الغيار ارخص من الكورولا

[AL-OTAIBI]

وعليكم السلام
ال 320 مو سهل ويطلع على الكزس قومه وخط
لكن اللي يبي زود طرب ياخذ 400
لكن ال 400 يبغى تغير زيت القير من 30 الى 40 الف كيلو مع تنظيف الفلتر
وزيت المكينه كل 5 الاف كيلو .
وزيت القير برميل ب 800 ريال 20 لتر تكفيك 4 تغييرات
وما يميز الباترول الجديد ان قطع الغيار ارخص من الكورولا

زيت القير يتغير على 80 الف اول مره و بعدها كل 40 وهذا مو بس بال400 حتى ال320 و حتى الفتك.
و زيت المكينة مو شرط 5000 حط زيت ابو 10000 وامش عليه 10000
وزيت القير ترا حتى الفتك الشكل القديم زيته خاص و الجالون ب 800 و اكثر واسم الزيت ماتك اس. و ما يحتاج انك تشتري جالون
كل ما جيت بتغير زيت قير رح الوكاله و هم يغيرونه لك بسبعمية ريال

ولعلمك ترا قيمة الشمعه الامامية بالباترول الجديد بثلاثه الاف ريال تقريباً

[الحربي 591]

وعليكم السلام
ال 320 مو سهل ويطلع على الكزس قومه وخط
لكن اللي يبي زود طرب ياخذ 400
لكن ال 400 يبغى تغير زيت القير من 30 الى 40 الف كيلو مع تنظيف الفلتر
وزيت المكينه كل 5 الاف كيلو .
وزيت القير برميل ب 800 ريال 20 لتر تكفيك 4 تغييرات
وما يميز الباترول الجديد ان قطع الغيار ارخص من الكورولا


كان شفته كل ما اناظر يمين ويسار :)

[تميم2222]

الموترين كلها تجمل ما شالله من واقع استخدام 5 سنوات وللمعلومه. مخدومه في الغرابي شارع الزينه بشكل خيالي

[راعي الجيوب 1]

وعليكم السلام
من تجربتي في البترول من موديل 2010 قير عادي وتوماتيك 320 !! وجربت باترول 400 حصان من تجربتي لسيارتين اشهد شاهده حق ان الفرق واظح جدا لصالح البترول 400 حصان قوه ونشاط في ألقومه ! ثبات في الخط ! قل صرفه البنزين ! خفه وقوه في صعود الكثبان الرمليه وبدون تنسم الايطارات ! نظام الهدروليك لا يعلو عليه شي وافظل من هيدروليك جيب الكزس بختصار موتر طرب هذا ما لحظت الفارق بين السيارتين فمن جرب البترول 400! حصان لن يتنازل عنه إطلاقا !!
وفق الله الجميع

[ابوسند9]

زيت القير يتغير على 80 الف اول مره و بعدها كل 40 وهذا مو بس بال400 حتى ال320 و حتى الفتك.
و زيت المكينة مو شرط 5000 حط زيت ابو 10000 وامش عليه 10000
وزيت القير ترا حتى الفتك الشكل القديم زيته خاص و الجالون ب 800 و اكثر واسم الزيت ماتك اس. و ما يحتاج انك تشتري جالون
كل ما جيت بتغير زيت قير رح الوكاله و هم يغيرونه لك بسبعمية ريال

ولعلمك ترا قيمة الشمعه الامامية بالباترول الجديد بثلاثه الاف ريال تقريباً
اخوي العتيبي
معي 400 2014
ومعي فتك ماشي نص مليون كيلو
وعندي من الزملاء حول 20 واحد معاهم 320 من موديل 2010 وطالع وكلهم راعين مقناص وكلها عليها بالون واعرف السياره مسمار مسمار زي ما اعرف الفتك من موديل 2002 الى اخر موديل وكلامي للفائده للاعضاء والزوار ولك
الان بتكلم عن ال 400
زيت المكينه ما انصح بزيت كا بترومين اللي علبتة ب 60 ريال ويمشيك 10 الاف, لان صدر المكينه فيها فلتر وبكذا يسكر ويطلع عندك صوت بلوف
ال 400 ضروري تغير الزيت كل 5000 الاف كيلو والزيوت انواع واشكال والاهم تختار اللزوجه المذكوره في الكتالوج صفحة 4-9 والخيار لك
اما تغيير زيت القير اشتر جالون ب 800 mautic s واقرب ورشه ب 150 ريال يفك الكرتيل وينظف الفلتر ,
تقولي الوكاله افضل , اوكي , لكن الوكاله يفك الصره ويركب زيت ب 5 دقائق , تقولهم نظفو الفلتر يقولو ما يحتاج , ونا بنفسي بعد ما قطعت السيارة 50 الف كيلو فكيت الكرتيل ونظفت الكرتيل والفلتر وحصلت اوساخ با الفلتر والكرتيل والمغنطيس , وفلتر الباترول الجديد , ناااااااعم جداااا ويختلف عن فلترالفتك
نجي لنوعية الزيت فهي كما ذكرت اعلاه وال 400 اللي بيركب غير اعلاه توقع القير يضرب عليك
نجي لل 320 , زيت القير mautic s واذا ما حصلت هذا النوع ركب زيت الفتك mautic j
وال 320 لو تغيره على 80 الف ماعندك مشكله لكن احرص كل الحرص على تنظيف الفلتر ,والكرتيل ,
اما الفتك والله ثم والله ان بعض الزملاء الان ماشيه معاهم 350 الف كيلو وما غير الزيت
وزيت الفتك الصحيح انه يتغير من 150 الى 200 الف كيلو واذا بتغيره على 100 الف فا زيادة الخير خيرين ,وقير الفتك من تجربه ,قير جبار لو تمشي فيه بدون زيت
اما كلامك قيمة الشمعه 3000 ريال , زودها 3500 ريال , واجيب لك شمعات اماميه وشبك واصطبات خلفيه ب 7500 ريال اصلي
اخوي انت ماعليك من كلام الناس ان النيسان قطع غياره غالي
الاديتر ب 1200 ريال , واديتر تايوتا جكسار موديل 2000 ب 4000 ريال
خذ الكلام قطع غيار الباترول الجديد رخيص با الحيل وارخص من الهونداي والتايوتا
ولعلمك شمعة التايوتا جكسار ب 2400 ريال يعني شمعتين ب 4800 ريال
اما قطع غيار الكزس بجميع انواعه فهو نسج من الخيال واغلى من البي ام والاودي

[ابوسند9]

كان شفته كل ما اناظر يمين ويسار :)
الاخ العزيز
والعضو النشط الحربي
انا ما فهمت عليك؟
لكن اذا تقصد الانتشار والله بالرياض انه مالي الشوارع ملي ومبيعاته حققت نسبة كبيره
وبقطر اللي كان مافيها اللى تويوتا مالي الشوارع ولك في موقع قطر سيل اكبربرهان وشوف اسعار المستعمل
اما بالامارات لا تعليق
اتمنى منك انك تجرب السيارة ونا متاكد انه راح تتغير نظرتك مليون بالميه وسوف تفوق تصورك وخاصة ال 400 ,

[امير المشاعر]

ابو سند كفى ووفى
ابو سند ماشالله عليه في النيسان لاتتعداه بيفيدك اكثر من غيره ولاقصور في اخواني الباقيين

[عون آل مقبل]

افهم من كلامكم ان الفتك 320 حصان القير العايدي ؟
طيب بالنسبة للقير العايدي هل يحتاج الى تغيير زيت القير ؟ و مسافة كم ؟
واعذروني على قلة معلوماتي .

[الحربي 591]

الاخ العزيز
والعضو النشط الحربي
انا ما فهمت عليك؟
لكن اذا تقصد الانتشار والله بالرياض انه مالي الشوارع ملي ومبيعاته حققت نسبة كبيره
وبقطر اللي كان مافيها اللى تويوتا مالي الشوارع ولك في موقع قطر سيل اكبربرهان وشوف اسعار المستعمل
اما بالامارات لا تعليق
اتمنى منك انك تجرب السيارة ونا متاكد انه راح تتغير نظرتك مليون بالميه وسوف تفوق تصورك وخاصة ال 400 ,


هلا حياك الله وبياك

نعم هذا اللي اقصده... وصحيح كلامك في دول الخليج منتشره مثل الهايلوكس و الفوردات عندنا :D

في المدينه المنوره ما اشوف الا عدد قلييل... يمكن بسبب الوكيل الهامل..
وجربت سواقه الباترول النص فل ممتاز جدا في الامارات..

لكن الجمس له جوه الخاص بين المواتر :)
من كثر ما اشتريت من سيارات... ما قدرت انسى تجربتي في الجمسات من موديلات 80 إلى يومك هذا ;)

[الحربي 591]

افهم من كلامكم ان الفتك 320 حصان القير العايدي ؟
طيب بالنسبة للقير العايدي هل يحتاج الى تغيير زيت القير ؟ و مسافة كم ؟
واعذروني على قلة معلوماتي .


الفتك ما اذكر انه نزل بالمكينه هذي...
اعتقد مكينتها 6 سلندر قوتها حول 280 حصان... هذا الباترول الكلاسيكي الشكل القديم

اما زيت القير اذا شريت السياره تلقى الجواب في دليل المستخدم:good2:

[ابوسند9]

هلا حياك الله وبياك

نعم هذا اللي اقصده... وصحيح كلامك في دول الخليج منتشره مثل الهايلوكس و الفوردات عندنا :D

في المدينه المنوره ما اشوف الا عدد قلييل... يمكن بسبب الوكيل الهامل..
وجربت سواقه الباترول النص فل ممتاز جدا في الامارات..

لكن الجمس له جوه الخاص بين المواتر :)
من كثر ما اشتريت من سيارات... ما قدرت انسى تجربتي في الجمسات من موديلات 80 إلى يومك هذا ;)

هلابك
الجمس صراحه من تجربه , من موديل 2006 ونازل قمة ,جوده ,قلة اعطال وقيادته ممتعه , ومتماسك وعزل صوت , وبدي قووووي لا تويوتا ولا نيسان ولا غيره
لكن من موديل 2007 وطالع اقل جوده من ناحية متانة البدي وكثرة الحساسات
اما الباترول في المدينه والشمال والجنوب انا معك بسبب الوكيل الهمل , لكن انا اشوف العيسى بداء بالانتشار وافضل من الحمراني وخاصة رخص قطع الغيار
واذا انت هاوي الجمس انصحك تجرب الفورد الجديد اف 150 ,,2015 8 سرندل , 385 حصان
صدقني راح تمسح شي اسمه جمس من مخك , عليه نشاط وصوت شكمان مو طبيعي لا جمس ولا غيره ,وتسارعه من صفرالى 100 ,,,6 ثواني

[الحربي 591]

هلابك
الجمس صراحه من تجربه , من موديل 2006 ونازل قمة ,جوده ,قلة اعطال وقيادته ممتعه , ومتماسك وعزل صوت , وبدي قووووي لا تويوتا ولا نيسان ولا غيره
لكن من موديل 2007 وطالع اقل جوده من ناحية متانة البدي وكثرة الحساسات
اما الباترول في المدينه والشمال والجنوب انا معك بسبب الوكيل الهمل , لكن انا اشوف العيسى بداء بالانتشار وافضل من الحمراني وخاصة رخص قطع الغيار
واذا انت هاوي الجمس انصحك تجرب الفورد الجديد اف 150 ,,2015 8 سرندل , 385 حصان
صدقني راح تمسح شي اسمه جمس من مخك , عليه نشاط وصوت شكمان مو طبيعي لا جمس ولا غيره ,وتسارعه من صفرالى 100 ,,,6 ثواني


:good2:..
قلت لك الجمس له جوه الخاص عن السيارات :p
والجمس ان ما عجبتك مكينته وفرو لك مكاين كثيره..
4.8
و5.3
و6.0
و6.2
و6.6
و وفيه غيرها الكثير وقوتها فوق 750حصان!!
..

[سفاري سوبر]

كاستخدام ال320 مافي كلام

[al shammri]

انا ان شاء الله ناوي على باترول 320 نص فل
لكن لو توضحون لي مشكورين بعض النقاط السريعه


هل فرق صرفيه البنزين بينهم واضح وكبير ؟؟
يعني ان صرفيته تخلي الواحد يراجع حساباته ؟!


والشي الثاني العزم والقوه !!
مافي شك ان 400 حصان قوه جبارة
ومقارنها مع 320 حصان فيه اجحاف
اللي توضح الصوره اكثر مقارنتها مع gxr

[اتجاه السحاب]

بالنسبة للـ ظ£ظ¢ظ× أنا أعبي فل ظ©ظ¥ أحمر ظ¦ظ¨-ظ§ظ¢ على حسب فضاوة التانكي
بالديرة يجلس أسبوع
بالخط على حسب سرعك إذا سرعك ظ،ظ¤ظ× يمشيك ظ،ظ×ظ×ظ× وبهن
طبعاً الباترول الجديد تانكي البانزين ظ،ظ¤ظ× لتر ظ،ظ×ظ× أساسي وظ¤ظ× أحتياطي
إذا ولعت اللمبة يبقى بالتانكي ظ¤ظ× لتر
الـ ظ¤ظ× لتر تمشيك من ظ،ظ×ظ×-ظ،ظ¥ظ× كيلو إذا كانت سرعك ظ،ظ¢ظ×-ظ،ظ¤ظ×
وإذا تبي تتأكد إذا ولعت اللمبة عب بانزين وشف كم عدد اللترات المبعديه..

لكن يكفيك بالباترول راحة المركب (المراتب) ماتحس بتعب الطريق والعزل والأمان

[al shammri]

اتجاه السحاب الله يعطيك العافيه
لكن فيه مشكلة بالارقام ماتطلع ابد
ماادري الخلل من عندك او من عندي ؟!

[ابوطارش]

اذا تبي الفرق

موضوع معنى رقم الهيكل
كنت بالفحص الدوري عام 1426 وجمعت ارقام الكوابرس لان معي كابرس2000 ال تي زد وكتاب المستخدم فية شرح

وكان محدد لموتري مثل الموديل Y يعني 2000 يطلب منا التأكد من رقم الشاص اذا سجلانا البيانات ونعدل اذا فية خطاء

عرفت معنها واذ البينات طلع خطأ اعرف بدون تعب واي رقم خطا بس نسيت بعضها

5غيار للقير ومكينة 320 رمز المحرك

JN8AY25 Y 7B9009241

7 غيار والمكينة 400 نفس

JN8AY25 Y 2A9007752

طبعا نفس الشي الاختلاف في طرمبة الزيت وزيادت ترس عزم وتقدر تشوف بنفس وايضا تحت المكينة زي الكرتير ويبرد للزيت القير ادخل وتطلع البيانات للسيارات




http://www.mekshat.com/vb/showthread.php?t=684296

[الوعب]

انا ان شاء الله ناوي على باترول 320 نص فل
لكن لو توضحون لي مشكورين بعض النقاط السريعه


هل فرق صرفيه البنزين بينهم واضح وكبير ؟؟
يعني ان صرفيته تخلي الواحد يراجع حساباته ؟!


والشي الثاني العزم والقوه !!
مافي شك ان 400 حصان قوه جبارة
ومقارنها مع 320 حصان فيه اجحاف
اللي توضح الصوره اكثر مقارنتها مع gxr



يابعد حي ،، شكلك ماقريت الموضوع

اختصر لك ،، اذا ماتمنعك الفلوس خذ ال 400 حصان حتى لو انك تاخذه مستعمل ماشي اقل من 10 الاف ... (وجهة نظري الشخصية) .. انه افضل من انك تاخذ 320 اصفار

[اتجاه السحاب]

اتجاه السحاب الله يعطيك العافيه
لكن فيه مشكلة بالارقام ماتطلع ابد
ماادري الخلل من عندك او من عندي ؟!

المعذرة كاتب الرد من الجوال ابدخل اللابتوب وأعيد الكلام بإذن الله ..

[فارس العمور]

نقاش ممتازززز ومفيد

[bbk077]

كيف موتر اغلى و متعوب عليه و 8 ,.إلى و أقوى عزم و قيره .تؤ بزين . يا »بم طير بس.
السلام عليكم ورحمة الله
الأخوة الأعزاء
طبعا الفرق معروف بينهم هذا 320 حصان و الثاني 400 حصان
الأول القير 6 سرعات والثاني 8 سرعات

لكن نبي نعرف الفرق في الاستخدام للناس اللي استعملت السيارة ،،،
يقولون 320 أفضل في الاستخدام
أما 400 حصان القير غير عملي والمكينة يجي فيها اصوات مع الاستخدام و احيانا ينقص الزيت ولله اعلم

ياليت اللي استخدم يفيد اخوانه في المنتدى ...

http://newcrossoversuv2015.com/wp-content/uploads/2014/09/2015-Nissan-Patrol-Front.jpg