تغيير صوفة الدبل

[نهار الجهني]

بِسْم الله الرحمن الرحيم
السلام على أعضاء المنتدي الموقرين يا شباب لقيت في صوف الدبل الخاصة لجيبي برادو 12 تهريب بسيط ومريت على كذا ورشة وقررو ان الصوفة الأمامية والخلفية لعمود الدبل تحتاج تغيير ومحتار اخاف انهم يفكون الدبل وتكون الشغلة بسيطة الي عنده خبرة يفيدنا ويدلنا على افضل ورشة في حفرالباطن او القصيم او الرياض وكم تكون التكلفة
ولكم خالص الشكر والتقدير

[المميـز]

:

شغلها بسيط ان شاء الله
ببريده فيه ورشة الصمعاني بالتشاليح ممتاز شغلهم

:

[نهار الجهني]

مشكور يا الغالي بس الي ابي أتأكد منه هل يحتاج فك الدبل او نصه
ولكم الشكر

[الشيخ الظريف]

سبق كان عندي صالون جمس دبل وفيه تهريب بالصوف وقالوا لازم نفك الدبل وشغله طويله وشرحت الموضوع لصديق لي راعي قلابات مرسدس قال يمكن يخربون الدبل عليك والدعوى سهله امغط الجمس مسافة 40 كيلومتر ثم اوقفه وهو حامي رش الصوف مباشره بالديزل وهي حاميه يتوقف التهريب وفعلت ذلك ونجحت الفكره وتوقف التهريب

[sa13]

اذا التهريب من صوف العمود، ما يحتاج يفك الدبل
يفك العمود والفلنجات فقط

[شهادة مجروحة]

وعليكم السلام ورحمة الله وبركاته

اخوي شوف الموضوع هذا يمكن يفيدك لو استخدمت نفس الزيت

http://www.mekshat.com/vb/showthread.php?t=699352

[حسين السبيعي]

اذاكان التهريب بسيط امشي علئ السياره مسافه طويل والفضل في وقت حار ثم رش مكان النهريب بجاز كورسين وان شاء الله يتوقف التهريب كرر العمليه اكثر من مره اذا لم يتوقف الهريب

[نهار الجهني]

مشكورين على النصائح لكن زي منتم عارفين الشتاء على الأبواب وطلعات البر جاء وقتها وودنا بالحاجة الى ما تسبب لنا مشاكل في الطلعات ودنا ان كل شي على السليم
ولكم خالص الشكر والتقدير

[ولد الفضلي]

أخوي ما ودي أخوفك ، بس أنا معي برادو 2011 وكان فيه تهريب زيت بسيط ما انتبهت له ، سافرت على الموتر وطلع فيه صوت

وديته لورشة وقال الصوت من الدبل ، فك الدبل وقال لي ان الدبل ما فيه زيت

طبعاً لقيت التروس متآكله والجنزير مرتخي والحالة مزرية ، غيرت دبل كامل بـ2700 ريال

[نهار الجهني]

مشكور يا الفضلي على النصيحة وانا قريب من حفرالباطن وابغا الاخوان الى يعرفون ورشة ممتازة يدلونا
ولكم خالص الشكر والتقدير