استفسار عن مساعدات مونرو..!!!

[ابو عماد 99]

السلام عليكم ورحمة الله وبركاته ...

اخواني اعضاء موقع مكشات انا معي VX.R 2003وودي اغير المساعدات الخلفية بغير حقت الوكالة ..
وفيه انوااع كثيرة من المساعدات منها اولد مان وجبريال ومونرو ...

فكرت بمساعدات اولد مان بس سعرها احس مبالغ فييه جدا مع انها ممتازه جدا بس ودي بشي ارخص منها
ومساعدات جبريال يقولون انها يابسة حقت مراقى ومطامر .. وانا ودي بشيء يجمع المدينة والبر وزين للاستخدام اليومي ..!!

السؤال / وش رايكم بمساعدات مونرو وهل هي توفي في البر وزينة في المدينة ؟ يعني تادي مثل اولد مان او قريب من اداءها او سيئة ؟

يا ليت يكون الكلام من واقع تجربة :good2:

اخوكم / ابو عماد 99

[أبو شيري]

ليش تغير المساعد أساسا !!!

ما هي المشكله قبل البحث عن النوع ؟

اذا كنت راعي طلعات بر وحمل من الأفضل تبديل الياي أسترالي والمساعد بلد
ليكون يتحمل الحمل وفيه ليونه بالمساعد

[امير المشاعر]

اذا انت راعي بر ركم جبريل كويسه
اما المورنو انتبه منها صار يغشون فيها ركبتها على كامري تحسها تصدم المطب وتحس المكينه بتطيح من قوة المطب رجعتها وبدلوها ونفس المشكله

[حاميش]

ركب مساعدات جبريال الكحليه أفضل من المنروا بالبر ويايات استراليه المقاس الوسط عن تجربه

[بني سعد]

اذا مساعدات المونرو مكتوب عليها sensatrac فلا تصلح ابدا لان هذا النوع نفس قوة مساعدات الوكالة

http://shocksandmore.co.uk/sites/MonroeShock/sensa1.jpg

[بني سعد]

مساعدات الغاز من مونرو هي افضل شي ممكن تشتريه من شركة مونرو نفسها و لونها اصفر و مكتوب عليها
Gas Magnum

http://www.monroe.com.au/images/gas-magnum/NEW-pic-product-gas-magnum.png

[المميـز]

:

مساعدات مونرو ممتازه خصوصا اذا كان الموتر بياي الوكاله

:

[FAPioO]

انا مجرب المونرو على الفتك واستخدامي مكاشيت وتمشي منب راعي مراقى واشوفها ممتازه جدا وتجمع بين الراحه وتمسك لك الموتر وسعرها ممتاز وضمانها سنه كامله
هي خيارك الامثل

[قناص الوعول]

حط قدام مساعدات اولدمان وياي خلفي ومساعدات خلفيه منرو