المساعد الشخصي الرقمي

مشاهدة النسخة كاملة : ايهم احسن


عشق المطر
14/01/2007, 07:17 PM
الأخوه الأفاضل اعضاء منتدى مكشات :)
ودي اسألكم عن افضل الاماكن بالمنطقه الشرقيه تصلح للتخييم لأن مثل ما تعرفون اجازة بين الفصلين قربت
وحنا دايماً نخيم بالنعيريه واخر مره خيمنا كانت بعيد الأضحى والصراحه مااعجبتنا الارض كانت مافيها ذاك الربيع اللي يفتح النفس( قهر) :(

واقترحوا الاهل اقتراح اننا في الأجازه الجايه نروح للشمال :confused:

لذلك يااخوتي الاعزاء في هذا المنتدى الرائع ارغب في ان تزودونني ببعض الصور او الاخبار عن هاتين المنطقتين في هذه الايام حتى نستطيع ان نقرر وحنا مقتنعين:good:

لم الجأ لكم إلا وانا مقتنعه انكم سوف تدلونني على المكان اللي يشرح الصدرولكم جزيل الشكر

اختكم الطامعه في رأيكم بنت القصيم
دغيم
14/01/2007, 08:45 PM
السلام عليكم
هلا فيك اختي .
تعلمين ان مناطق وسط نجد هي أفضل الاماكن من حيث نزول الامطار والتوقعات لها هذا العام بربيع جيد .
اما من ناحية شمال المملكة فلا اعلم بوجود مكان غير منطقة حائل و القصيم والمنطقة الواقعة بين سامودة ولينة .
اما بالنسبة لوسط نجد وماقارب من الرياض . فأنا ارى ان أفضل مكان للعوائل هو المنطقة الواقعة قرب روضة أم القطا والمسعودي وشرق خريم .
تحياتي .


.
جمران
14/01/2007, 10:19 PM
اختي الغالية لعلكي تزورين هذا الرابط ففيه ضالتك
الرحلات والتقارير الربيعية المميزة لموسم 1427-1428هـ (متجدد) (http://www.mekshat.com/vb/showthread.php?t=66119)
بارك الله فيك
عروان
15/01/2007, 08:11 AM
تبقى النعيرية أفضل أماكن للتخييم خصوصاً للعوائل

سوق النعيرية الشعبي ينصاه أهل الخليج و هالسنة جايها مطر كثير و بأذن الله الربيع بيكون ممتاز مع دخول أجازة الربيع.
شيهون
15/01/2007, 08:44 AM
السلام عليكم

ياليت تغيرين توقيعك لأن أكثر من في المنتدى بل كلهم رجال وشكرا
عشق المطر
15/01/2007, 12:18 PM
اشكر كل من تجاوب معي

بربك دغيم اشكرك على هذه المعلومه الطيبه
جمران جزاك الله كل خير وان شاء الله اجد فيه ضالتي
عروان والله انك صادق وهذا اللي محببنا بالنعيريه ان كان داخل البلد او في البر
شيهون شكراً على النصيحه لقد نبهتني لشيء كنت قد غفلت عنه
عشق المطر
15/01/2007, 05:14 PM
لازلت ابحث عمَا طلبته :confused:
ولا يهونون الاخوه اللي ردوا علي لكن بصراحه لم اجد مطلبي:(
الحفولي
15/01/2007, 11:16 PM
اختي انتي تسألين عن الأماكن في الشرقيه

النعيريه وقت الأجازات صارت زحمه صراحه ولاتصلح الا للعزاب

عندك السفانيه حلوه وقريبه من الدمام

بالنسبه لنا يا اهل الحسا وادي العجمان حلو وخصوصا المناطق اللي قبل الصرار ومنطقه اسمها شفيه .. وعموم الوادي حلو وفيه ناس واجد تخيم فيه والأماكن هذي للي مايبي يبعد عن الطريق واجد ولا يبي الأزعاج..

ونصيحه قبل التخييم يروح ناس يختارون المكان قبل ..
عشق المطر
15/01/2007, 11:35 PM
اخي الفاضل الحفولي

اشكرك على هذه المعلومات وفعلاً لابد انه يروح احد يشوف الاماكن الزينه اول
برق رضوى
15/01/2007, 11:43 PM
وش رايكم بالغربية بس بعيدة
ينبع جاها مطر والحمد لله
يعني يوم في البر ويوم في البحر
راعي ساموده
15/01/2007, 11:59 PM
السلام عليكم

غريبه الكل يمدح النعيريه هالسنه بس اذا الدعوى الرغبه في تغيير المكان وانتم عائله كبيره فانا اشوف ان تمير مكاشيتها رائعه وممتازه للعوائل وقريبه من الديره يعني ممكن تاخذون استراحه تكشتون بالنهار وترجعون للاستراحه بالليل مراعاة للاطفال وكبار السن والمسافه ماراح تفرق كثير كلها زيادة كم ساعه
عشق المطر
16/01/2007, 12:34 AM
اخي الفاضل جهني خالص اشكرك على الرد لكن تعرف البر بريره والغثا بالديره وبعدين ينبع بعيده بالنسبه لنا وحنا مخلينه للصيف

اخوي راعي ساموده الله يعطيك العافيه على الرد
والصراحه هذا اللي انا ابي اعرفه عن النعيريه هالسنه او بالاصح هذي الفتره
واما عن تمير فالصراحه ماعليها كلام لكن فكرة اننا ناخذ استراحه مب حلوه حنا طاعين عشان نستانس بالربيع ونوسع صدورنا ونريح من البيوت بعدين لاتخاف >>طيور بر
شاكره لكم المرور والرد
أبو زياد2010
16/01/2007, 01:03 AM
هناك منطقة قريبة من القصيم وفيها نفود وفياض وكلها بحول الله تربع بالعطلة

ألا وهي المنطقة اللي بين لينة وسامودة

وهناك هجرة رغوة حولها فياض جميلة ولكن تنتظر الدفا
الكشاتي
16/01/2007, 02:01 AM
أحسن شيء البيت في هالبرد هذا

تحياتي
شيهون
16/01/2007, 07:23 AM
الأخت العزيزة بنت القصيم شكرا لتفاعلك السريع وهذا المعروف عنكم
شـهـاب
16/01/2007, 07:38 AM
مالي علم بهالمناطق


لكن تعالوا شوفوا رالي حايل
المسفري
16/01/2007, 07:57 AM
السلام عليكم ورحمة الله وبركاته
الصوره تتكلم عن نفسها
اليكم الصوره
أخوكم / المسفري http://www.mekshat.com/pix/upload/images25/mk34742_1221.jpg
عشق المطر
16/01/2007, 11:09 AM
اشكر كل الاخوه اللي تفاعلو مع الموضوع

ابو زياد2010اشكرك على التفاعل اخي العزيزولكن الاترى انها مناطق بعيده بالنسبه لنا لكننا في الحقيقه نتمنى زيارتها

الكشاتي وشلون اسمك الكشاتي وتقول اقعدوا بالبيت اشكر لك مرورك

شيهونجزاك الله خير وشكراًعلى المرور

شهابالصراحه حايل ماتنعاف لكن خلَه بالصيف ضمن رحله في ربوع بلادي

المسفري شكراًعلى التفاعل لكن ودي اعرف وين فيه هالصوره بالتحديد إذا ماعليك امر
المسفري
16/01/2007, 12:59 PM
وهذه صوره أخرى
أستلمو
للأخت بنت القصيم والأخوه جميعا هذه فياض شمال المملكه
أخوكم / المسفري
http://www.mekshat.com/pix/upload/images25/mk34742_1222.jpg
أبو زياد2010
16/01/2007, 01:13 PM
الاترى انها مناطق بعيده بالنسبه لنا لكننا في الحقيقه نتمنى زيارتها




أختي بنت القصيم

بريدة إلى قبة 150 ك.م

ومن قبة إلى سامودة 73 ك.م

ومن سامودة إلى رغوة 100 ك.م

المجموع 323ك.م

أنت تقولين انكم كشتوا في النعيرية

والنعيرية عن الحفر 320 ك.م

والحفر عن القصيم 390 ك.م

على العموم إذا لقيتي منطقة ربيع زينة لا تبخلين بها علينا
عشق المطر
16/01/2007, 04:22 PM
اخي الفاضل ابو زياد 2010

اشكرك على هذا التوضيح وإن شاء الله اول ماتجي اخبار عن مناطق الربيع الزينه اعلمكم:)