وش رايكم بهذا السلاح

[مناحي]

السلام عليكم ورحمة الله وبركاته
اولا يشرفني الانضام الى منتداكم الرائع
وعندي سؤال عن الخرازة الاتوماتيك ام 16 ط
ماركة : وانشستر
الصنع : امريكي
العيار : 22
وكم تسوى سعرها وهل هي جيده ام لا ؟

وماشاء الله عليها
بس حبيت اخذ رايكم
وعندي مشكله وهي :
مسمار الى على النيشان مفقود ؟:(
هل يوجد محل يبيعها او اولف عليها مسمار هوائيه ؟
امل منكم التجاوب ولكم تحياتي

[نجمة سهيل]

حياك الله اخوي مناحي .حبيت اوضح لك شي وهو انه ممنوع ذكر الاسعار في المنتدى.
وبالنسبه للمسمار بالرياض عندك محل الهدف وعندك الشايقي.كلهم يصلحون الاسلحه الناريه وعندك سوق الزل. وشـــــــكــــــــرا.اما بالنسبه للبندق والله ماعندي معلومات عنها.

[مناحي]

مشكور اخوي والمعذره على مخالفتي نظام المنتدى

[الشيخ]

حياك الله يا مناحي
انا جربت الشوزن ام خمس عادي من نفس الماركة ونشستر الامريكية
ممتازة جدا لكن يعيبها عدم توفر قطع الغيار هذا بالنسبة للكويت
مدري اذا انها متوفرة عندك ولا لأ
بس ان الصناعة ممتازة جدا
اما عن الخرازة شفتها لكني ما حصل لي اني اجربها
واسف اذا ما فدتك عنها لكن الصناعة عال عال

[السكب]

أستخير وأستشير أهل الخبرة........وأعقدها وتوكل

[عاشق النحم]

عندك مثل ماقال أبو سهيل بس عندك السمح أسئله هو أدرانا وعنده اللي يبرد ستبدك

[مناحي]

شكرا عى تجاوبكم معي
ولاكن يا اخوان مشكلة مسمار النيشان االمفقود
وش الحل فيه وللعلم انا من مكه
اما يبو سهيل لمحل الشايقي والهدف رحتله وقالو ماعندنا
لاكن سوق الزل قي محل تخبر فيه عطني اسمه والله يعينني اطلع له
ولكم شكري

[الـقنـاص]

الله يهديك ياأسير الصمان أنت ماتدري أن ممنووووع ذكر أسعار الأسلحة هنا الله يهديك

================================================== ===

هلا يامناحي : //

أنا عندي حرازة أم 16 مخزنها من وراء في أخر البندق حديدة على شكل دائرة تأخذ 16 طلقة

وهي البندق سوداااء وصغيرة اذا كان اللي عندك نفسهاااا تراها ممتازة ممتازة ممتازة ممتازة مرررة

وأخذها وأنت مغمض عيوووونك وأسئلني عنهااااااااااا

وهي قديمة أنا شاريها من الحدود قبل 8 سنوااات واللـه كانها هي لا تروووح عليك ..

وعلـى قولة المثل أسئل مجرب ولا تسأل طبيب :)


ولكم تحياتي
الــقــنــ ,,, ـاص

[مناحي]

السلاح الى عندي مخزنها تحت السبطانه
يعني هي رديفه لها

[دغيم]

السلام عليكم
أخوي مناحي البندق ممتازه وهي موجوده في السعوديه
من 20 سنه على ألاقل رميها مايتغير مثل بعض البنادق
البرنو يتغير رميها إذاأطلق منها حوالي 2000 طلقه
تغير وقع الرصاص أما هذي فلايتغير أبدا وأنصحك بالاحتفاظبها
والمسمار أنت تقدر تركب لها مسمار مثل ألاول العمليه لاتحتاج خبره

[مناحي]

اهلا بيك يا دغيم
والله ما اخفيك الرجال الي كانت معاه يقول انها متن 18 سنه
وهي عنده

[دغيم]

مساك الله بالخير أخوي مناحي
لايوجد صوره في الموقع وكن لاأضن اني بحاجه
ألى صوره الونشستر معروفه
وأنت تقصد الخزنه تحت السبطانه وهي على شكل
ماسوره صغيره وأقولك البندق مايجي منها جديد
أي نفس الموديل .
وذكرو الاخوان أماكن تصليح السلاح بالرياض

[مناحي]

يعطيك العافيه

[جارمن]

كيفك يامناحي

بالنسبه لخرازتك فيهي ماعليها وبالنسبه للمسمار رح لرمايه ولا رميح جبها من هينا ولا هينا ماعليك يعطونك

اما اذا تبي احسن نوع للخرازه (الخرازه الالمانيه) احسن خرازه بالعالم

مع تحياتي
جـــــــارمن

[ولد روضة سدير]

اسأل مجرب ولا تسأل خبير .......................

[مناحي]

جارمن
ولد روضة سدير
يهلا بيكم وشكرا على تجاوبكم
اما الالماني فهي عندي وفعلا جيده لاكنها ثقيله
اما الامريكيه فهي خفيفه وممتازة

وعسى الله ان ينصر الاسلام والمسلمين
امين امين امين