أبي رأيكم يا الربع ظروري

[أبوعدي93]

السلام عليكم ورحمة الله وبركاته

مساكم الله بالخير

يا الربع مالي بالمقدمات أنا رجال راعي كشتات وجلد وعلى قد حالي وابي موتر ينشد به الظهر أنا الآن معي جيب باترول 93 واكلن بالخرابات وعطون رأيكم كثير قالوا لي اشر شاص موديله بالتسعين والي قالوا لي هايلوكس موديل 2006أو2007 دفرنسين غمارة وأنا حدي 35الف وش رايكم يالمكشاتيين ايهم ازين من جميع النواحي خرابات قطع غيار وغيرها اتمنى من راعين التجربه انهم يفيدوننا

وجزاكم الله خييير

[أبوعدي93]

يا اخوان الي له خبره يفيدنا الله يعطيكم العافية!!!!!

[خبايا انسان]

35 تجيب لك هايلكس دفرنسين

وتراه موتر ينشد به الظهر وصرفيته ف البنزين قليله .... الخ الخ اسال عنه

[أبو شيري]

دامك مجرب الباترول أبحث عن نفس موترك بس 96 او 97 نظيف نظيف بنهايته حدود 30

لأن الهايلوكس غماره ما تشيل شي تبلش بثيابك اذا معك راكب

[أبوصالح9]

35000 تجيبلك باترول 96 او 97 نظيف بالحيل - ولا دور لك واحد بحدود الثلاثين والخمسة الباقيه حطها تجديد قطع ويطلع لك احسن من الجديد - اهم شي سلامة المحركات قير ودفرنس ودبل -

[ابن روزه]

دور لك حوض جمس دبل ارضي موديل 2005 او 2006 سعره في هذه الحدود

[بو خليفه]

ددسن دبل موديل حديث

[برق نجد 22]

إذا لقيت هايلوكس دفرنسين بهالقيمه لاتعداه تراه موتر ينشد به الظهر والغمارتين أفضل لك من الغماره

[انا العربي]

اشور عليك انك تنفض موترك بالقريشات اللي معك
باترول مافيه اسهل منه بالسيارات وتحمل وكرف ومريح والبر مايجي مابعده موتر

إذا المكينه رايحه خذلك من التشليح وماراح تكلف كثير وإذا نظيفة انفض بطنه من عضلات وربل والخ وتنجيد
وماراح يكلف اكثر من 15 هذا إذا الموتر مولي بالحيل

السعر اللي معك ماراح يجيب شيء نظيف الا ممكن باترول96-97 وبعد يبي تلقيطات وبعض الامور عشان كذا اشور عليك تنفضه اما إذا مالك بالورش والتعب خذلك ددسن دبل تحصل بالسعر هذا وموتر مايطلب صح العزم لك عليه لكن ماتقصر

[الفهيد بدر]

أنصحك نصيحه مجرب غير الباترول لا تدور اللي مجربه ما يرتاح بغيره آشور عليك انفض موترك نفض وانساه

[العقاري1]

سبحان الله و الحمد لله و لا إله إلا الله و الله أكبر .