فصل الدفع الرباعي !!!

[ابو عماد 99]

السلام عليكم ورحمة الله وبركاته


اخواني انا معي VX.R 2003 والموتر دفع رباعي مستمر وانا ابي افصل بالترس ما ابي اركب فرارات على كلام ناس واجد انه ما يضر ابد وبالعكس يخف الموتر قومة وعزم ويريح الموتر والكلتش ...

هل هذا الكلام صحيح ؟ وهل فيه ضرر ام لا على كلام الناس ؟
يا ليت يكون الكلام من واقع تجربه ..!!!

محبكم / ابو عماد :)

[المميـز]

:

اذا انت راعي تطعيس ومنوفر هذي كلها تسبب ضغط على الكارونه وتخرب
وهذا هو العيب الاول لفصل الرباعي والثاني تتغير رساوة الموتر للاقل من السابق

:

[AL-OTAIBI]

على حسب الموتر و دفرنساته. لا تلخبط بين نظام الدفع الرباعي المستمر و دوران العمود الامامي فقط في سيارات الدفرنس الامامي.

اذا كان نظام سيارتك دفع رباعي مستمر ( يعني الكفرات نفسها تدور مع دفع السيارة بنسبة معينة) معناته الفرارات ما راح تنفع لحالتك. في طريقة اخرى يسوونها لفصلها يفيدونك فيها بعض الناس اللي سووها.

[ابو عماد 99]

:

اذا انت راعي تطعيس ومنوفر هذي كلها تسبب ضغط على الكارونه وتخرب
وهذا هو العيب الاول لفصل الرباعي والثاني تتغير رساوة الموتر للاقل من السابق

:



طيب اذا فصلته بيكون نفس الي يجي من وكالته خلفي في الرساوة ؟ ولا فيه فرق اني افصله ووانه يجي خلفي ؟
والطعوس والمنوفر تضر الكارونه اذا فصلته ويضر الي خلفي من الوكالة ؟
يعني هذي الاسلبيات بس اذا فصلته ولا حتى في الموتر الخلفي ؟

[باترول5600]

وعليكم السلام ورحمة الله وبركاته

حي الله ابوعماد .....

اولا : نظام الدبل في الاندكروزر كهربائي ( يعني لو ركبت فرارات ما راح يمشي الموتر ) يعني لاتفكر بالفرارات إلا اذا فصلت الدفع الرباعي .

ثانيا : فصل الدفع الرباعي بيعطيك راحه للموتر ولا فيه ضرر ولا شي .

ثالثا : في حالة ان عندك صوت ( ونه ) في كارونه قدام عندك امرين
1 : تغير الكارونه وهذا مكلف ماديا ونسبه النجاح ضعيفه
2 : فصل الدفع الرباعي وتركيب فرارات اسرع واقل ماديا ومعنويا واضمن .

رابعا : فصل الدفع الرباعي عباره عن ترسين تنشال من الدبل ويتم تلحيم مكانهم وشغلتها حساسه وتحتاج مختص

* كلامي هذا من واقع تجربه وانا حاليا معي 2004VX-R , وفصلت الدفع الرباعي بقيمة 1100 عند ابوعبدالله الصمعاني في بريده .