مثبت سرعه هل يمكن تركيبه ؟

[SAS2]

السلام عليكم

اخواني ابي مثبت سرعه مبسط وبدائي لان عندي سفره هاليومين لحائل ومشواره حوالي 500 كيلو ومريت كم ورشه بالديره وابوهنود يقول مافي معلوم والموتر باترول 95 فكرت بالابنص قالوا مايجي الا لتحميه الموتر فقط فالي عنده فكره بسيطه يفيدني فيها اكون شاكر له

[الحربي 591]

والله لو اني محلك ابيع السياره وما اركب لها مثبت سرعه :D

[SAS2]

المشكله يالحربي عندي لاند كروزر الشكل الجديد لاكن ما يصف جنب الباترول بالراحة والصبر ومتعه التمشيه بالبر الزبده هالكسره يسوى عندي شي كثير:D:heart:

[عاشق الهدد051]

و عليكم السلام
والله يا اخوك فيه طريقة بدائية و يستخدمها عمي طبعا معه ونيت سوزو
يجيب خشبة و يحطها على الدعسة و من الجهة الثانية تسندها قاعدة المرتبة
و خذ لك اطلق مثبت سرعة

[جني صغير]

انا أحط شنطة العده بس كم مره بغيت اجيب العيد بس ربك ستر

[SAS2]

عاشق الهدد وجني صغير جزاكم الله خير وطريقه عاشق الهدد اشوفها الافضل الف شكر :good2:

[SAS2]

عاشق وجني افدتوني جدا جزاكم الله خير وطريقه عاشق الهدد اشوفها ممتازه الف شكر لكم

[صالح ابو لمار]

اخوي ممكن تركيب مثبت سرعة وشغل وكالة ومضمون

فيه واحد اسمه فلب ( فلبيني ) كان شغال بوكالة الجفالي وشغلمه معروف

موقع بالقصيم ( البدائع ) اسال عنه

الرجال له خبره كبيرة لكن السعر الله يعينك على مكاسره


مركبين مثبت لباترول موديل 95 وله ثلاث سنوات طرقي بين الرياض والقصيم وغيره ماشف شي ولله الحمد منه

[العقاري1]

سبحان الله

[الحبييب]

السلام عليكم
انا توي مركب مثبت سرعه عند فليب بس غالي 1600
موقعه القصيم الخبرا اسال عن فليب في قوقل ويجيك كل شي حتا رقمه
موتري جي اكس ار

[SAS2]

صالح والحبيب جزاكم الله خير معلومة ممتازة ربي يوفقكم الحين بالحفر بعد هالامطار وجوها الخيالي وفكرة عاشق ريحتني جدا كفكره موقته طبعا ووصلت وانا مرتاح الحمدلله الف شكر لكم وسوال لخواني صالح والحبيب كم مده التركيب لللمثبت ؟