تويوتا تاندرا !

[abo saad alwa]

السلام عليكم ورحمة الله وبركاته بالخير يالربع شلونكم

ما اطول عليكم انا معي تادرا غمارتين وتعرفون التاندرا امريكي ماجا بالوكالة هنا
لكن انا سؤالي وين القى احد يفصل له عدد وتجهيزات مثل الشد على الصندوق او الطبق او حتى غطا صندوق وابي اجهزة تجهيز كامل

الله لا يهينكم اللي عنده تاندرا ومجهزه تجهيز للبر يعلممن لا هنتوا ..!
وشكرا :good2:

[موتر بر]

عندك عروق الشمال ببريدة او مركز شمس بالرس

[العقاري1]

سبحان الله

[خيال الغلبا]

ابوسعد

الا انت عطنا العلم

انا ابغى لي تندرا غماره والا غمارة ونص

وماعندي أي فكره عن السياره

ممكن تعطينا علومها وماهوالافضل

[ابوحسن2016]

بالنسبه للطبق افضل شي السنيدي جمال الشكل والشد والاقفال الجانبيه. الحقيقه مميز

[abo saad alwa]

ابوسعد

الا انت عطنا العلم

انا ابغى لي تندرا غماره والا غمارة ونص

وماعندي أي فكره عن السياره

ممكن تعطينا علومها وماهوالافضل

والله يا بعد حيي يا خيال الغلبا الموتر ممتاز ويطربك سواء كان بخط والا نفود والا جلد لا من ناحية راحة ولا من ناحية قوة مكينة ما شاء الله لكن فيه عيب الغمارة ونص والغمارتين ( الطول ) وفيه عيب ثاني انه بعض قطع الغيار ممكن ماتحصلها اذا قدر الله بحادث او خراب لكن فيه بعض القطع من السكويا والجمس تركب عليه

اتمنى اكون افدتك :good2:

[Salamah.y]

عندك الإختيار بحايل ,, رح لهم بسيارتك ياخذون القياسات و يفصلون لك اللي تبيه
ما تعوق معهم ماشاء الله ,, و عسى الله يبارك لك بسيارتك و يكفيك شره ~

[ابو شهد]

بالنسبة للكهرب وتجهيزاتها وشغل ممتاز
عليك بفنون الكهرب ببريده بصناعية الرواف
لمبات وثلاجه وجهاز الكنود
وكل هذا بظفيره مستقله عن السيارة تماما

[abo saad alwa]

بالنسبة للكهرب وتجهيزاتها وشغل ممتاز
عليك بفنون الكهرب ببريده بصناعية الرواف
لمبات وثلاجه وجهاز الكنود
وكل هذا بظفيره مستقله عن السيارة تماما

الله يجزاك خير ابو شهد ما قصرت لكن لو تقدر تفيدن بالاسعار اكون لك من الشاكرين

[الشيخ الظريف]

ياخيال الغلبا انا عندي تاندرا لها اكثر من ثلاث سنوات ونصف السنه وشوري عليك لا تشتريها وانا صبور ومع ذلك تضايقت منها بسبب طولها وعدم ارتفاعه حيث تنشب بالعرود ولا يفيدك دبلها ونشاطها وقطع غيارها يتعبك صحيح المكينه تراكب السكويا ولكن الباقي لازم تطلبه من الخارج اما النشاط فهي نشيطه وصديق لي اشترى غماره جديده ويريد بيعها بسبب صريخ الكفرات عند النهوض من الاشاره يقول تفشلت يحسبوني افحط وٱظن انها بنت عم الشفر والجمس فقط مكينتها مكينة لكزس

[اليامي قطر]

يبيعها عشان الكفرات تصرخ عند الاشاره :eek::eek:

يخف رجله وانت بكرامه ويخلي موتره عنده

( حدث العاقل بما لايعقل فان صدق العاقل فلا عقل له )

وسلامتك :good2:

[خيال الغلبا]

أبو سعد والشيخ الظريف بيض الله وجيهكم وجزاكم الله خير

[الشيخ الظريف]

يا يامي قطر السياره قويه ادنى دعسه تجعلها تدور الكفرات بسرعه والرجل ماهي بميزان ولا هوب شباب يمكن انت شباب تهوى التفحيط لكن الرجل الكبير العاقل يتضايق

[abo saad alwa]

أبو سعد والشيخ الظريف بيض الله وجيهكم وجزاكم الله خير

واياك وابرك الساعات .. واذا سألت احد عن شيء كل واحرد بيعطيك رايه حسب تجربته واحد يمدح واحد يذم وكل واحد عقله براسه ويعرف يقيم الامور .. واذا انت رجال ماتوزن رجلك بالدعسة لا تشتريه يمكن يوقفونك الدوريات بسبب التفحيط ههههههه امزح امزح :D

[abo saad alwa]

ياخيال الغلبا انا عندي تاندرا لها اكثر من ثلاث سنوات ونصف السنه وشوري عليك لا تشتريها وانا صبور ومع ذلك تضايقت منها بسبب طولها وعدم ارتفاعه حيث تنشب بالعرود ولا يفيدك دبلها ونشاطها وقطع غيارها يتعبك صحيح المكينه تراكب السكويا ولكن الباقي لازم تطلبه من الخارج اما النشاط فهي نشيطه وصديق لي اشترى غماره جديده ويريد بيعها بسبب صريخ الكفرات عند النهوض من الاشاره يقول تفشلت يحسبوني افحط وٱظن انها بنت عم الشفر والجمس فقط مكينتها مكينة لكزس

الشيخ الظريف المعذرة لكن مب صحيح انه بس المكينة اللي تركب لها السكويا كثير من القطع يركب من قطع الجمس ومن السكويا

من واقع تجربة اتكلم

[الخالدي999]

ابو سعد الله يوفقك ياليت تعلمنا عن قطع الجمس الي تركب على التندرا يمكن ارخص من تويوتا

[abo saad alwa]

ابو سعد الله يوفقك ياليت تعلمنا عن قطع الجمس الي تركب على التندرا يمكن ارخص من تويوتا

انا اللي جربته كان صلبان العامود تركب على التاندرا وفيه اكثر من قطعه تركب عليه بس ناسي وش هن بالضبط