من عنده علم عن التنهات ؟ عاجل...

[ولـد الدوادمي]

السلام عليكم ورحمه الله وبركاته

ابي فزعتكم الله لايهينكم

احد منكم راح للتنهات قريب هل هي مربعه ولا لا ؟

ووشلون اروحلها من الدمام مع طريق الرياض مناك ولا له طريق ثاني ؟

[نجم حفرالباطن]

اخوي الكريم اليوم جاي العضو vxr من التنهات اساله يعلمك او راسله على الخاص

[هاوي _المقناص]

السلام عليكم

اما علم الربيع بها ربيع لكن مرتكي عليه البرد ، والوصف من طريق الدمام عندي

اذا كنت مع السريع وجاك مفرق رماح تروح معه لين تجيك رماح تعداها تجيك الرمحية قبلها تقاطع يروح يسار للرياض اتركه وادخل الديرة

يجيك درب يطلع من الرمحية للحفنة امش معه لين يجيك دوار ، يسار يروح للطوقي والرياض ويمين يروح للتنهاة رح يمين لين يجيك دوار يسار العتش ويمين يروح للصمان ابتل معه سيده يوقف في التنهاة .

ورحلة سعيدة :)

[دغيم]

السلام عليكم
هلا فيك أخوي ولد الدوادمي

نعم التنهات مربعة بس ربيعها يبي له وقت زيادة ودفأ .
والا السنه هذى جايها خير وسيل كثير . حتى المنطقة اللي عنها شمال مليانه ماء وشجر سدر .
اذا انت من الدمام أو تحب تجي من طريق الدمام فأضل لك هو طريق الجنادرية قبل الفحص الدوري
ثم تتجة عن طريق الثمامة الى طلعة الطوقي ،
أقرب وأفضل من طريق رماح .

تقبل تحياتي أخوك دغيم


.

[weather]

ابشر بسعدك التنهات مربعة وأنا بنفسي كنت هناك يوم سابع من ذي الحجة واليك بهض الصور .


http://o9o9.net/2/uploads1/42871c669b.jpg

[ولـد الدوادمي]

شعل من جابكم للجمه وانت بعد جعلكم والله بالجنه

اخوي ويذر اجل تنصح نروح

اخوي هاوي المقناص الله يطول بعمرك ويعطيك الصحه والعافيه على الرد والفزعه بس ايع=هم اقرب طريق ارماح ولا من عند الجنادريه والثمامه
اخوي بريك دغيم وصفك اقرب من رماح ووين اطلع للتنهات بالضبط معه واكون لك شاكرأ

ولد الدوادمي

[weather]

ولد الدوادمي :-

اليك هذه الخارطة التي سوف تسهل لك الطريق الى أمناطق عديدة وهي من عمل أحد ألاخوة جزاة الله خيراً .

http://o9o9.net/2/uploads1/dfec5252f7.gif

منقوله

[Oo VXR oO]

أخوي ولد الدوادمي يبدوا أن أخوي نجم حفرالباطن الله يهديه أخطئ وقالك أني رحت للتنهاة وانا رحت لروضة خريم اليوم والربيع هناك زين وبالنسبه للتنهاة مارحتلها ألى الان لاكن أسمع أنها مربعه وزينه

تحياتي لك

[قسوره2006]

اخي خذ العلم وسند اخر زياره لي الى التنهات في يوم 22 - 12 - 1427 هـ

واخت لفه كامله على الروضه من جميع جهاتها وافضل الجهات (( شمال شرق الروضه )) وكل ما تتعمق في داخل الروضه في الجهه التي ذكرت لك تجد النبت اكثر كثافه


شكرا متواصل للجميع

[دغيم]

السلام عليكم
أخي : ولد الدوادمي
بالنسبة للطريق - وانت قادم من الدمام - عندما تصل ( كبري ) الفحص - استاد الملك فهد - ستشاهد اللوحة الارشادية - الثمامة - الجنادرية - ادخل من تحت الكبري - واتجه شمال - حتى تصل الى - الجنادرية - واصل المسير - تجيك محطة خزام على اليسار - واصل المسير - نقطة تفتيش الثمامة - واصل المسير - ملف الطوقي - الصمان - التنهاة .- اطلع يمين - توكل على الله وواصل المسير حسب اللوحات .
طبعا الطريق هذا اقرب من طريق رماح ومختصر وسريع .
تقبل تحياتي .

[ولـد الدوادمي]

اخوي \ ويذر والله قوله شكرأ قليله بحقك جعل الله يطول بعمرك ويدخلك الجنه قل امين وانخوك والله كفيت ووفيت وتعبت عمرك وانخوك وهذا من طيبك والله


اخوي \ vxr ماعليه يارجال خيرها بغيرها انشالله ههههههه

اخوي \ قسوره الله لايهينك اخوي وانشالله اني ابطلع وانشالله بنلقا الارض الي توسع الخاطر

اخوي بربك دغيم الله لايهينك وانخوك والله تعبناك وكفيت ووفيت وجعل الي جابوك بالجنه وسلمت اناملك الي كتبت فيها وتعبتك

وتبلو تحياتي

أخوكم / ولد الدوادمي

[قسوره2006]

اخي (( بربك دغيم )) انا اقول للقادم من الدمام متجه للتنهات اقرب طريق له هو طرق رماح - الرمحيه - الى دوار الحفنه ثم الاتجاه شمال - الى دوار الصمان - ثم الاتجاه شمال - الى التنهات الموقع وعليك الحساب لماذا يدخل اطراف الرياض

مشاركه في الرآي والله الهادي


وشكرا متواصل للجميع

[ولـد الدوادمي]

الله لايهينكم بس هاه اصملو على شي ايهم اقرب ؟