طريقة استخدام الونش بالطين

[احمد الصالحي]

السلام عليكم ورحمة الله وبركاته

مباركن الخير علينا وعليكم والله يطرح به البركه


طلعت اتمشی وانا ورجالن شرواكم بالشمال بعد لامطار وماشاء الله جايهم خير

ودخلت من ورا اعيوج لينه اهمل واتمشی والنيه طريق الحفر ورفحاء السريع
لارض مرتويه ماشاء الله والجواد مليانتن ماء وطين امشي مع جاده بها الماء بسيط

لكن طلعت به حفره قشری ومير يطيح ورا كله والكفرات للي ورا تعلقن وقدام يبوش بطين والجيب مليان اغراض وماء والجيب متكي علی السبير والخ...
ولا حولنا سيارات ومقطعه لا نت ولا شبكه ونلقی زول عند حلال جزاه الله غير عاونا ومعي مسحات بس مانفعت مع الحصی والزول عنده عتله ومسحات كبيره

ونحفر لنا احدود متر واربط حاصاة وثبته وندفنه ونثبت الباقيات والحمد لله طلعنا سحب نفسه بالونش
من وقفت بالطين و طلعت ونمت بفيضة وماشفنا سيارة لين طلعنا علی الخط
لولا الله ثم شغل ايدينا والهمه كان ماطعنا
http://cdn.top4top.co/i_91ce28af3d2.jpg (http://up.top4top.net/)http://cdn.top4top.co/i_91ce28af3d1.jpg (http://up.top4top.net/)http://cdn.top4top.co/i_91ce28af3d0.jpg (http://up.top4top.net/)http:// http://cdn.top4top.co/i_91ce28af3d0.jpg

http://cdn.top4top.co/i_182b3eea6c0.jpg (http://up.top4top.net/)
[url=http://up.top4top.net/]http://cdn.top4top.co/i_520054ee502.jpg[/url
[url=http://up.top4top.net/]http://cdn.top4top.co/i_520054ee501.jpg[/url

[ابو سالم22]

ما شاء الله
هاذي فايدة الونش
فكره حلو والحاجة ام الاختراع
والحمد لله على السلامة

[ابو عزام الشمالي]

الحمد لله على سلامتكم

احتياطاً اقتني طنب تقريباً متر ، بتحصلها بالغراب

[ساري الليل 44]

الحمد لله على السلامه
البر وانا اخوك مايتجرأ عليه الا اللي يعرف
مفاجآته مثلك وشرواك وأخوياك ولا قصور في الباقين

[ابوسند9]

وعليكم السلام
والحمد لله على السلامه , وماشاء الله بدايت الباذر
وبها المناطق لازم يكون ممشاك مع الوعر وعساك تسلم
وعن نفسي لو السيارة فيها ونش ما راح استغني عن عتلة السحب كما في الرابط التالي
https://www.youtube.com/watch?v=svrlzGMoENE
وكذالك هذي لكن الشوف اللي بالرابط الاول افضل
https://www.youtube.com/watch?v=4gzyFFWufgo

[HAS5SAN]

الحمد لله ع السلامة
انا اقول الجيوب بدون دف لوك وونش مثلها مثل الهايلكس

[احمد الصالحي]

ما شاء الله
هاذي فايدة الونش
فكره حلو والحاجة ام الاختراع
والحمد لله على السلامة

الله يسلمك اكيد لو تنتظر احد ماحولي أحد

[احمد الصالحي]

الحمد لله على سلامتكم

احتياطاً اقتني طنب تقريباً متر ، بتحصلها بالغراب

الله يسلمك اكيد درس ذي المره

[احمد الصالحي]

الحمد لله على السلامه
البر وانا اخوك مايتجرأ عليه الا اللي يعرف
مفاجآته مثلك وشرواك وأخوياك ولا قصور في الباقين

شرواك الطيب اكيد تتكشت بعيد نق اخوياك نقوه

[احمد الصالحي]

وعليكم السلام
والحمد لله على السلامه , وماشاء الله بدايت الباذر
وبها المناطق لازم يكون ممشاك مع الوعر وعساك تسلم
وعن نفسي لو السيارة فيها ونش ما راح استغني عن عتلة السحب كما في الرابط التالي
https://www.youtube.com/watch?v=svrlzGMoENE
وكذالك هذي لكن الشوف اللي بالرابط الاول افضل
https://www.youtube.com/watch?v=4gzyFFWufgo
الله يسلمك الخير قدام أن شاء الله والله يبعد الناس الحوسه عن الفياض وتزين
ويز احصلها عتلت السحب ؟؟

[احمد الصالحي]

الحمد لله ع السلامة
انا اقول الجيوب بدون دف لوك وونش مثلها مثل الهايلكس

الله يسلمك
هذا للي يميز الجيب الونش والدفلك

[abubadr98]

الحمد لله على السلامة

[krk]

عليك بهالقطعه من شركة ARB او فصل نفسها تغنيك عن الحفر وتختصر الوقت

http://store.arbusa.com/ARB-Portable-Ground-Anchor-ARB230-P3599.aspx

وهذا فيديو التجربه

https://www.youtube.com/watch?v=3VG7sMsmKRI

[أبوصالح9]

الحمد لله ع السلامة
انا اقول الجيوب بدون دف لوك وونش مثلها مثل الهايلكس


واللي مشقين عمره ويدور الكسافه ماينفعه لا ونش ولا دفلك - وسبق اني سحبت جيب 2010 فل كامل ونش ودفلك ولا نفعنه وموتري لا ونش ولا دفلك - الدعوة مهب على التجهيزات الموجودة بالسيارة وانا اخوك - الواحد يطلع للبر ويرجع ويقول تبهذلنا وتغربلنا وبغينا نموت ولو تبرق تلقاه هو السبب - شعيب قدامه ويقول ابقطعه ولا صبخه ويقول عادي يمشي الموتر - وش اللي حادك على القراده وكلامي غير موجه لاحد بعينه لكن وش اللي يمنع اذا شفت قدامي شعيب ما اجنب عنه واخلي الوضع تمشي لو ازود 10 كيلو ولا اغربل نفسي واتكسف - الكلام يطول لكن اتمنى وصلت الفكرة

والحمد لله على السلامه يابو حميد وماتشوفون شر