يالربع افيدووني بموقع لمكشات لنوم بالقرب من الرياض

[ابووو ساره]

بسم الله الرحمن الرحيم
السلام عليكم ورحمة الله وبركاته

علوم المكشاتيين
يالربع الله لايهينكم انا ابغا مكان للمكشات
بالقرب من الرياض حق نوم يومين
انا كشت قبل اسبوع على طريق الرين بيشه
نفود حليو لاكن السوافي والهواء دفنتنا

[Obu-Nasser]

رح لخشم الرثمه
شمال الرياض

[falah8879]

ماحول الرياض شي زين
خذ استراحة وريح راسك

[عاشق دياري]

الدنيا ممطورة والشعبان سايلة

أنصح بالتوجه للدهناء واختار لك مكان زين وذاري عن الهواء .

واذا اصبحت تمش للروضة ولشعبان وارجع محلك

[مصحصح صح]

راي الاخ عاشق دياري سديد لا تبات الا في رمال وطعوس والفياض طينية لاتصلح وقت المطر
الله يبارك لنا فيما رزقنا واجعله رحمة للحاضر والباد

[مغرم بالفياض]

عليك بالدهنا الاجواء خيالية

[منسدح واقف]

انت بتطلع للبر علشان تنام

روح للفور سيزن او الرتز كارلتون

[ابوطارق 911]

الدنيا ممطورة والشعبان سايلة

أنصح بالتوجه للدهناء واختار لك مكان زين وذاري عن الهواء .

واذا اصبحت تمش للروضة ولشعبان وارجع محلك

نعم الرأي
فعلا افضل خيار

[شويعر الرياض]

الدنيا ممطورة والشعبان سايلة

أنصح بالتوجه للدهناء واختار لك مكان زين وذاري عن الهواء .

واذا اصبحت تمش للروضة ولشعبان وارجع محلك

رايك هذا هو الافضل
الله يوسع صدر الجميع على الطاعة

[Wil8080]

تقترحون يالنشاما موقع زين للي جاي من الشرقية ؟؟

[العطة]

السلام عليكم ورحمة الله وبركاته
اقترح عليك من بعد ضرماء باتجاه مرات حتى ثرامداء فية فياص وشعبان ونفود.
او من صلبوخ حتى ثرمداء.
ابوعبدالاله

[همس الغدير]

الرياض وحولة وين ما رحت زين

[الدوسري2010]

الدهنا تطرب الخاطر بس تكفى انتبه على المخلفات احرقوها ولا اجمعوها

[فتى اشيقر]

يفيدوك الربع